الساحة الصيفية...سنة تانية صيدلة

مشاركة : 710

فتاة المستقبل

جامعـي نشـيط

مسجل منذ: 06-02-2010
عدد المشاركات: 115
تقييمات العضو: 1
المتابعون: 2

غير موجود
اشــترك بالتحديثات
رسالة مستعجلة

رد مشاركة : الساحة الصيفية...سنة تانية صيدلة

21-09-2010 08:02 AM

السلام عليكم و رحمة الله..
أنا حكيت اقتراح أنو كل واحد يذكر سلبيات وإيجابيات طريقة دراسته بالسنة الأولى..لنستفيد من بعض..
وأنا لما فكرت كيف كانت دراستي وصلت لأنو في شغلات المفروض عدلها لأنو سببت هدر وقتي وشغلات فادتني وحبيت اذكرها للفائدة:
الأمور السلبية اللي لازم غيرها-انشاء الله-:
-عدم وجود نظام للنوم:وهاد الشي قلل من دراستي بكير مع أن ساعة الصبح أحسن من تلاتة بغير وقت (من وجهة نظري).
-تسجيل كتير من المحاضرات:والسبب أنو في دكاترة(متل دكتورة النبات مثلا..) يقولو بدهم يحكو إضافات و يجيبو منها(وأنا بدي دراسات)بس هاد الشي بيتعب كتير؛وبيهدر وقت ؛بس بنفس الوقت الواحد كيف بدو يتبع بالمحاضرة مشان يعرف شو الإضافة على الكتاب وينتبه كمان!!
لكن لقيت بديل لهي السنة أنو بدل الوقت المضاعف بالدراسة بسبب التسجيل ؛تحضير مسبق لهيك مواد؛وكتابة الأفكار الرئيسية على الهامش؛ هيك بسهولة ممكن انتبه للإضافات و أكتبها على دفتر من دون ما يأثر على الانتباه للمحاضرة"الله يعيني و أقدر نفذ هالفكرة.."
-كتير أيام ماكنت أفطر"وحتى ما لحق اتغدى بالجامعة بسبب تتالي المحاضرات "وخاصة الأربعا"وهالشي كمان بيأثر على الاستيعاب.
أما الشغلات الإيجابية
-أني كنت أكتب الملاحظات اللي بيحكيها الدكتور؛وأعمل دفتر للمواد الدقيقة و حتى لو الها محاضرات_متل العضوية دفتري كتير فادني_.
-قراءة سورة الفتح قبل كل فحص وكتير الها تأثير...والدعاء دائما و خاصة لما استصعب مادة وخاف منها.
-كنت خلي الخميس استراحة ما افتح فيها كتاب؛ هالشغلة حلوة؛ بس هي بدها مواظبة بباقي الأيام لأنو و قت انكسر عليي دراسة لغيت الاستراحة.
-الحضور وتتبع الأسئلة و مناقشات الطلاب مع الدكاترة ولو ماعندي سؤال.
- تذكرهدفي من الدراسة وخاصة لما مل بيعطيني دفع و قوة" وكل مرجي معالي الأمور بغير اجتهاد رجوت المحالا".
آسفة على الإطالة.. وبتمنى تفيدونا من تجاربكم..
وشغلة أخيرة لمن يحب:
دعاء قبل الدراسة:بسم الله توكلت على الله ولاحول و لا قوة إلا بالله العلي العظيم
أبرأ اللهم من حولي و قوتي وألتجئ إلى حولك وقوتك ياذا القوة المتين
اللهم لاسهل إلا ماجعلته سهلا و انت تجعل الصعب سهلاً إذا شئت
دعاء بعد الدراسة:
اللهم إني استودعتك ما درست اللهم فرده إلي عند حاجتي إليه
اللهم هذا قسمي فيما أملك فاحمل عني ما أملك وما لا أملك ؛ وتجاوز عني مالا أملك
حسبي الله ونعم الوكيل

وعند الخوف من مادة أو((دكتور))
"وأخرى لم تقدروا عليها قد أحاط الله بها وكان الله على كل شيء قديرا"
" الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل
فانقلبوا بنعمة من الله وفضل لم يمسسهم سوء واتبعوا رضوان الله والله ذو فضل عظيم"
لكن طبعا بعد الأخذ بكل الأسباب..
هي تجربتي..بتمنى تفيدونا حتى نتعلم من بعض...
والسلام عليكم و رحمة الله.

=======================

طريقي طويلٌ..طويلٌ..طويل
وهل من درب كدربي يطول؟!!
فهمٌ كبير .. وحلم جميل..
وفكرٌ بين العقول يجول

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.