السلام عليكم ورحمة الله وبركاته

روقي مها خلص ان شاء الله اول ما يبلش الامتحان الكل بيكون دريان

اقتباس

بعدين ولو بـ 25 آب حدا لح يروح ؟؟؟!!!

والله يا حسان شكلن كل اللي بعرفن رح يروحو بعدين هيك بيرتاحو من كم مادة شوي

اقتباس

ديما ...

لين بكل رد بتكتب شعر ...

ما انتبهتي لهلأ

لا هدول انتبهت عليهن كتير حلوين بس لانو ما كانت كاتبة باخر مشاركة فشكلي ما استوعبت الوضع

موفقين

شوفو هالايميل بس ما بعرف اذا صح:

عاجل وهام لأقصى درجة



ضرووووري



راح يوصلكم ايميل فيه ملف باور بوينت اسمه الحياة جميله .. اذا وصلكم '''' لاتفتحونه ''''' بل قوموا بمسحه بسرعه لأن فيه فايروس جديد



أول ما تفتح الملف راح تطلعلك رساله تقولك : تأخرت .. حياتك الآن ليست جميله



وراح تفقد كل شي في جهازك وسيقوم المرسل باستقبال رقم الباسوورد الخاص بإيميلك



هذا التحذير من شركة مايكروسوفت ونورتن أنتي فايروس



علماُ بأن الفايروس انتشر منذ يوم السبت الماضي وشركات الانتي فايروس الى الآن لم تستطع أن تدمر هذا الفايروس



اسم الملف



Life isbeautiful



امتداد الملف



Power Point



اسم الهاكر صاحب الفايروس



life owner

السلام عليكم

اقتباس

شوفو هالايميل بس ما بعرف اذا صح:

عاجل وهام لأقصى درجة

ضرووووري

ههههه

هالإيميل وصلاني من قبل يوم السبت...

عندي شي 15 إيـمـيـل من هالنوع ..........كلها مالها طعمة!!!!....

عنجد شغلة الإيـميـلات غريبة.....العالم قاعدة عم تتسلى...

==========================

حسان....

ما بتعرف تفرق بين الشعر والنثر!؟؟!؟!؟!؟!؟!؟!.......

السلام عليكم

اقتباس

عفكرة طالعة إشاعة كبيرة أنو في دورة تكميلية استثنائية....والقرار طلع بس ماحددوا وقت ؟؟!؟!؟!

ان شاء الله يصير عنجد 

في ناس موقف نجاحن عمادة 59

هدول عنجد بيكون محروق قلبن

انا الحمد لله ما وقف نجاحي عليها ... بس مع هيك لما دريت فيها انجلطت 

يعني تروح سنة من عمرن مشان هيك ... !!!!!

اقتباس

لين بكل رد بتكتب شعر ...

آخر رد الها هاد حكي د.عمرو خالد بحلقة مبارح 

اقتباس

مع أنو شفت بالجامعة هيك شي .. بس ما ركزت كتير على الورقة شو مكتوب عليها

هي الورقة مشان اللي عندن تخرج ما النا 

اقتباس

شوفو هالايميل بس ما بعرف اذا صح:

عاجل وهام لأقصى درجة

عنجد بيجلطو تبع الايميـلات 

خصوصاً هدول تبع انو لازم تنشر هالايميـل والا بتموت ولا مدري شو بيصرلك 

السلام عليكم...

هلأ ما اختلفنا انو في كتير ايميلات من هالشكل
وانو في عالم مو شغلتا الا تخترع ايميلات وتنشرن

بس بكل الاحوال اذا اجا هيك ايميل وسواء صح او خطأ ما في مشكلة اذا ما فتحتو او اذا تأكدت من اللي بعتلك اياه

لا هدول تبع انشرا او بتموت او بيصرلك شي..... شغلة فظيعين

كانو بالاوراق صارو عالايميلات

ناس فاضية
لا حول ولا قوة الا بالله

السلام عليكم


كيف رمضان معكم؟؟؟


يعني هي الدورة الاستثنائية بس للراسبين بالسنة ولا ليلي حاملين مواد؟؟

اقتباس

لا هدول تبع انشرا او بتموت او بيصرلك شي..... شغلة فظيعين

ومو بس هيك
بيحسبو حسنات وما بعرف شو وبقولو كم حسنة حتكسب إذا نشرتا
كأنو يوم القيامة هنة يلي حيعطونا الحسنات مو رب العالمين

السلام عليكم

اقتباس

يعني هي الدورة الاستثنائية بس للراسبين بالسنة ولا ليلي حاملين مواد؟؟

اذا صارت ان شاء الله فيمكن حتكون لأي حدا حامل مواد او راسب

ــــــــــــــــــــــــ

ع سيرة الايميلات

هاد ايميـل (هو من ديما مشان حقوق النشر)

كتير حلو فحبيت حطو

لماذا نرفع أكتافنا إلى الأعلى عندما نضطر للمشي تحت المطر من دون مظلة؟؟
يعني هيك ما رح نتبلبل؟؟

لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟
يعني هيك منصير منعرف الطريق الصحيح؟؟

لماذا عندما تكون بطارية الريموت كنترول ضعيفة نقوم بالضغط بقوة على الأزرار؟؟
يعني هيك منشحن البطارية؟؟

لماذا نكتب اسمنا أولاً بالقلم الذي أهدانا إياه أحدهم؟؟؟
يعني لها الدرجة فرحانين باسمنا؟؟

لماذا نقول هدية مجانية؟؟
وهل يوجد هدية غيرمجانية؟؟

لماذا عندما نكون داخل المنزل و السماء تمطر نسأل: هل السماء تمطر خارجاً؟؟
يعني بحياتها مطرت جوا مو برا؟؟؟

لماذا عندما نقرأ على الحائط احترس من الدهان ؟؟ لا نصدق بل نجرب ذلك أصبعنا؟؟
يعني بدك يللي دهن الحيط يحلفلك يمين.

لماذا عندما تترك سيارتك في موقف خالي تماماً من السيارات يقوم السائق الذي
يأتي بعدك بوضع سيارته بجانب سيارتك؟؟ يعني بيترك الموقف كله وبيوقف جنبك!

لماذا عندما يتأخر المصعد نضغط عدة مرات على الزر؟؟؟
يعني هيك بحس على دمو و بيستعجل؟؟

لماذا عندما تكون منتظراً المصعد و يأتي شخص آخر تجده يضغط أيضاً لطلبه؟؟
يعني مو شايفك بالمرة!

لماذا نفتح فمنا عندما نقوم بإطعام الطفل الصغير ؟؟؟
نحنا يللي عم ناكل و لا هو؟؟

لماذا عندنا استعداد لتصديق أي شخص يهمس في أذننا ؟؟؟
يعني الوسواس الخناس أصدق من الناس؟؟؟

لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟
الله لا يشبعك نوم.

لماذا الشخص الذي يشخر ليلاَ يكون أول من تغمض عينيه؟؟
يعني ما بكفي شخيروا و ببلش في بكير كمان!!

ليش بعد ما نشرب آخر شفة من فنجان شاي منطلع فيه إذا بئي كمان ولا خلص ...
يعني ما منصدق حتى نشوف ؟

ليش لما بتكون قاعد بمكان عام وبتمسع رنة موبايل فورا بتطلع على موبايلك .. شو
حضرتك كتير مهم لحتى يرن موبايلك بين كل هالبشر ؟

good morning

مشان الدورة

طلع في موضوع طويل عريض عنها

بس كلو نق ومافي كلمة مفيدة

هاد هوة

http://pha.jamaa.net/post455886.html#post455886

.................

ومشان الأيميلات

أنا ما بتوصلني أيميلات طائشة بنوب بنوب

لأنو أنا على ymail هي شركة تابعة للـ yahoo

أحسن بكتير من الـ msn المعتة

اقتباس

ومو بس هيك
بيحسبو حسنات وما بعرف شو وبقولو كم حسنة حتكسب إذا نشرتا
كأنو يوم القيامة هنة يلي حيعطونا الحسنات مو رب العالمين

سمعو مين عميحكي

اقتباس

ما بتعرف تفرق بين الشعر والنثر!؟؟!؟!؟!؟!؟!؟!.......

يخزي العين شو فتح  ... الله يخليك لأهلك

لين بكل مرة بتكتب نوع من أنواع الأدب

مرة شعر تفعيلة ... ومرة شعر مقفى ... ومرة نثر ... أحياناً بتكتب خواطر عادية

المهم أدب

اقتباس

آخر رد الها هاد حكي د.عمرو خالد بحلقة مبارح 

شبكن انبحّتو عليي

روقو شوي

بعدين أسيل ما شاء الله مو تاركة برنامج ديني مو متابعتو

عنجد برافو

.............

اقتباس

لماذا نرفع أكتافنا إلى الأعلى عندما نضطر للمشي تحت المطر من دون مظلة؟؟

ما بعرف ... بس بحسها منطقية

يعني تخيلو حالكم ماشيين تحت المطر وشادين ظهركم وراسكم مرفوع

اقتباس

لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟

لأنو الصوت العالي بخلي الأعصاب تتوتر ... والزلمة مضيع الطريق ... فبتكون أعصابو عمترقص رقص شرقي   ومالا بحاجة لموسيقى

اقتباس

لماذا نقول هدية مجانية؟؟
وهل يوجد هدية غيرمجانية؟؟

   

اقتباس

لماذا عندما نقرأ على الحائط احترس من الدهان ؟؟ لا نصدق بل نجرب ذلك أصبعنا؟؟
يعني بدك يللي دهن الحيط يحلفلك يمين.

على فكرة أنا من هدول العالم ....

   

اقتباس

لماذا عندما يتأخر المصعد نضغط عدة مرات على الزر؟؟؟
يعني هيك بحس على دمو و بيستعجل؟؟

معقول تسألو هيك سؤال

شو انسيتو مصعد كليتنا المحترمة وقت يتنح

وبالأخص وقت يكون بدنا نطلع على الرابع ...

وقت يوصل بيصرلو أزمة وبينزل على التالت وبيخبط هديك الخبطة  ... والبنات بتصير تولول

اقتباس

لماذا نفتح فمنا عندما نقوم بإطعام الطفل الصغير ؟؟؟

هلأ أكيد الأم ما بتكون آخدة الموضوع من نظرة فلسفية ... بس بيجوز إيماء ... !!!

السلام عليكم ورحمة الله وبركاته

اقتباس

(هو من ديما مشان حقوق النشر) 

اقتباس

شو انسيتو مصعد كليتنا المحترمة 

له له شو نسينا!!!
ماهو مضرب مثل عندي لكل شي في تكنولوجيا وتقدم

اي شو حسان فسرت الايميل كلمة بكلمة ما شاء الله


بس عنجد غريب الانسان سبحان الله
بيساوي اشياء كتير احيانا ما الامعنى بس لانو بيشعر براحة او امان لما يساويا!!!!

===========

مشان الدورة التكميلية كأنو القصة اكيد وللحملة والراسبين متل ما قالت اسيل
بقى عالحالتين اذا صارت او لأ بتوقع انو اللي ناوي يقدم لازم يدرس من هلأ
لانو اذا تأكد الموضوع بعد كم يوم بيكون اللي ما درس معاد يلحق
واذا ماوافقو عالقرار فاللي درس مابيكون خسر شي بالعكس ركزن شوي مشان مايعد يدرسن بقلب الفصل على اعتيار انو اكيد في دورة حملة بالفصل الاول لمواد الفصل التاني تبع السنة الماضية

===========
مبارح كنا عم نشوف فيديوهات النا ونحنا صغار
هههه
عنجد ضروري الانسان يسجل لحظات من حياتو سواء بالكتابة او صوت او صور او فيديو او اي شي تاني
في كتير اشياء كنت نسيانتا وتذكرتا وفي اشياء ما تذكرتا بالمرة ولا كأنا كانت موجودة بحياتي بس شوفتا خلتني انبسط

ولاحظت انو لكل واحد نفس التصرفات من زمان وهلأ حتى طريقة القعدة او الحكي او او
طبعا مع شوية تغييرات بس الجوهر نفسو


طولت عليكن اسفة

موفقين