مرة كنا ببلودان بيوم جمعة كتير انبسطنا المهم بس خلصت العطلة بدنا ننزل على الدوام

وقت بدنا ننزل كنا كتار وما وسعتنا السيارة وقررنا نجرب المكرو

ورحنا على الكراج وطلعنا بالمكرو

وضلينا اكتر من نص ساعة عم نستنا الركاب ليمشي المكرو طلعت روحنا

وبعد شي ساعة ونص تعبى الميكرو ( يعني الي على الطريق مالن امل بالطلعة )

وقرر يمشي واذ بعد شوي بيوقف شو ؟؟؟؟

بدوا يعبي مي اي بسيطة ساعة لحتى عبى انينة المي تبعوا

وكنا لح نختنق ليمشي بس لاء لازم يشرب لانو ما شرب تحت وبعد

ما شرب من تم الانينة بلش يعزم اللي جنبوا واللي جنبوا يحلف اكتر انو ما بيشرب

قال يعني الشوفير مفكرو مستحي مو عرفان بانو قرفان يشرب

وهيك شي نص ساعة تانين الشوفير يعزم الركاب ليشربوا والركاب قرفانين

وبالاخر قرر يمشي يعني بالمشرمحي وصلنا على اخر نفس وهي توبة

واللللللللللله اضحكت ...لوصلت ضحكتي ...لأخر الدنيا

لأني انا كمان بقرف كتييييييييييييير.....


بس الغريب أنك ما كنتي عطشانة ......وما شربتي ..........ههههههههههه


مو نيالك بنوووووب ...بنوب ....


مشكورة

اقتباس

بس الغريب أنك ما كنتي عطشانة ......وما شربتي ..........ههههههههههه

لا شو عطشانة ؟؟؟ ما احلاني وشاربة ههههههههه

شكرا لمرورك الرائع

من كم يوم طلعت بميكرو .... وطلعت بعدي وحدة والله العليم من الريف (أهل الريف ببينوا من لباسهون)
المهم .... الله يعطيها العافية حاملة معها شوال بسطرمة ( عبارة عن هبرة لحمة مجففة والها توابل خاصة)       
والله لا يرويها لا لصديق ولا لعدو هالريحة يللي عم تطلع من هالشوال 
وبمجرد إني حط ايدي ع الشباك لافتحو ... بتجيني زورة ... وبتخليني شيل
هالفكرة من راسي نهائيا ... ومن جذورها (باعتبار انو برد)   
أمرنا لـ الله ئلت لحالي منتحمل الريحة هالعشر دئايئ .....   

بس المصيبة مو هون 
المصيبة انو الشوفير والله العليم .... يا أما متعلم السوائة من جديد
أو يمكن كان سكران من الريحة ... (والله حقو) 
و الاحتمال الأكبر انو ما عم يميز بين دعاسة البنزين و دعاسة الفرام 
لك ما يلحئ يدعس شوي عالبنزين ... الا وراها مباشرة دعسة فرام .... (عاجبه صوت تشفيط الدواليب)     

وأنا متل المكوك رايحة جاية .... لورا ولئدام (وعم اتنشق الغاز السام تبع المرأة الريفية) 

بس نزلت من الميكرو مستوية عالخالص .... ريحة البسطرمة علئت بانفي
وصرت حاسة انو مخي عم يفتل
 

والله قصص الحمد لله الله عافيني من السرافيس كلها الله يكون بعونكن

شكرا لك الاسطورة على مرورك الرائع

 

بعد توقف لفترة عن السرافيس وذكرياتها ...

نعود ...

حدا منكم جرّب أنو يكون طالع الصبح بأمان الله ...
عندو فحص ...
وماسك هالورقة ... عم يراجع هالكم كلمة قبل ما يوصل عالكلية ...
(طبعا أنت قاعد من بالنص ... يعني بين شخص واللي جنبك ياللي حدّ الشباك )

وإذ ...


بيطلع اللي جنبي عاللي جنبي ...

- الحوار التالي ي يمين , ج اللي جنبي -

وبيقلوا ... شو تغديت يا معليم ؟
هداك ما كذّب خبر ... وقاللو : يبرق ...
ي: الله ... يا هيك الغدا يا بلا ...
ج: اي والله
أنا : ...........

ي : لك بتعرف ... أنا مبارح كان غدانا قبيوات(قبوات)... ونزلتلك فيهون ... ماخليت وحدة تعتب عالتانية ...
ج: الله ... والله مشتهي عليهون ... عم قول للمرة تعمللنا ياهون ... بس موفاضية ... امتحانات الولاد بالمدرسة ...
ي: يازلمة ... أنا عملتلي ياهون هالمرة ... ونزلنا أنا والأولاد ... ما طلعنا ... الّا لبين ما خلصّناهون ...
أنا :
ج: ياسيدي ... من يومين جبت مقادم ... ضليت اليومين الماضيات عم آكل فيهون ... ماحدا من الأولاد قرّب ... بيقرفوا ... شو هالجيل هاد ؟ جيل الظاظات (الزازات) ....
ي : سماع سماع ... ابن حماي ... عأساس قبضاي ... عضلات ومابعرف شو ... بتصدق ... ما بيقدر يشرب كاسة زيت حلو عالريق ... تصور ؟ يرحم أيام ...(هون بلش بالبطولات المحلية والعالمية ...) بعدين وصّل للفكرة العظيمة ... الزيت الحلو للبني آدم متل الزيت للسيارة والماكينة ... بتخليه ينفض نفض ...
أنا : (ايمت بدي أوصّل عالكلية وأخلص بقا)

بعدين قصرت الشر ... وقلتلو نزلني عاليمين يستر عالبطاطا ... لأنو كان بدي اتقايا(العفو منكون) ...
كملت هال500 متر الباقية مشي وقتها ...

ربّي يسّر ...

-------
شرح بعض المفردات :
مقادم : قدم الخروف ...
قبيوات أو قبوات : من الأكلات الثقيلة جدا ... تتألف من مصران الغنم محشية رز وحمص ولحمة ...
ظاظات : طنطات
مرة : مرأة أو زوجة


__________________

لا حول و لا قوة الا بالله ... شو هالمذكرات هاي 

شو رايك جلاس تغيري عنوان الموضوع :

مأساة في السيرفيس او مأساتي 

الحمد لله ما في عنا سرافيس

يلا GO ON

اقتباس

لا حول و لا قوة الا بالله ... شو هالمذكرات هاي 

شو رايك جلاس تغيري عنوان الموضوع :

مأساة في السيرفيس او مأساتي 

الحمد لله ما في عنا سرافيس

يلا GO ON

قولتك لح غير الاسم لماساة سرفيس

بالنسبة للسرافيس الله يطعمكن ولا يحرمكن هالنعم

ووقت بطلع بسرفيس وما بصير معي شي قصة بزعل

هدول ملح الحياة يكن شو مفكرة ههههههه

خلص اختي الك علي  نشتريلك سياره  ونخلصك من هل الماساة كلها