اليوم تذكرت الكيميا لما كنت أدرسا السنة الماضية
آآآآآه ما أحلى الكيميا على هوا مواد البناء

اقتباس

وما ني عرفانة ادرسا دراسة بكلوريا (يعني بصم )ولا شو ؟

\


في بعض الشغلات بتنفهم وفيك تكتبي بالامتحان فهمك و ما تخافي اللي حسيتو انه دكتور هاني طالب حباب بالتصحيح

بس في فقرات  يأسفني اني قول ايه تماما
بصم
SAVE
Copy Paste

بالتوفيق للجميع

                                                                        hi
اولا شكرا engineering lover
عم تقول (انو الدكتور طالب حباب بالتصحيح)
انشالله يكون حباب بالاسئلة كمان
والله حاسة حالي ما طلعت من اطار البكلوريا  يعني من يوم ما فتت على الكلية اسبوعين زمان ومن بلش مذاكرات بعدين اسبوعين تانييين ومن بلش امتحانات 
عملي و بعدين من فتح عين غمض عين بتلاقي حالك قدام الامتحانات النظري هي ما عدا انو ايام العطل اثناء السنة منقضيا على الرسم       
يعني انا ماني حاملة ولا مادة و عندي 8 مواد متلي متل اي طالب حاملو مادتين تلاتة
لك ماني مصدقة امتى عطل لارتاح    
                                                                    سلااااااااام

هههه طولي بالك
أنا برأيي الفرق بين البكلوريا وهلأ


البكلوريا تعب و مافي راحة نفسية

أما هلأ في تعب أكتر بس في راحة نفسية

(لانه الواحد حس باستقرار بعد ما تحدد الفرع اللي دخله)

ولهيك لازم الواحد يوعى انه لازم يتعب أكتر حتى لو كان مرتاح نفسيا

هلأ رايحة نفسية بالنسبة للفرع يلي دخلته معك حق لانو الواحد قد ما بلط بالجامعة ما رح يطلع منها
بس يكون مرتاح نفسيا مثلا اثناء السنة ما بعتقد لانو مجرد ادرس ميكانيك 2 مدري شو بصير لي حتى الرسم هداك اليوم قدمت امتحان عملي رسم صارت ايدي ترجف ماعد قدرت ارسم

بس بجوز هي مشكلة عندي لاني بخاف كتييييير من الامتحانات.


وبالتوفيق للكل

بدنا ما ننسى الكيميا لأن قربت ...
هلأ حداعندو فكرة عن الأبحاث الأكثر من هامة وممكن إزا درسناها تترفع معنا ..
لأن بصراحة ما درست شي من الكيميا بقلب الفصل ...


وهل من المعقول أنو نلحق كامل الأبحاث ب3 أيام فقط ..؟؟


فشو الحكي ...بدو يصير برأيكن 

ماحد درس شي بس أنا من ناحيتي 6 تيامم للكيميا واهم فصل لازم تركز علي هو الاسمنت يعني بيجي منو سؤال أكيد....

شو بدي إحكي للأسف وضع الكيمياء صاير كتير محزن
أنا هلق بدي بلش اتعرف على هل المادة الجميلة درست محاضرتين وبقيان 11
يعني بدي من هلق  ليوم الفحص كل يوم محاضرتين ونص.
  بس إن شاء الله عندي أمل كبير إني لحق
رح ادرس من المحاضرات لأنو ما عندي وقت شوف شو مكتوب بالكتاب (مع  إني ما كتير عم أمن بالمحاضرات)  أنا حاسس متلكم  إنو فيها تخبيص  بس شو بدنا نساوي
هاد الموجود
....................................................
هي بعض السياسات لدراسة المادة:
1.طريقة الحذف والشلف :لما تشوفو فقرة فايتة كتير بالحيط تحذف فورا دون الرجوع للدكتور 
2.طريقة حذف العلاك:صعوبة هذه الطريقة تكمن في تميز أنواع العلاك المختلفة بالمحاضرة وهي فيها نسبة مخاطرة لأنو  لازم تفكر متل الدكتور لتعرف شو العلاك
3.طريقة حذف المحاضرات:يعني أنا معي 25 بالعملي بقى بالناقص 10 علامات بحذف شي محاضرة أو بتصفحها ع السريع.

بعينا الله عالكيميا والحمد لله صحيح وقتها ماشي حالو يعني الحمد لله مافي مواد حملة بيناتهوت هاد أهم شي انشالله يارب منلحق ومنتوفق أهم شي


بس إن شاء الله عندي أمل كبير إني لحق
رح ادرس من المحاضرات لأنو ما عندي وقت شوف شو مكتوب بالكتاب (مع إني ما كتير عم أمن بالمحاضرات) أنا حاسس متلكم إنو فيها تخبيص بس شو بدنا نساوي
هاد الموجود


اي والله ياMr.RAP وأنا كمان عندي أمل رفعها اذا تعبت على حالي بهاليومين وانشالله كلنا منرفعها بمعدل كمان بس أنا بعرف المحاضرات متل الكتاب تماما لأنو كان يعطي بالكلمة نفس الشي على كل حال موفقين جميعا



هي بعض السياسات لدراسة المادة:
1.طريقة الحذف والشلف :لما تشوفو فقرة فايتة كتير بالحيط تحذف فورا دون الرجوع للدكتور
2.طريقة حذف العلاك:صعوبة هذه الطريقة تكمن في تميز أنواع العلاك المختلفة بالمحاضرة وهي فيها نسبة مخاطرة لأنو لازم تفكر متل الدكتور لتعرف شو العلاك
3.طريقة حذف المحاضرات:يعني أنا معي 25 بالعملي بقى بالناقص 10 علامات بحذف شي محاضرة أو بتصفحها ع السريع.


هي أحلى شي    والأحلى أنو تركز بس اي شو هالطرق والله يا Mr.RAP اذا بدنا نطبق طريقة العلاك احذف الكتاب كلو من هلأ 

                                  موفقين جميعا سلامممممم    

هلأ انا رح ادرس من الكتاب و برأيي أنو من الابحاث الهامة البحث 12 و11 لان كأنو بيجي كتير منن بالدورات والبحث 5و4 فهدول لازم نركز عليهون

وبالتوفيق

اقتباس

وانشالله كلنا منرفعها بمعدل كمان

الله يسمع منك  هي بدها شوية صبر و إن شاء الله بتزبط معنا

اقتباس

هلأ انا رح ادرس من الكتاب و برأيي أنو من الابحاث الهامة البحث 12 و11 والبحث 5و4

انا رح بلش بهدول وإذا ما لحقت الباقي بيكونو عليك بس إصحى تكوني عم تقدمي بغير طابق وقتها عنجد منتبهدل