هاي شباب وصبايا المنتدى


كيفكم؟؟؟؟؟؟؟؟؟وكيف الفصل التاني معكم انا صراحة ما تأقلمت مع المواد ومالي حابة ولا مادة بالفصل التاني  

على كل حال حابة اسألكم واسأل يلي عم يدرس كيمياء نظري
كيف ممكن ادرسها من المحاضرات ولا من الكتاب لأنو لهلأ ما بعرف شو هي ولا درست شي منها ,ياريت تنصحوني    

وشكرا الكم             مع تحياتي  Eng.Hiba

والله يا هبة انا ما رح احسن ساعدك 
لأنو لهلأ ما درست شي بالفصل التاني   
ان شاء الله البقية بيحسنوا يساعدوكي




زياد

لك أهلا بهبة لك كيفك صرلك زمان مو مبينة بالمنتدى
المهم والله أنا لما شفت عنوان الموضوع فورا فتحتو لأنو وضع الكيميا مأساوي
هلأ بس عنجد اذا بلشتي هلأ بتلحقي هلأ صح أنا مادرست كل شي بس ماشي الحال يعني بمشي شوي وبوقف شوي بس مو لهلأ يعني مافتحتها هلأ نصيحة مني احضري عنجد اذا ماحضرتي صدقيني الدرس يلي بدو ساعة بصير بدو ساعتين بقا قضي هالساعة بالمحاضرة اكتبي كل شي بيعطي الدكتور ومو موجود بالكتاب هلأ ادرسي من الكتاب بالإضافة يلي بيعطي الدكتور وعنجد استحملي القعدة بالمحاضرة بس صدقيني بترتاحي شوي ولازم نخلص كل بحث منشان بكرة نركد مانلحق
انشالله كون فدتك قدر الامكان وانشالله غيرك بفيدك أكتر مني وبالذات اذا سنين تانية
موفقين جميعا وسلاممممممممممممممم وادعولنا    

اقتباس

لك أهلا بهبة لك كيفك صرلك زمان مو مبينة بالمنتدى

مدري مين لصرلو زمان مو مبين بالمنتديااات

على كلن بعتقد أنو الكيميا مابتخوف على زمة الطلاب لأكبر منا بتطلع لحالها....
أنا عم بدرس من المحاضرات كلو حاسو تمام باستثناء أنو المحاضرات بتحسيا فايتة بالحيط شوي ...بس جيدة ...أما الكتاب ماعندي منو ومشان الحضور إذا بتحسي حالك بتفهمي عالدكتور الأحسن تحضري...
وأهم شي لاتخافي ولا تخلي شي يتراكم عليكي ...
وانشالله بالتوفيق...

     
   
 

لح إحكي عن تجربتي ... ( إذا بتسمحولي طبعاً    )


بالنسبة للدراسة إذا من الكتاب ولا من المحاضرات :

إجمالأ ما في فرق كتير ... لأنو المحاضرات بتكون متل ما بيعطي الدكتور ... والدكتور بيعطي متل الكتاب بنسبة 99 %  ... ممكن يضيف شي مثال أو شي كلمة بس ما بـتأثر بشي ...

ولا تخافوا لسى معكن وقت منيح وبتلحقوا تدرسوها من الكتاب ... أما أنا درستها من المحاضرات لأني ما بلشت إلا لآخر السنة وانزنقت بالوقت ... بس كنت إطلع على الكتاب ببعض الأحيان ( وخصوصاً بالإسمنت ) وشوف إذا في فرق ...


بالنسبة للحضور :

إذا عم تلاقوا فائدة من الحضور متل rosea  لا تقصروا ... أنا ما كنت إقدر أتحمل



نصيحة لإلكم ...

بس تاخدوا الاسمنت ادرسوا منيح ... يمكن ياخد معكم وقت ... بس درساتو ممتعة وحلوة    بتحس حالك عم تتعامل مع الإسمنت بشكل علمي ...


و بالتوفيق للكل ...    

ياشباب والله انا كمان خايف من الكيمياء .. عم أحضر وما عم استفيد وعم اتعب من القعدة وماعم الحق الدكتور .. وكل هذا عشان انا ما تأسست  منيح بالكيمياء مثل اكثركم .. ان بكلوريتي سعودية ( للأسف ) ................. متوووووووووووووووورط ..........الله يييعني وييعنكم

شكرا كتيير الكم و ع ردودكم  للكل طبعا        
اما بالنسبة الي يا rosea فأنا ما غبت عن المنتدى حتى لو ماشاركت بس كنت عم تابع المواضيع المطروحة ((اما اذا اشتقتولي فهاد شي تاني         ))

وبالنسبة للكيمياء قررت انو اشتري المحاضرات بالتعاون مع الكتاب  
وانشالله بيمشي الحال

موفقين انشالله وشكرا مرة تانية

اقتباس

مدري مين لصرلو زمان مو مبين بالمنتديااات

هلأ أنا صحيح مو مبينة وغاطة بالمنتدياااااااااااات بس عنجد بضل متابعة المنتدى لا بتروح علي لا شاردة ولا واردة كلو بعرفو
وأهم شي تدعولي أمانة رفع السنة ورفع موادي لأني خايفة كتييييييييير

اقتباس

اما اذا اشتقتولي فهاد شي تاني ))

لك أكيد اشتقنالك اي شو كم هبوش عنا نحنا موفقة
وسلاممممممممممم لكل أعضاء المدني         

انشالله rosea بترفعي كل موادك وبمعدلات ومنشوفك من الأوائل .....ولا تاكلي هم مابصير غير لكاتبو ربك....
وانشالله منترفع كلنا عالسنة الجاية....
          وبالتوفيق ..... بس شدو الهمة ماعد في وئت ..

                                                                        HI
اليوم بلشت بدراسة قسم الدكتور طالب وما عم اعرف كيف بدي ادرسو يعني الكيميا هي مادة صم وما ني عرفانة ادرسا دراسة بكلوريا (يعني بصم )ولا شو ؟

ياريت تساعدوني
وبالتوفيق للكل