والله والله اني رح طق
يعني بكتب موضوع بينحذف
قال كتبنا نكتة فيها واحد فلسطيني قامو حذفوها
لك يا عالم انا فلسطيني والله فلسطيني واكتر واحد ممكن يعتو بحالو ويفتخر بكونو فلسطيني
وقال شو عندي بعض التعابير المكررة


شوفو شو قالو
قام NIGHT rider بحذف الموضوع الذي قمت بإضافته
"ما حدا ماخد معو شي  خلينا نضحك وتكرم عيون الاصدقاء"
وذلك بسبب :
عذرا ,,, أخي العزيز ,,, هناك بعض التكرار بمعظم موضوعك ,,, وإضافة ,,, للنكتة الأخيرة ,,, عن فلسطيني ,,, والتي لا تليق بنا كأخوة  بقول مثل تلك الكلمات ,,, ولك كل الشكر ,,, على تقبلك ,,


مع كل احترامي لمشرفين
بس يعني انا ما عملت او كتبت شي غلط
لاني الحمدالله بعرف حالي وبعرف زوقي وبعرف اخلاقي ولباقتي اكيد
وبجد بتمنى هالموضوع ما تحذفوه
والله انا هيك رح طق
شغلة اخيرة
عفكرة انا حبيت المنتدى كتير
قطعت فترة عن دخول هالمنتدى لانو توجهتلي تحذيرات وانطردت مرة منو
بهالحالة ولو  حيضل وضعي هيك بالمنتدى
انا بعتذر من الجميع
وبعتذر من كل الاصدقاء يلي بحبون وبيحبوني
واكيد في كتير اعضاء ما بيهمون امري بعتذر منون
بس انا لو دخلت المرة الجاي ولقيت الموضوع محذوف بكل اسف ولائي ومحبتي وحتى مصداقية المنتدى ويلي هو منتدى طلاب مثقفين على درجة من العلم والاخلاق رح ترووووووووووووووووووووووح
اسف للكل لاني طولت
واحترامي
وسلامي
سلام

مساؤك ياسمين و خير


كيفك صديقي و بعد ,,,


وجهات النظر بأي موضوع يجب ألا تغيّرك للأسوأ

كيف نرتقي و نتقاتل على طريقة عرض !!

أنا أتمنى ألا تفارق هذا المنزل ,, تعرّض الكثير لهذا

وبقي القليل

لم َ لا تكن  أنت من القليل ,,,

كل المحبة لك

اشكرك اخي الحبيب على سعت صدرك وتقبل الامر بنفس رياضية واتمنى لك التوفيق في الحياة الدنيا والاخرة واتمنى ان تحمل لاخوانن في المنتدى من المشرفين والاداريين العذر فمشاغلهم كثيرة وربما هي وجهات نظر حبيبي وكما يقول الشاعر ( لعل له عذرا وانت تلوم ) .
تانيا حبيبي طلع عليك سوابق بالمنتدى شو هاي هههههههه   عم امازحك حبيبي .
تقبل مروري مع كل الحب والاحترام والتقدير
خالد111  

لك شوبك معصب يا فلسطيني .. وأنا كمان فلسطينية .. بس شو النكتة يا ترى يلي كنت كاتبها وعن مين من فلسطين..هدي أعصابك وروقنا شوي.. الصبر مفتاح الفرج...بس ما تكون النكتة عن أهل طولكرم.. لك بتمووووون ولا يهمك ..

الأخ العزيز : ردّتني كلمة فلسطيني عشرين عام إلى الوراء كنت يومها طالب في كلية الآداب بحلب أدرس الأدب الإنكليزي وكانت إذاعة دمشق تذيع أيامها أغنية رائعة وإذ بي أدمدمها بين محاضرتين وأنا واقف وحدي أتصفّح أحد الكتب في رواق الكليّة وكنت أدمدم : ( ولا بقلبي ولا عنيّا إلاّ فلسطين  ... ولا تشيل أرض رجليّ إلاّ فلسطين ).... ولم أكن قد انتبهت أنّ هناك زميل بقربي وفجأةً تناهى إلى آذاني صوت إجهاش بنحيب البكاء فاستدرت وبادرته ( خيراً يا أخي إنشاءالله مافي شي ) فقال والله أنا فلسطيني وكم كان تضايقي عظيما ً حين شعرت بأنني كنت السبب في دموعه فجلسنا معاً وتحدّثنا معاً عن آلام وآمال لساعات طوال ...
تحيّة من القلب لكل حجر في فلسطين ولكل أهلنا في فلسطين                                                       أخوك عبدالمسيح

the_different 

بداية ارحب بك وبانضمامك  إلى ملتقانا ............. ملتقى طلاب جامعة دمشق

واقول لك حللت اهلا ونزلت سهلا .......... تمنياتنا لك بقضاء امتع الأوقات بين أفراد اسرتك

وكذلك تمنياتنا لك بالفائدة والافادة

من حقك التعبير عن رأيك وبكل ثقة ان كان ضمن الحدود الواجب طرحها

أخي الكريم ليكن بالمعلوم وكتذكير نوعية المواضيع التي تحذف تكون من المستوى الغير لائق بالمنتدى سواء كلفظ أو كمضمون  أو كاهانة أحيانا من قبل البعض

لم أقرأ الموضوع للأسف  الآن اطلعت على مشاركتك وودت توضيح السبب  يرجى منك وضع مشاركتك السابقة المحذوفة كاقتباس لنطلع عليها لربما حصل سوء تفاهم ... فساحة الفرفشة والتسالي هدفها الأول والأخير هو منح البسمة واالفرحة  لدينا وليس الاساءة أبداً

بالتأكيد الاخ طلال وضع سبب الحذف برأيه الشخصي مع احترامنا له

اقتباس

عذرا ,,, أخي العزيز ,,, هناك بعض التكرار بمعظم موضوعك ,,, وإضافة ,,, للنكتة الأخيرة ,,, عن فلسطيني ,,, والتي لا تليق بنا كأخوة بقول مثل تلك الكلمات ,,, ولك كل الشكر ,,, على تقبلك ,,

نجدد ترحيبنا بك ,...........أهلا وسهلا


هايدي 

السلام عليكم ورحمة الله


عزيزي لدي تعليق على موضوعك لكن ليس الآن اود ان استمع الى رأي الادارة اولاً

وحبذا لو سمعنا وجهة نظر نفس المشرف الذي قام بحذف موضوعك السابق

اذا كان لديه غير ما اوردته لنا في موضوعك


ولي عودة ان شاء الله

مع التحية

منعطف النسيان

شكرا للجميع على الردرد
اول شي بدون ما اكبر الموضوع انا  حكيت كم نكتة  واكيد مش غلط
وتاني شي تحية لكل اهل فلسطين ولكل حجر فلسطيني زي ما قال اخي
وتحية  لكل عربي محب لفلسطين
تالت شي انا الموضوع كلو مش عارف ليش تم حذفو
يعني لسا ما لقيت سبب مقنع
وهي المشرف حكا النكتة ومش شاييف فيها شي
والتكرار بمواضيعي مش شايفو كمان
بالنهاية شكرا عالردود
شكرا كتير مش شوي
وبتمنى ما تكونو اتدايقتو مني
احترامي للجميع
سلام

the_different 
طول بالك مالها حرزانة
عنجد كتير منا انحذفلهم مواضيع وردود ومشاركات وتلقوا التحذيرات
بس بعتقد لمصلحتنا جميعا
الحمد لله لسا ما انحذفلي ولا موضوع ولا تلقيت أي تنبيه
يمكن البعض اتدايق من هالنكتة يلي ما شفت فيها شي بيدايق
بس نحنا بنحترم رأي الأخرين ومشاعرهم واذا هن عنجد بيهمونا نحنا بنستغني عن بعض من مواضيعنا لحتى ما نجرحهم أو ندايقهم
على كل حال بدي قلك انه عنجد لا تنزعج من الأجرآات  يلي بيأخذوها المشرفين لأنه عنجد لمصلحة الأعضاء والمنتدى وعم بحكي من واقع  لمسته يعني شوف غير منتديات الطالع طالع والفايت فايت وكل واحد بيحكي يلي بيعجبه والشغلة شوربة
أما هون فكله منظم
ما عم أمدح بالمنتدى وما الي غاية
يلا بدك تتعود على الوضع
طبعا بحب ذكرك اني بكلامي السابق حكيت بشكل عام وما قصدتك انت بس حبيت احكي هالشي لوضحلك الصورة
وعنجد أوثق بكلامي
أسفة طولت عليك
يلا سلام