يريد المرء أن يعطى منـاه .................ويأبـى الله إلا مــا أرادا

قول المرء فائدتي ومالـي ............وتقوى الله أفضل ما استفادا

ولرب نازلةٍ يضيق لها الفتى .......ذرعاً وعند الله منها المخرج

ضاقت فلما استحكمت حلقاتها .......فرجت وكنت أظنها لا تفرج

السلام عليكم ...

اليوم رحنا ع (مشروع شباب) لنشوف الوضع ...

عنجد مكان بيستحق الزيارة ...

والمعاملة حلوة كتير ... ومن وقت تفوتو السكرتيرة بتشرح كل شي ممكن تستفيدو منو من المشروع ...

وفي للكبار (يعني اللي قربتو تتخرجو) اشياء مهمة كتير ... خصوصا للي حابين يشتغلو بشركة او للي حابين يعملو شغل خاص فين ...

يعني مستعدين يحطوكن باول الطريق بشكل انن واثقين من النتيجة لانو في متابعة للي بيعلموكن يا ...

وللي بيحب بيعلمو شو لازم يحط بالـ CV حتى يختارو ازا تقدم بشي طلب ...

وكمان مشان الـ ( انترفيو )  بيحكولكن شو لازم تحكو حتى تلاقو قبول منيح ...

وفي مشان فحص التوفل (ما بعرف ازا هيك اسمو    ) بيحضروكن منيح الو وبيهيئو جو الفحص ... وبيخلوكن تضلو تقدمو فحص عندن لتوصلو للعلامة اللي بدكن ياها ...

كمان للي متخرجين بس ما عارفين بشو يبلشو ... بيدلون ع اللي لازم يشتغلو في ...

هاد غير المكتبة اللي فيكن تدرسو فيا ...

ووقت تعبو الاستمارة بتختارو اوقات تناسبكن ...

وما بعرف يعني اكيد نقصت حكي وعدت حكي قالتو نسرين ...

بس برأيي اللي عندو اهتمام بهالشي فلازم يزور هالمكان ... 

وازا بدكن مثلاً حدا من رفقاتكن حابب وما قدر يروح فيكن تعبولو استمارتو (بس طبعا بدكن تكونو بتعرفو كتير معلومات عنو ) ... 

وبالنسبة للتسجيل فما في داعي يرد يروح الواحد ... يعني قالولنا ع هالهاتف نحاكين الاسبوع الجاي وبيكونو حددو الاوقات ...

بس تقريبا هي اخر فترة للتسجيل بعتقد فاللي بيحب يلحق حالو ...

ســــــــلام ... 

شكراً Asil عالمعلومات

بركي بروح بكرة مشان لحق
                                                                                                                   
                                                                                                                   
                                                                                                                 

هناك رحلة رصد جديدة..
                                                                                                                                                 
لمن أراد الذهاب..
                                                                                                                                                   
https://www.jamaa.net/post406407.html#post406407

والله شي منظم كتير.......


من خدماتهن مكتبة مادية والكترونية وصوتية.......

بورشة عمل يوم الخميس كان عم يعرضوا شي من كتاب (العادات السبعة للقادة) فقلنا المحاضر أنو فينا ناخدوا من عندو على فلاشة إيمتى ما بدنا كتاب صوتي وشغلات تانية بس طبعاً بالانكليزي وعلى حكية هاد حقو بالحقيقة بلاوي زرقة.....إإذا عالفلاشة سعتو 4 غيغا



وشفت وحدة بدها تستشير خبير بـ cv عملتو بعد محاضرة وهي عم تستنى الخبيرة البريطانية لنعمل معها مقابلة قعدتها الموظفة على كومبيوتر وقالتها تشوف فيديو عن السير الذاتية فطلع الفيديو مسلسل سوري عاملينو خصوصي لهالشغلة وفيه ممثلين (حسن عويتي وكانو كاريس,,....) فوالله مشروع متعوب عليه كتير......ولازم نستفيد منو....

اقتباس

بركي بروح بكرة مشان لحق

طب هلأ هي الدورة بتصير مرة وحدة بالسنة وللا كيف؟؟

و شو الواحد بستفاد منها؟؟

و 3  أيام بالاسبوع و للا شلون؟؟

و لإمتى بتضل؟؟

و اذا واحد حامل مواد بيقدرو يرفعولو موادو؟؟

إذا عم تحكو عن جلسات محادثة الانكليزي.....فهي من جديد بلشت (تبادل ثقافي) مع بنت بريطانية وبنت أمريكية......ورح تستمر على ما أعتقد لفترة طويلة يعني مو هلأ وبس......لأنو لما حددت مستواي قالولي أنو ما في أماكن شاغرة حالياً بس لازم ضل عم أسأل وأول ما يفضى مكان ببلش......بتعرفوا في ناس بتفقس وما بتكمل...


هي ساعة وحدة بالأسبوع ولمدة شهر واحد (4 ساعات بالشهر) يعني مو دورة نظامية بس هيك ترويض بسيط عالمحادثة...

وكل مستوى يمكن إلو 3 أيام بكل يوم 3 أوقات وبتختار وقت واحد بس يناسبك.

اقتباس

و اذا واحد حامل مواد بيقدرو يرفعولو موادو؟؟

بعتقد لسا هالميزة ما نزلوها بالـ PROGRAMME  تبع المشروع بس تروح اقترحها عليهن.....

احم احم ... رجعنا ... 

اقتباس

3  أيام بالاسبوع و للا شلون؟؟

اول سؤال ما بعرف جواب دقيق لهيك ما حخبص بشي جواب ...

بس حسب انت شو حتختار ...

بس مثلا المحادثة : لكل شخص ساعة بالاسبوع ... و 4 جلسات هن ... بيكون مع غروب (6-8 اشخاص)

اقتباس

و شو الواحد بستفاد منها؟؟

حسب حاجتك ... يعني في مجالات كتير ... بس الا ما تلاقي شي يفيدك ... وبالنهاية هو مشروع مجاني ... فجرب ما بتخسر ... 

اقتباس

و لإمتى بتضل؟؟

هلأ لساتن بمرحلة التسجيل ... بس يخلصو بيقررو ايمت يبلشو ... لهيك هلأ ما مقررين ايمت يخلصو ... يعني هالشي بيعتمد ع ايمت يبلشو ... 

اقتباس

و اذا واحد حامل مواد بيقدرو يرفعولو موادو؟؟

مانن ظراف لهالدرجة ...

لانو مثلا حتلاقي لوحة اعلانات عندن بكم شغلة بيقدر الواحد يسجل فيا بس مو مجاني (الفوتوشوب - icdl ...............)

بس هي بقى الدفع فيا اعلى من غير محلات ... يعني مطلعين الفرق ... 

طيب بإذن الله منسجل...

بس بخاف تكون الدورة بوقت الفحص ( لأنو مو باقي كتير..!!)

صحيح تذكرت شغلة واسفة لانو عم كتر حكي ...

هلأ في المحاضرات ... بس هي وقتا لآخر شهر 4 ... كل احد و ثلاثاء  وخميس ... الساعة 6 ...

مواضيعا (اللي بقو) :

الثلاثاء (بكرا) : تخطيط المسار المهني لطلاب الآداب

الخميس : introduction to six sigma

الأحد : الإبداع وتطوير الإبداعات الشخصية

الثلاثاء : الشهادات المهنية لطلاب الاقتصاد وأثرها على التطوير الوظيفي

الخميس : conflict resolution skills