السلام عليكم:

ما تواخزوني عالتأخير  

بس هلأ حتى فضيت شوي حك راسي ....بتعرفوا كان عندي تراكم أمور بسبب الرحلة


بالفعل كانت رحلة حلوة مع اني بصراحة آخر شي توسوست منها وقلت رح تفقس أو تطلع مو زابطة بس يللا بطلع تغيير جو.....بس عنجد كانت من أروع الروحات يللي بطلعها ......والأهم من هاد كلو أنها طلعت كتير محترمة وراقية .... بس يعني إلا ما تصير شوية غلاظة لكن شغلتا بسيطة...

وحظي كان ظريف فيها لأنو طلعت بالباص المرفّه وما تركنا مكان حلو إلا رحنالو .....وأخدنا بقية البنات بمعيتنا بالرجعة بس كانت نصيحة لأنو أولاً رجعو برفقتي   ثانياً لأنو مرينا على كورنيش طرطوس وفعلاً رائع جداً ....بس يا ريت رحنا عليه بالنهار.....مو مشان شي بس مشان نعرف نصور منيح...


بطرطوس في شي بضحك:

لاحظت أنو عندن الشعب كتير ملتزم بالسواقة يمكن عندن كتير رادارات

تخيلوا السيارات دوبها ماشية عالعشرين .....يعني منقطع الشارع روحة رجعة وما بتكون السيارة وصلت.....يمكن بتكون اعصابن هادية لأنو البحر عندن بجنن


أما باللاذقية فشفت شغلة بتهمني كتير وفوراً حاولت صورها لكن ما كتير زبطت:

عندن في مكرو اسمو بدل (الدوار الشمالي)... (الدائري الشمالي) وهي صورتو:



أما صور كورنيش بانياس فهي هي: شوفوا ودعولي:






لمن يهمه الأمر: كان في مسلسل عم يتصور  عالكورنيش إخراج:محمد شيخ نجيب وفيه أدهم مرشد.......طبعاً ما سمحوا للمعجبات (على اعتبار الرحلة كلها بنات) بالتصوير حتى ينتهي المشهد وما انتهى قبل ما يروحوا الباصات......




أما كسب......فشبهتها لبلودان .....نفس الجو البارد والطبيعة أحلى بكتير كمان....وهي الصور:









ما تواخذونا على دقة الصور مو كتير حلوة....بس صغرتن كتير مشان تفتح الصفحة معكن.....



ولي عودة مع صور القسم التعليمي من الرحلة والنباتات الطبية العجيبة...

السلام عليكم

والله شكلكم انبسطو منيح

بس كيف هيك كل باص ماشي لحال

نحنا وين ما نروح لازم نضل مع بعض

بس افترقنا وقت الروحة عالمعامل

---------------

عشغلة الدائري الشمالي فحتا هيك اسمو بحلب

يمكن لو رحنا عالقامشلي بصير أسمو "المربع الشمالي"

------------------

نحنا بالباص ما كتير اتهنينا الشباب (كنا بس 4) بالحكي لأن حاكم شلفونا البنات لقدام ورا الدكتورة هند مباشرة

فما بنحسن كتير ننكت ونضحك

وطبعاً البنات ورا عاملين الباص عرس

شي تسئيف وشي زغاليط

لا وبيجو لعنا وبقولولنا عملولنا جو دربكة وهيك شغلات

-------------------------

رحنا أول يوم عالمدينة الجامعية بقسم الضيافة وحجزنا نحنا الشباب الغرف الممتازة يلي عندها إطلالة (مع أنو خلونا نحجز لآآآآخر شي)

وبعدين طلعنا عمطعم
وبعد الغدا تفتلنا شوي وتصورنا جنب سكة القطار
بس منيح لحقنا لأن بعد ثواني إجا القطار

وبعدين طلعنا عقلعة حلب بس ما لحقنا نفوت لجو وتصورنا من برا

عن قريب رح حطلكم شوية صور

-----------------------------

بالنسبة لليوم العلمي (على أساس علمي)

فشو رأيك حنان تحكي عنو لأن حاكم آيرون غاطس بكتابة المحاضرات ومو فاضي

القسم العلمي من رحلة الساحل

نبات الطيون:

الاسم: Inula viscose Tulliera komuni
الفصيلة: المركبة Asteraceae / Compositae
القسم المستخدم: الأوراق.....وهو ممكن للاستخدام المباشر يعني ما له تآثيرات مضرة.

الاستخدام الطبي: لعلاج الالتهابات الجلدية ومضاد للتجاعيد.....لهذا السبب قمنا بقطف شوية أوراق منه




================================


نبات لبلاب الحقول:

الاسم اللاتيني: Convolvulus arvensis

الفصيلة: Solanales

القسم المستخدم: الأوراق

الاستخدام الطبي: لعلاج السعال......شراب (بروسبان) لأوغاريت..




=========

نبات  حب الآس (الريحان)

الاسم اللاتيني: Myrteus communis

الفصيلة: الآسية Mytaceae

القسم المستخدم: الأوراق والثمار والزيوت الطيارة الغني فيها،

الاستخدام الطبي: مدر duiretic ومفتت للحصى.



===========

نبات توت العليق

الاسم اللاتيني: Rubus Idaeius

الفصيلة: Rosaceae

القسم المستخدم: الأوراق والثمار

الاستخدام الطبي: لعلاج الإسهال




=============================

نبات الخزامى

الاسم اللاتيني: Lavandula angustifolia

الفصيلة: الشفوية Labiaceae

القسم المستخدم: الأزهار

الاستخدام الطبي: مهدئ داخلياً ومطهر للجروح خارجياً




====================

وشفنا كمان نبات العيصلان من الفصيلة الزنبقية.

والوزال  (تأثيرات مقوية للقلب)

والشوكران (يللي انتحر فيه سقراط):

نفس الصورة يللي بصفحة "المعرفة":

http://muhtawa.org/index.php/%D8%A8%D9%88%D8%A7%D8%A8%D8%A9:%D8%A7%D9%84%D8%B5%D9%8A%D8%AF%D9%84%D8%A9


في نباتات تانية بس نسيت شو هيّ.....أصلاً ما رح أعرف فرق بينها منيح.....لازم قبل اعرف البقدونس من الكزبرة




بس لازم الرحلة الجاية الكل يروح لأنو كانت فعلاً ما بتتفوت....تسلينا وتفرجنا على نباتات والمشرفيت كانو اكتير أكابر معنا..

السلام عليكم..........

نسرين لا تخليني اندم عالساعة يلي ما رحت فيها معكون..................

           

و يسلم إيديكي عالصور و الشرح كتير حلوين...........

  فعلاً رحلتنا وباصنا كانو كتير رايقين وحلوين


وصحيح نحنا البنات قعدنا ورا وعملنا عرس بقيادتي   
وبالمناسبة عملت عراضة لما نزلنا عحلب     
بس الشباب يلي كانو معنا كانو كتير محترمين وظراف
مع أنو كتير طلع علينا ألقاب متل :
باص الفاقسين ، باص الأوادم ، باص مرتب حسب المعدل  هههههههههه

ويكتر خيرو رفيقك أنو إجا غنى معنا شوي
بس نحنا كنا أهدى باص  ، بشهادة الدكتورة   
وكان حظنا بالمعامل أحلى شي  ( رحنا عمعمل ألفا )
بشهادة الباصات الباقية     

وعملولنا  بالبداية محاضرة  تعريفية عن المعمل والهيكل  التنظيمي  إلو
كانت محاضرة  حلوة وجاوب على أسئلتنا برحابة صدر
وضيفونا بتفور وعصير   ر

بعدين  قسمونا  3 أقسام 
مشان نشوف المستودعات و الإنتاج و المخابر

والكل شرحلنا برحابة صدر

وكأنو بقية المعامل ما عملو متل عملنا
الحمد لله كان حظنا حلو بالمعمل
بقية الباصات قعدو نص ساعة بس
أما نحنا مع انو احتجينا وحسينا حالنا ما قعدنا كتير
بس نحنا أكتر شي قعدنا بالمعمل

شفنا اللصاقات بالمستودعات وقسم الحجر والزوايا المقعرة
والشرابات والكبسولات والمضغوطات كيف عم تتصنع
ولبسونا متل يلي فايت على غرفة العمليات
وشفنا أجهزة متل الـHPLC والـFTIR 
وأهم شي شفنا القطعة المعدنية المغناطيسية  يلي سمعنا عنها سمع بالتحليلية
ورح حط شوية صور

طوق الياسمين:

قصة الأغطية هي بوقتها كانت بتضحك بس هلأ ما رح أعرف أنقلكن الجو تمام....يمكن خرج نهى تحكيها أو لما شوفك بحكيلك ياها شخصي لأعرف مثلك المشهد

سلام:

مرحبا

هي شوية صور لليوم الأول من الرحلة

------------------------------

صورة من مقدمة الباص



صورة للمهرج من برا المطعم يلي صرنا فرجة ونحنا وعم نصورو

كأنو أهل الشام بعمرهم ما شافو هيك شي







هي غرفة ناطور القلعة ويا حرام مهدودة



قصر العدل بحلب





-------------------------------------------------

مشان صور المعامل فرح نحطها قريباً

على فكرة  أنا  عدلت مشاركتي السابقو وحطيت صور للمعمل من برا

و شو هي كأنو أهل الشام بحياتن مو شايفين شي !!

المهرج كان حلو ونحنا كنا كتار وطبيعي نصير فرجة ماشاء الله حولنا

يعني أنا أول مرة بشوف هيك منظر