السلام عليكم............

نور الهداية

يسلمو كتير عالايميل الحلو, عنجد نصايح بتتقل بالذهب................

بدي خبركن عن شغلة حسيتها مفيدة وممكن تفيدكن :


في مشروع اسمو (مشروع شباب) تابع للأمانة السورية على ما أعتقد يقيم شهرياً عدد من الدورات وورشات العمل والنشاطات.....


اليوم رحت وحضرت ورشة عمل بالانكليزي عن (presentation skills) وفعلاً كانت محاضرة حلوة ومفيدة كتير......


وسمعت أنهم يقومون ايضاً بجلسات محادثة باللغة الانكليزية ..أستفسرت عنها ايضاً ووجدتها منطقية جداً حيث سيتم تحديد المستوى من قبل خبيرة بريطانية وعلى أساسها تكون الجلسات مع مجموعة من نفس المستوى للقيام بجلسات محادثة حول مواضيع متنوعة وألعاب أيضاً لتقوية المحادثة الانكليزية وهي ساعة وحدة بالأسبوع......


وهالحكي يبقى شهر وبعد هالشهر ستأتي خبيرة أمريكية تعمل نفس الشي (من التبادل الثقافي)......



هو المكتب بأبو رمانة مقابل مطعم ست الشام وجامع الحسن (ناح المريديان) وأكيد هالورشات كلها مجانية لكن يجب التسجيل قبل بأسبوع من المحاضرة والتأكيد قبل بيوم......




فحبيت قلكن شو صار بركي في شي بفيدكن


بس فعلاً مشروع ومركز راقي جداً .......

اقتباس

طب وإيمتى بيبلش؟.. ولا بلش؟.. ولإيمتى؟
وبيمشي الحال التسجيل عالتليفون ولا لازم نروح لهنيك لنسجل ونثبت التسجيل؟

لا يمكن لازم شخصياً ....أنا من يومين حجزت لورشة اليوم عالتلفون بس شكلو مامشي الحال واليوم كنت عالاحتياط بس نفدت وطلعلي مكان......


بس اليوم سجلت اسمي بمحاضرتين بالأسبوع الجاية ويللي بعدو........محاضرات عن القيادة وتطوير مهارات شخصية......ولازم أكد حضوري قبل بيوم عالتلفون.....

كل محاضراتهن الساعة 6.....أما جلسات المحادثة فمن ال12 إلى 5 حسب الوقت يللي بيناسبك....



وإذا إدارة المنتدى ما بتمانع بحطلكن رقم التلفون.....



بس والله كتير حبيت الترتيب هونيك.......

السلام عليكم

الله يسامحك..........ليش ما حكيتي من قبل

كنا بلشنا من أول الورشات

يا ريت تحطيلنا رقم التلفون

أو تقليلنا أنو ساعة لازم الواحد يروح يسجل وأي تفاصيل تانية
                                                                                                                           
                                                                                                                           
                                                                                                                   

أنا اليوم كنت رايحة ومو كتير متشجعة لأنو ما حدا شجعني غير أخي لأنو قلي أنو بأوروبا وأمريكا في دورات كاملة عن (presentation skills) ....

بس مع هيك رحت لحالي وقلت لشوف شو الوضع بخبركن ......بركي كان شي بيسود الوش !!!!


بس مشان رقم التلفون ببعتو ليللي بدو رسالة مستعجلة بلا ما هلأ تعلقوني بقصص مع جماعة المنتدى.......


الاتصال من الساعة 12- 5 للاستفسار وجربوا حظكن يمكن يمشي الحال تسجلوا عالتلفون.....



ومشان الورشات ما راح شي كتير عليكن يمكن أغلب الورشات هي عن البنوك والعلاقات العامة بس ورشة قديمة عن (المنظمات غير الربحية) وورشة اليوم خرجنا شوي وورشتين تانيين قادمين متل ما قلت (مهارات القيادة) و (الإبداع وتطوير المهارات الشخصية)



و( conversation sessions) بدو الواحد يروح حتى يحدد مستواه والوقت المناسب...بس لازم كمان من الساعة 12 - 4 حتى تكون الخبيرة موجودة.....




سمعت أنو الأمانة السورية للتنمية برعاية السيدة أسماء الأسد وانطلق من هالمشروع مسار(للأطفال) وهلأ (مشروع شباب) و (عيادات العمل)

شكراً غولدن بل عالمعلومات

كنت من زمان عم فكر سجل بهيك دورات
                                                                                                                     
                                                                                                                       
                                                                                                                   

على فكرة هالورشات والقصص تاري من زمان عم تصير شهرياً....بس ما بعرف ليه ما مندرى غير بالصدفة......

حتى قريت عن حملة مكافحة التدخين (يمكن مسيرة) استجابة للمرسوم الجديد ..رح تنطلق من أمام باب كلية الصيدلة دمشق

وهي موقع المشروع عالنت:

http://www.shabab.net.sy/

=======================================




وشوفولي هالموقع كمان:

http://spreadsheets.google.com/pub?key=r6wharOxPespMyfz5KkPllg&gid=0

على ذمة الراوي أنه يحوي جميع الكتب العربية والمترجمة القديمة والحديثة....


كمان اطلعوا عليه إذا ظريف.....

شكرا على الموقع

بس سؤال

هلأ ما بدي اعمل دورات بإدارة الأعمال

بدي بس دورات محادثة وإلقاء عروض تقديمية

بصير بس سجل بشغلة وحدة

-----------------------------------------------------

مشان موقع الكتب يلي حطيتيه

شي بيدوخ

بس خرج شي واحد كفو ما ورا شي ينزلنا كل الكتب حتى ولو بإجرة

اقتباس

بدي بس دورات محادثة

بتتصل فيهن وبتشوف إيمتى لازم تحدد مستواك وتبدا .....بس هي مو دورات بس هيك نقاشات وألعاب مع مجموعة طلاب ووحدة بريطانية بالانكليزي ساعة بالأسبوع...

اقتباس

وإلقاء عروض تقديمية

هي ورشة عمل بمحاضرة وحدة صارت اليوم .... بس تابع البرامج الشهرية للمشروع لتعرف المحاضرات كل شهر...



------------------------------------

عندي فيديو من مجهر :


مافي طريقة ينزل عالمنتدى؟؟؟؟ لأنو لواحق الفيديو ما بتتحمل هون