الحذف كان بمحلو و انا بعتذر
بس اخر شي هي اراء شخصية و حقيقة واقعة بالكلية حتى لو انحذفت من كلامي هي موجودة بالدكاترة

السلام عليكم
مرحبا شباب و صبايا .. هي اول مشاركة الي بالمنتدى
لفت نظري الموضوع و المنتدى بشكل عام و بنصحكم تكملوا فيه ممكن يفيدكم بالمستقبل
انا بدي احكي شوي عن الجامعة و مشاكلها
اول شي متل مو ملاحظ انو اغلبكم سنة اولى و تانية ان شاء الله موفقين
احقر شي بالكلية هو قسم الامتحانات ... بكرا اذا شي مرة حدا منكم نزل لعندون بيعرف شو قصدي
بعدين سمعت من طلالب السنة التالتة انو الدكتورة نادية بصير كتير بتزعجكون كمان بتدرس مادة فيزيا المباني و كتير بخيلة بالعلمات طبعا و بتحكم مشريع تخرج الله لا يجيبها لعند مشريعكون .. مرة سمعتها عم تقول لواحد ( شو هل واجهات متل غراندايزر ) الي بيقدر يترجم هل مقولة يساعدنا
على زماننا كان الدكتور انور غيث شي كتييير لئيم بس للامانة وقت الرحلة الجامعية كان كتير حباب مشكلتو انو بيحرق اعصاب الطلاب لاخر لحظة و بالامتحان ما شاء الله عليه
طبعا لاخذ العلم كلينا فيها كم قانون .. لو كنت بنت احتمال نجاحك ضعفين احتمال نجاح الشب طبعا هاد الشي معروف
كبعا فيك تتطبق الدكتور و تصير تحملو غراضو و تضمن علامة العملي
دفع مصاري بالكلية ما بتوقع يكون في بس الوسايط شغالة .. يعني اذا حاسس حالك بموقف حرج لا تقصر
العميد مامون الورع ابرد من هيك ما رح تشوفو بحياتكم ... يعني تاخير العلمات سببه التشكيلة الرائعة بين برودة العميد الي مو سائل و حقارة الامتحانات الي لازمهم لق مع احترامي
انتوا السنين الجديدة رح تكونوا مرمى تجارب العميد و الدكاترة .. يعني بيحذفوا مادة من هون بيضيفوا مادة و يالللله ... مو عرفانين شو عم يساوا
احلى شي مقولة ابن السكافي حافي لانو اخر مرة رحت فيها على الكلية كان في شوية مطر فتت من باب التوسع (هاد الي بقلك ادنك وين و بتلف اللفة العجيبة ) لقيت سقف الكلية عم يزرب مي
و الاحلى انو الحمامات على كل بوابها مكتوب ( الدورة معطلة )
ووقت فتت على حمام بمبنى التوسع لقيت الحمامات العربية جهتها على القبلة .. يعني خطا معماري فادح و مرسب (لك بدي افهم كيف صارو مهندسين)
لك ملللااااا عمارة
المدرجات ما فيها تهوية و ريحة العرق بالصيف بتخلي نص الطلاب تهرب و ما تحضر
الطلاب بزمانهم طالبو بوجود مسجد و لقينا ان طلباتهم استجابت
و الله نزلت مشان شوف هل جامع
لقيت غرفة صغيرة كتييييير و قياساتها غير ملائمة للاستخدام للصلاة يعني
و الارضموكيت كتير وسخة ليش يا ترى ؟؟؟ لقيت ورقة معلقة مكتوب عليها ( انتبه عامل المازوت يدخل بحذائه ) طلعت غرفة المازوت بيندخللها من محل الصلاة ... شو مشااااان ؟؟؟ لك وين العمارة بالموضوع ؟؟
نسيت احكيلكم عن الازواق .. انتوا بتعرفوا ان العمارة سر نجاحها الاحساس المرهف و الذوق الراقي .
صدقوني هدول لو مو من اوائل الدفعات الي تخرجوا ما كنتوا سمعتوا فيون ابدا
لسه في كتيييير بينحكى بس حكيت عن الشغلات الي بتخصكم انتوا اكتر شي
موفقين يا رب و ان شاء الله يطلع منكم مين بيقدر يغير هاد الوضع المزري
والحمد لله