السلام عليكم مرة اخرة

(يمكن لازم احكي فصحة )

كان هناك احد المشاريع باشراف الدكتور عقبة فاكوش والدكتور بيير نانو وكان اعادة تأهيل قرية

كان التعليق الأبرز للجنة وخاصة الدكتور عقبة

ان الطالب لم يقم بابراز المجهود الذي بذله بشكل كافي وان هناك كثير من الجهود المبذول والدراسات والتحليلات التي قام بها الطالب ولم يعرضها امام اللجنة ( عنجد الدكتور عقبة كان حيقوم يقتله   )

فيا  ابنائي الاعزاء اثناء تقديم المشروع  من المهم ان تظهرو جهدكم  (على قولة الدكتور عقبة انا والدكتور بيير نانو منعرف شو اشتغلت بس اللجنة شو يبعرفا !! )

والله من قبلي انقهرت على هالطالب انصدم المسكين  بعد كل هالتعب


.......................................................

ايضا من ضمن المشاريع المطروحة  مشروع  تسكين البدو .
وكان حظ الطالب في هذا المشروع من التعليقات سيء للغاية

المهم لم يقبلو الوحدة السكنية التي صممها للبدوي واجمعو انه لا يوجد بدوي يستطيع العيش فيها وانه كان على الطالب ان يطلع على مشاريع مشابهة  ( اكيد اطلع معقول ما يكون اطلع !!!  )
وكان الطالب في تخطيط اللاند سكيب اكثر من مساحات مهولة للعشب وكان نقطة سوداء بصفحات الطالب لدى لجنة التحكيم

حيث في بيئة جافة سيكون تكلف الحفاظ على العشب اكبر بكثير من قيمته البيئية لان الماء هناك قليل .. وكان باستطاعة الطالب معالجة هذه المساحات بعناصر اخرى متماشية مع طبيعة المنطقة الجافة فهناك حدائق تصمم بالرمل مثلا

( انا مكان هالطالب كنت انجلطت من كتر ما هجمو عليه كلهم متل الوحوش الضارية  )


يتبع ....


NOTE
1-  باتمنى من رفقاتي يلي حضرو هالمشاريع يضيفو التعليقات يلي ما ذكرتها ويصلحولي اذا غلطت ..
2- شكرا كتير اخ شاهين لفتح موضوع  مشاريع التخرج ويعطيك العافية واسفة اذا ظهر من ردي الاول بالموضوع لهجة جافة متعجرفة  ...

اقتباس

* تاني شي هو الحضور والشخصية وهاي الها درجة بظن ( الإلقاء المباشر ) من خلال الشرح قوة الشخصية بالدفاع عن الفكرة وعن المشروع بالعموم الجدل مع الدكاترة بشكل يرضي الجميع ( تسييس النقاش ) على مبدأ بأمركن ياعمي . .

اي صح السنة الماضية اتقدم مشروع اعادة تأهيل مدرسة جودتالهاشمي واخد الطالب عليه 94 %

والكل كان عم يقول انه السبب الاكبر يلي اثر عاللجنة  لحتى تعطيه هيك علامة  شخصيته وحواره

وطريقة اقناعه للدكاترة

كل ما حاول دكتور يطلعلو بنكشة يفحمه الطالب بطريقة خلت لكل يعجب فيه

اسم الطالب كان فراس حواصلي وهو هلأ بظن عم يدرس طلاب السنة الأولى

ايه الله يهنيه ويطعمنا

عدنا من جديد ...

ايضا  من مشاريع التخرج كان هناك مشروع لطالبة

كان الموقع بيندمشق القديمة و دمشق الجديدة (خارج السور ) وهو مركز للتعريف بالتراث

اخذ التخطيط العام للمشروع خطوطه منسجمة مع تخطيط الحديث للمدينة لكن توضع الكتل المكونة للمشروع (مكعبات )كانت تشبه توضع الكتل في دمشق القديمة

كان رأي اللجنة  ( فكرة جميلة ان تربطي التراث بالحداثة وتذكري الناس بالتراث لكن الناظر اي مشروعك لا يشعر بهذا الشيء هل تريدين من الزائر ان يستخرج الفكرة المخبأة في بنات افكارك )

ايضا من التعليقات ان المشروع من الخارج عندما تشاهده تظن ان محور الحركة باتجاه  لكن عندما تدخل الى المبنى  تتفاجأ ان المبنى من الداخل لا يشبه نفسه من الخارج والفراغات الداخلية لا تنسجم مع توضع الكتل من الخارج ولا توحي  بها

وكان هناك تكسيرات كثيرة من الداخل

بس بالنهاية قالولها يعطيكي العافية لانها تعبانة بالمشروع


.....

ايضا من ضمن المشاريع كان هناك مشروع لاحد الطلاب  وهو مبنى للمعلوماتية من 3 طوابق  وفيه مراكز لشركات المعلوماتية ومعارض وصالات ...

كان يأخذ شكل مثل البيضة (المشروع كان شكله مثل جماعة فران جيري وزهى حديد وهيك قصص )


وفي اللاند سكيب كان هناك ما يسمى بالحاضنة ( انا سنة تانية وعنجد ما عرفت شو هي بس شكلا شغلة معروفة بهالاسم المهم ..)

قال فكرته للطالب انه كان في حاضنة فهو استوحى منها شكل البيضة

طبعا هون الدكتور عقبة ما اقدر ما يستهزئ وقال : يعني هي ترجموها لكلمة حاضنة مو لانها بتحضن فبتحط بيضة

هي مو فكرة

انت مقلد مشاريع لمعماريين مشهوريين من دون ان تفكر

لا مانع عندنا من ان تقتبس من فرانك جيري وزهى حديد لكن افهم ماذا تقلد .. واكمل الدكتو انا عندما شاهدت مشروعك ظننت ان هناك فلسفة وراء هذا المشروع لكن للأسف هو مجرد تقليد خالي من الجوهر

واضاف الدكاترة أن الفراغات الداخلية و توزع الوظائف لا ينسجم  مع شكل الكتلة من الخارج

وكان الطالب قد برر طريقة الفتح بالكتلة انه اعتمد على مبدأ  0 و 1 المأخوذ به بالبرمجة

وكان تعليق الدكاترة على هذا الأمر انه لا مانع من تعتمد على مبدأ 0 و 1  لكن  عبر عن ذلك بشكل صحيح دع الناظر يعرف من نفسه انك اعتمدت على هذا الأمر ( رجعنا لموضوع انه الفكرة مخباية براس المصمم )


يتبع ..

بشأن المشاريع..

فأقوم الآن بتأمينهم مع بعض مشاريع السنة السابقة ايضا....


لكن الامشكلة بالوقت....

قسما بالله مضغوط............و اللله...


لا تؤاخذونا بالتأخير..

هناك حديث نطول لي عن مشاريع التخرج....


محمد

اقتباس

بالوقت....

قسما بالله مضغوط............و اللله...

يعطيك العافية ..

بدك مساعدة ؟
                                                                                             
                                                                                               
                                                                                                       

إيمان شكرا لكي..

و الله محتاج كتير مساعدة..

بس الحمد لله..

ازا ما لحقت..

عندي كتير رفقات ..سنة تالتة و رابعه و حتى خامسة و كمان خريجين....

لا
تشوفيني سنة اولى..
.


بس علاقاتي واسعه كتير..

لا تنسي اني chief ..

المهم..

شكرا لجهودك اختي ايمان..

ازا بحتاج اول شي..

لأطلب و بدون مستحى..

الله وكيلك..

بس بما انو حاليا في عطلة..

و ما لنحسن نروح على الكلية..

فلأستعين برفقاتي - ازا اضطر الامر- يلي معي بدوما...

المشكلة انو هادا كان طلب المعيدة..

يعني شافت فكرتي شوي معقدة و بدها شغل..

فاصرت انو حدا يساعدني..

اتخيلي بيت عربي بست مناسيب....و يمكن اكتر....

برأيك انت ..

بيمشي الحال بيت عربي باكتر من منسوبين..

محمد

مرحبا

اقتباس

باتمنى من رفقاتي يلي حضرو هالمشاريع يضيفو التعليقات يلي ما ذكرتها 

مااااااشي

اقتباس

ويصلحولي اذا غلطت

لا استغفر الله إنتي تغلطي

اقتباس

كان هناك احد المشاريع باشراف الدكتور عقبة فاكوش والدكتور بيير نانو وكان اعادة تأهيل قرية

أي هون في نقطة حبيت أولا

اقتباس

الطالب لم يقم بابراز المجهود الذي بذله بشكل كافي وان هناك كثير من الجهود المبذول والدراسات والتحليلات التي قام بها الطالب ولم يعرضها امام اللجنة

هلأ هادا الطالب كان دارس كل بيت من بيوت القرية على حدة ودامج بيوت مع بعضا
هلأ هوي بس كان حاطط صور للبيوت قبل التعديل وأكيد بعد بس مانو موضح كيف درس وحلل هادا الدمج يعني صور البيوت الحالية (قبل التعديل ) كانت آخدة حجم كبير على حساب عرض مجهودو الشخصي وهون كان اعتراض د.عقبة

اقتباس

ايضا من ضمن المشاريع المطروحة  مشروع  تسكين البدو .

وكمان أنا عندي سؤال

اقتباس

حيث في بيئة جافة سيكون تكلف الحفاظ على العشب اكبر بكثير من قيمته البيئية لان الماء هناك قليل .. وكان باستطاعة الطالب معالجة هذه المساحات بعناصر اخرى متماشية مع طبيعة المنطقة الجافة فهناك حدائق تصمم بالرمل مثلا

هلأ أكيد هادا الطالب مصلح والدكتور المشرف بيعرف هادا الشي (وخصوصا أنو كان عنده فكرة حلوة ومميزة بطريقة توزيع العشب بالساحات )فما بعرف يعني كان لازم ينبهو لهي النقطة

وفي شغلة لاحظتا كمان
أنو أغلب الطلاب (إلا ما ندر) عندن أخطاء بكراج السيارات فيللي حاطط الدخول من جهة والخروج من جهة أحرى أثار أنتقادات اللجنة 
واللي حاطط الدخول  والخروج من نفس المكان ما سلم  كمان  

سلاااااامي للجميع

سؤال ... طلب بالمشروع الثالث تنفيذه على كرتون A0 ....

في حدا ممكن يساعدني  بوضع القياسات للكراتين A كلها ....؟

وطلب تاني .. كيف بدنا نقسم الكرتونة  ؟

وشكرا سلفا...

أماني..

منشان مشروع المجلة.....

فبحب قلك انو انا مالي نسيان القصة..

و عم اشتغل فيها....

و عم حط برنامج ةشغل لإلها ماشي...

فلا تواخزيني ازا طولت شوي...

منشان حجم الأإوراق ..

الـ A0  هي ضعف الـ A1
يعني 110 ×75

ازا بدك معلومات ادق و اكتر و احلى..

عن كافة مساحة الاوراق..

فشوفي الروابط..

http://ar.wikipedia.org/wiki/حجم_الورق


http://www.elshami.com/Terms/P/paper%20sizes.htm

mamet