أنا أجيت متأخرة......... ...........بس مو مشكلة...


على كلّن........

سلام...أستاذ شاهين...

بالنسبة لكتاباتك... ........رائعة...

بالنسبة للأحلام....بالشغل والوظيفة و..................فضروري نحلم وإلا ما منلاقي شي...بس بالنسبة إلي ...مابحب الشغل برا البلد....يعني بيكفيهون دول الخليج بنيان......بعد شوي رح ينهد عليهون..  

وأنا...(وهاد رأي شخصي) ماني من محبي ناطحات السحاب....يعني حلو نشوف ببلدنا ناطحة سحاب....معالجة معمارياً بشكل رائع...بس المهم ماتصير هالناطحة عشرة...وتحجب السما عن البشر....لأن عنجد الزايد أخو الناقص...

...

وبالنسبة إلك يامحمد....مافيك تخلي المعماري يعبر بالقلم إذا مابدو....

يعني كل واحد إلو أسلوبو بالتعبير...وكل الأساليب بتصب بإطار الفن...والإبداع....

يعني بالمجمل...كل إنسان عندو درجة حساسية...معينة....من خلالها بيعبّر بطريقة تحاكي مدى حساسيته............  ...........





تحياتي...




علا

shahinarc يا shahinarc

بصراحة مافهمت الموضوع عن شو عم يحكي !!

ومشان هيك كان رد الأعضاء كل واحد بجهة ..

وأكيد كلنا بنرحب بوجودك معنا .. كمعمار أولاً وككاتب ثانياً ..

حتى لو مالنا خريجيين بس الي بيجمعنا العمارة ..

عفوا وانا كمان متل ولاء ما فهمت شي

وحتى كأن العنوان ما دخلو بالموضوع 

كأن فهمت من حديثكم كل واحد شو بيخطر بباله يجي يفوت لهون يعلق

بس يعني ليش يلي بيخطر ببالنا ما انسقه ضمن هيكلية المنتدى مو احسن ما يكون شوربة


ولا غرفة دردشة للي ما بيقدر يفوت عغرفة الدردشة ؟!!!

عنجد ما فهمت (لا الغريب انه مثبت !!!!!)

ممكن التوضيح ؟

ان السيد شلهين..,,

يقوم بإفادتنا بكم كبير من المعلومات..,,

فقررت اان يكون هذا الموضوع...مزردا للمعلومانت التي يدخلها السيد شاهين..,,


و سيدمج بموضوع مناقشة شؤون العمارة..,,


لأن كليهما ينبعان من نفس العين..,,
يوم الخميس ..,,سنقوم بتنسيق كبير داخل المنتدى..,,

اتمنى ان تعذروني الآن..,,

الله وكيلك الشغل لفوق راسي..,

و إيد لحالها ما بتصفق..,,

عندي كتير حكي بخصوص هالموضوع.,,

صديقي شاهين..,,

لست مسؤولا عن اي موضوع خارج ساحة العمارة..,

فلن استطيع افادتك بشأن موضوعك الموجود بساحة البوح الصادق..,,

آراء
. . . .

أممم حلو كتير
أنا حضرت
أول الشي الحضور
آآآآآخ ضجة مو طبيعية يعني الواحد مستحيل يضل مركز طول الوقت بسبب أصوات الحاضرين
تنين التحكيم
ما بعرف يمكن هوي طبيعي
بس مابخلو سلبية ما بيقولوها وبينسو كل شي إيجابي
وكمان ما بيحكو شي عن جمالية المشروع يعني بس بيحكو عن الوظيفة (يعني لهلدرجة الجمال شي ثانوي؟؟؟؟؟!!!!!!!!!))
بالإضافة لأنن ما بيحبو أنو الطالب يرد على إنتقاداتن هي إذا فكر يرد (لأنو معظم الطلاب كانو يلاءو السكوت أسلم ))
بس في من الدكاترة عالم كتير رايئين وبيقفو بصف الطالب (الله يكترن )
وبالمجمل وعلى الرغم من هالسلبيات أنا لائيت التحكيم معقول كتيييييير
بس عنجد الله يعين كل طالب على هالوقفة يعني لهلأ ماني متخيلة حالي بهل موقف إإيه الله المعين
سلااااامي للجميع

مرحبا .. كيفكون

هلأ بالنسبة لمشاريع التخرج حضرت كم مشروع بس للأسف ما معي الصور بحاول جيبهم من حدا من رفقاتي وارفقهم مع الحكي هلأ  ان شاء الله



كان في ملاحظات عامة كرروها عند اكثر من طالب

بعد ما الطالب يوقف يشرح فكرته يقولوله  اي الناظر لمشروعك ما بيفهم هي الفكرة فكان كتير مهم انه الفكرة ما تكون مخباية جواة راس المصمم يعني لازم الواحد بس يشوف المشروع يفهمه مباشرة

كمان كان طريق التعبير عاللوحة الها اثر علقو على طلاب انه اي كنت لونلنا محاور الحركة مثلا

هلأ خلينا نفوت بكل مشروع

++
كان في طالبة اسمها نور  آخدة قسم من دمشق القديمة بجنب نهر بردى وهو مكان فيه محلات تجارية

حافظت عالمحلات يلي عشارع ووراها من جهة النهر عملت مراكز جديدة وعملت تراسات عالنهر
وكانت شاغلة كتيييييييييييييييييييييييييير وتعبانة وتعبها واضح للجنة

وكانت الكتل عالنهر بارزة عالواجهة بالارتفاع من ورا الكتل القديمة

من بين التعليقات للجنة كان :
الدكتور عقبة قال وانتقدا بشدة عالمواقف تبع السيارات لانها حافرة مواقف تحت شريط المحلات القديم  قلا طيب كيف حافرة ومنطقة هون جنب النهر  وتحت الشريط القديم بس هيك حافرة يعني مو دارسة الموضوع

كمان علق واحد من الدكاترة قلها على شو محافظة يعني !! نحنا منحافظ بس عالتراث  .. هدول المحلات يلي اخدتيهون شو قيمتهون

كمان هي كانت بمواد البناء والاكساء عاملة تضاد بين القديم والحديث وحاطة حجر مع مواد حديثة

الدكتور عقبة قلها  انا مو ضد بس دكتور تاني قلها قال  لا انا ضد

وقت بشوف هيك فراغ حديث وحاطة جدار حجري قديم بفكر هالجدار إله قيمة تاريخية وقف عليه شي خليفة مثلا .. اذا حابة تحطي حجر  حطي بس بطريقة حديثة هلأ صار في طرق للقص والمعالجة عطت الحجر  باشكال حديثة

كمان الدكتور عقبة قلها شو هدول الاماكن المظللة القديمة و الباقي حديث قالتلو لاء
قلها اي كنتي اظهري المشروع بحيث نقدر نقرأو هيك مو قدرانين

وعلقوا انه منيح عاملة الماكيت بايدها مو جاهز واكدو انه هاد الماكيت يلي بدهم ياه مو ماكيت مصروف عليه

بس بالنهاية قالوا انها تعبانة وشاغلة  ويعطيها العافية   

وكانت شخصيتا حلوة واثقة من حالها وهي عم تشرح بس رهبة الوضع بتحسا هيك مكركبة شوي عم تحكي بسرعة وعجلة صارو يقولولها هدي هدي



يتبع ...