هاي
أنا بتمنى من الطلاب بمختلف اختصاصاتن انو يشاركو بموضوع خاص عن  اختصاصات الكلية المختلفة والمواد الأهم أنا سنة تانية ولهلأ ماعندي فكرة واضحة عن الاختصاصات وكمان عن الشغل وفرص العمل المتوافرة والخبرات الأهم  اللازمة لكل اختصاص
انو بركي منبني فكرة واضحة من هلأ عن يلي بدنا ياه
لأنو متل ما لاحظ الجميع انو صار في أبنية خاصة بحالا لكزا اختصاص
فياريت حدا يساهم ويخبرنا وأكيد الشكر للجميع  ;i(16;

بالنسبة لاختصاصات الزراعية
كان في مشاركة من الاخ عطر الشام
شرح في الاختصاصات وهاي هي الاختصاصات

بسم الله الرحمن الرحيم

سأبدء أولاً بتعداد التخصصات الموجودة في كلية الهندسة الزراعية :
1. قسم علوم الاغذية.
2. قسم علوم البستنة.
3. قسم المحاصيل الحقلية.
4. قسم الاقتصاد الزراعي.
5. قسم وقاية النبات.
6. قسم الإنتاج الخيواني.
7. قسم البيئة والحراج.
8. قسم علوم التربة.
9. قسم الهندسة الريفية.

و الآن سأبدء بشرح موسع عن كل قسم حسب معلوماتي التي جمعتها من خلال الخبرة الطويلة في الكلية .......... وسيكون الشرح عن (  الصعوبة ...  فرص العمل .... فرص الماجستير ومجالاته ...... )

أولاً : قسم علوم الاغذية :

من الاقسام الجميلة جدا والتي لا ترتبط نهائيا بالرزاعة ووضعه الحالي مؤقت ريثما يتم افتتاح كلية الهندسة الغذائية في البناء الجديد.
مجالات العمل  : تتضمن كافة طرق تصنيع الغذاء وحفظه سواء المعلبات او الكونسرة او العصائر والمشروبات وتحضير الوجبات وطرق تحليل الغذاء وصلاحيته للاستهلاك البشري.

القسم مفضل من كثير  من الطلبة لعدة أسباب أهمها  أن القسم لا علاقة لها بالزراعة والعمل ضمن هذا المجال يكون فقط ضمن المخابر او المصانع  وبالتالي القسم مرغوب خصوصا من قبل البنات ..........
أيضا من الاسباب الهامة هي فرص العمل الواسعة قبل وبعد التخرج فمثلا الطالب المتخرج الآن من قسم علوم الاغذية يأخذ أجرا يقدر بـ 15000 ل.س كبداية في أي معمل وبدون أي خبرة.
أيضا بالنسبة للماجستير  :
طالب علوم الاغذية يستطيع أن يقدم على نوعين من الماجستير الاول ماجستير علوم الاغذبة ضمن القسم  والثاني ماجستير التقانة الحيوية وما أداركم ما هي التقانة الحيوية..............

أيضا يتميز القسم بسهولة الدراسة فيه وبإعطاء الدكاترة لعلامات جيدة .......


ثانياً : قسم علوم البستنة :

من الاقسام الجميلة التي تهتم بطرق الرراعة لمختلف النبات وأيضا فيزيولوجيا النبات بشكل عام وكافة ابحاث الاستنباط للاصناف و تنسيق الحدائق ونبات الزينة.
الكادر التدريسي جميل ومميز .
أيضا غير مفضل بالنسبة للغبر راغبين بالعمل في الارض.
فرص الماجستير فيه جيدة وهي فقط للماجستير ضمن القسم.


ثالثاً : قسم المحاصيل الحقلية :

يهتم بدراسة أهم المحاصيل وطرق إكثارها وزراعتها والتوسع بها والابحاث الوراثية لإيجاد أصناف جديدة و النبات الطبية والعطرية.
الكادر التدريسي متوسط إلى سيء
فرص العمل ليست جيدة خصوصا ضمن الظروف الجوية السيئة في سورية.
فرص الماجستير جيدة ضمن نوعي الماجستير  في الكلية.
فرص السفر سيئة بكل معنى الكلمة.
وغير مفضل لغير الراغبين بالعمل ضمن الارض.

رابعاً :  قسم الاقتصاد الزراعي  :

من الاقسام المفضلة للطلاب ذوي الاهتمامات الحفظية وهو لا يحوي أي فائدة علمية للطلاب إنما مجرد حفظ بحفظ  والمعدلات فيه عالية لأن الدكاترة بيعطوا علامات عالية.
فرص السفر سيئة .
فرص الماجستير جيدة للنوع الاول فقط.
الكادر التدريسي جيد.
فرص العمل بالقطاع الخاص سيئة.

خامساً : قسم وقاية النبات :

من الاقسام الجميلة التي تهتم بأمراض النبات المختلفة سواء الحشرية أو الفطرية أو البكتيرية أو الفيروسية وغيرها من الافات التي تصيب النبات.
أيضا دراسة ممتعة في مجال تربية النحل ودودة القز.
الكادر التدريسي جيد ..
فرص الماجستير جيدة.
المعدل متوسط إلى جيد
فرص العمل في الخارج و القطاع الخاص جيدة جدا
الصعوبة في هذا القسم تكمن في حفظ آلاف الاسماء اللاتينية

سادساً : قسم الإنتاج الحيواني :

من الاقسام ذات المستقبل الجيد ضمن مجال تربية الدواجن والاغنام وغيرها من الحيوانات وتركيب خلطات الاعلاف وإنتاج الحليب.
غير مفضل للطلاب غير الراغبين بالعمل مع الحيوانات وخصوصا البنات.
فرص الماجتسير جيدة.
فرص العمل في القطاع الخاص والخارج جيدة جدا.

سابعاً : قسم البيئة والحراج :

دراسة أهم النباتات الحراجية وتوزعها في سورية ودراسة لظروف الطقس في سورية وفق معايير حديثة ودراسات بيئية غير قابلة للتطبيق في سورية طبعا.
يعني دراسة على الفاضي ...........
معدلات جيدة .........
فرص عمل سيئة .......... وخصوصا في القطاع الخاص والخارج.

ثامناً : قسم علوم التربة :

من الاقسام الجميلة التي تهتم بدراسات الاتربة في سورية وتحليليها وتوزعها وطرق الاستصلاح للاراضي .........
معدلات جيدة . .......
فرص ماجتسير جيدة.
الكادر التدريسي : جيد
فرص عمل  : متوسط إلى جيدة.
مجالات العمل والبحث محدودة.

تاسعاً : قسم الهندسة الريفية:

من الاقسام السهلة والمفضلة من الطلاب الدوام قليل والشغل قليل والعلامات كتير
يهتم بدراسات طرق الري والشبكات بشكل خاص و الآلات الزراعية ........
فرص العمل جيدة
فرص الماجستير جيدة
الكادر التدريسي متوسط إلى جيد


وهكذا أكون قد اتنهيت من شرح عن الاقسام في الكلية .............
وطبعا هذا رأيي الشخصي الذي كونته من خلال البحث في سوق العمل والواقع


كلمة أخيرة:

أخوتي الرزق على الله وشو الله كاتب لكل واحد فينا ما منعرف المهم شو ماكان تخصصنا أنه نشتغل ونعتب ونترك الباقي على الله......


تحياتي لكم جميعا - دمتم بخير ومحبة

شكرااااااااا كتير شرح تمام
بتمنى كمان نسمع أكتر من رأي
وأكيد كلمتك الأخيرة مزبوطة بس مو غلط نحاول من هلأ ندور ع شي ندرسو بمتعة مو لأنو طلع نصيبنا وبس

مشكور كتير كتير بس لو سمحت ممكن تحكيلنا اكثر عن البستنة و الماجستير فيها  و عن المعدلات لكل اختصاص  و شكرا

                شكرا كتير على هلموضوع  عنجد  انا سنة اولى لسى واول مرة بحصل على جواب وافي وبتمنى انو تكترو من هلمواضيع يعني شوي مشان تفيدو غيركم  شكر  كتير

ألف شكرا على الجواب الشافي
يا ريت طلاب الرابعة هي السنة يحكولنا على معدلات القبول بالأقسام وخاصة علوم الأغذية....................

أكيد طلب مهم ويا ريت كمان طلاب بمختلف الاختصاصات يحكولنا عن المواد الأساسية لمختلف الاختصاصات مع الشكر الجزيل

يمكن من كتر الأسئلة بطّل هدا يجاوبنا   

بس شكرا كتيرررر  

لكل يلي عم يفيدنا   

وبالنهاية الحياة مجرد تعاون بين الناس 

مرحبا
انا بتمنى على الطلاب المقبلين على التخصص انو ما يردوا على الطلاب المتخصصين لأنو كل واحد عندو رأي خاص فيه و بيختلف كتير كتير عن بقية زملاءه لدرجة اني سمعت شغلات بتضحك و بيتبين بالأخير انها كلها خاطئة . يعني كل واحد بتسأله بيعطيك رأيه الخاص بعدين كيف طالب بستنة مثلا بيحسن يعطيك رأيه عن المحاصيل أو البيئة و ما حدا بيقول عن زيته عكرأما بالنسبة لدرجات القبول الدنيا للإختصاصات يلي كمان ما حدا بيذكرها بشكل صحيح فهي في عام 2101-2011  كانت على الشكل التالي:
أغذية    70%                            23 مادة
بستنة  68%                              22 مادة
ريفية      66%                              22 مادة
بيئة        60%                              21 مادة
محاصيل  57%                            23 مادة
وقاية      56%                            22 مادة
اقيصاد  -  تربة - انتاج حيواني      جميع المتقدمين                        22 مادة
مع العلم انو الاختصاصات الثلاثة الأخيرة  أفضل من أغلب الإختصاصات و  ما بيعني كون معدلن قليل انهم ما مناح لكن الموضوع بيرتبط برغبة الطلاب يلي دائما بينجروا وراء اشعاعات بتطلع كل سنة انو قسم ما سهل ما في دوام و قسم الو شغل كتير و قسم رح يفصلوا و يفتحوا كلية لحالها .
كما انه من المتوقع ارتفاع درجات القبول شوي هالسنة بسبب ارتفاع عدد الطلاب و ارتفاع معدلاتهم.
و أريد أن أذكر أن الأخ أو الأخت يلي ذكر معلومات عن لأقسام و هو مشكور على جهده أغلب هذه المعلومات خاطئة فعلى سبيل المثال فترة الدوام بين كل الأقسام نفسها تقريبا ما عدا الأغذية بداوموا اكتر شوي بسبب رغبة الطلاب و منهاجهم ليس سهلا على الإطلاق .
كما أن نسب النجاح بكل الإختصاصات تقريبا100%