أهلين فيك أخ عيسى...
وفعلاً متل ما قلت.. الحمد لله على كل حال
شكراً لمرورك يلي نوَّر الموضوع
مع تحيتي واحترامي

عجبني الموضوع ...

صحيح ما بروح لهنيك إلا النادر بس بسمع عنو كتير

بس والله ضحكت بشكل مو طبيعي ..... شكراً إلك

بس يمكن الرد متأخر كتير كتير ....

بس عندي إضافة ...


بعنوان

هل ركبت يوماً ..... الدوار الجنوبي ؟؟؟

الدوار الجنوبي وما أدراك ما هو الدوار الجنوبي

صفات هذا الباص :

يمر من كافة طرق مدينة دمشق من شمالها لجنوبها .... ولا يترك طريقاً يعتب عليه ...

من لحظة انطلاقة من العباسيين تراه قد امتلأ تماماً كالقطرميز المكدوس .

يتابع سيره .... كل مترين بيوقف ساعة ..... بينزل منه واحد وبيطلع عشرة ...

وشلون عم يستوعب هالكميات  ... ما بعرف ... ( الكميات قابلة للضغط )

بيتابع سيره .... والأعداد تزداد شيئاً فشيئاً ... ومن كثر الضغط الذي يحصل بداخله ... يصبح الباص مائلاً بزاوية 45 درجة ... وبعد شوي لح يصير يمشي على دولابين ...

يتوقف فارماسي في ساحة باب مصلى .. وينتظر هذا الباص العجيب ... مع ثلة من الناس ...
فإذا به ياتي وأخيراً بعد انتظار أشبه بانتظار المريض في غرفة الإنتظار ...

وما أن يأتي هذا الباص ... حتى ترى الناس يركضون ويقفزون ويتعربشون .... وهذا يمسك بيدي هذا لكي يساعده على الصعود رغم أن الاثنين مازالا في الهواء ... وآخر يكمش بقدم الآخر لكي يتمكن في الصعود ... وآخر يضع رأسه بين العالم ويقوم بالدفش بطريقة متوحشة .... وآخرون .............

ويكون فارماسي مضطراً للصعود رغم أنفه لأنه لا وسيلة أخرى للذهاب للكلية سوى هذا الباص أو استخدام الطريقة اليدوية وهي القدمين ...

يصعد ... وإذا بالسائق يقول ... ارجعوا لورا ارجعوا في مكان فاضي .... وهو مالو عرفان إنو الناس قاعدة فوق بعضها وناس صاروا لزيقة على البلور من كتر الضغط ... غير يلي مطلع راسو من الشباك والباب من شان يحافظ على  حياتو من الموت خنقاً ... أو فعساً ...

وإذا كان صاحب الباص مسلطن  .... ياسلام ... بيكون حاطت على الإذاعة فيروز .... (بعدك على بالي ...).

وإذا كان متخانق مع زوجته عند الصبح ... بنسمع منه أحلى العبارات الترحيبية عند الصباح ...
غير الخناقات يلي بتصير وقت يطلع شي مفتش ... حاكم بيبلش الخناق والأصوات العالية ...

لك بس بدي أفهم ليش ما يعملوا باصات خاصة للطلاب الجامعيين ... على أساس عم يدرسوها بس عبس يمكن على زمن ولاد ولادنا  بيصير هيك شي أو بالأحرى ( بيحطو قرار لوضع قرار لتنفيذ قرار )...

والسلام عليكم .....
تقبلوا مروري وعذراً على الإطالة ...

انا لما كون بالباص ( او المكرو ناااادرا ) بمر من قدام شارع الثورة ... وبدون ما انزل مبين كيف الوضع بيئسي ...

اللي عم يبيعو والحديقة اللي ما بتشبه الحدائق غير باسما ... الى العجقة ... واكتر شي بيزعل هو البنات اللي بيضطرو ينتظرو فيا ...

هههههههههه

متخيلة الموقف لانو شايفة هيك شي عنا ...

زكرتوني بالوضع اللي انا في ... (( مواصلات دوما ))

نحنا مدعووووووووووميييييييييييين كتيييييييييييييييير ... لدرجة ما خلولنا ولااااااااا مكرو ...

شالوهن كلن ... وجابولنا الباصات الـ ..... !!!!!!!!! 

المعاناة بتتكرر بالروحة والرجعة ... بدايةً من وقت منطلع من الصبح بكير ... منوقف منوقف منوقف ...

وما في ولا شي يلوح في الافق ... بتغمضي عين بتفتحي عين ... بتلاقي 10 اشخاص جداد اجو ... 

كلن طلاب مدارس وجامعات وناس عندا وظيفة ... بعد ما يمر شي ربع ساعة زمان ... بيجي الفرج !!! 

كلووووو بيركض ( والرجال بيحتلو المقدمة اكيد ) ... بس لما يقرب بيرجع الاحباط من جديد ...

لانو ببساطة الباص ملان ناس قاعدة ووافقة ... ما في محل لحدا ... واللي بيصحلو يفوّت حالو ( بالسكجة ) ممكن يكون حظو حلو ...

وبيتكرر الشي ... واخيرا بيشرف اللي بعدو واللي بعدو عنفس الوضع ...

والحل الوحيد قدامنا هو انو نستنا مكرو ( لحدا ساكن هون بس خط شغلو ( جرمانا – كراجات ) او الريحان ) !!!

اما اللي بيصحلو بالباص فمتل ما قلتلي ... الرجال بيحسبو حسابنا كتير ... لدرجة انو عندن استعداد يدفشو بايدين حتى يطلعو ... الرجال يطلعو والنسوان خلين بالشارع شو عليه ؟؟ 

وبعدين بتلاقي الرجال قاعدين والكبار بالعمر والبنات واقفين ... وعم يتحركو ذات اليمين وذات الشمال ...

الا ازا واحد محترم عنجد... بيخانقن بيقول خلو النسوان يطلعو ... او حدا بيقوم ليقعدنا فبيحسو الباقي عدمن ...

ونفس الشي بالرجعة ... بس لسا الرجعة اشوا لانو وقتا ما ورانا جامعة او جلسة عملي تروح علينا مشان المواصلات المدعومة عنا ... 

وقال فكرو فكرو ليلاقولنا حل ... طلع معن انو يعملو خط سريع ( يعني ما بيمر من حرستا ) ... مفكرينو حيحل الازمة ... 

انا لقيتو بالعكس ... يعني اللي بدو يروح عحرستا او الكراجات ( متلي ) ما بيمشي الحال معو ... 

يعني ما بتوفي معنا ... لانو باص + للحياة + انتظار جوبر مزة للجامعة = تأخير اكيد ... لانو ابطأ من هالباصات ما في ... كل شوي بدو يوقف ينزل ويطلع ... وبيستنا ليقطعو الكل تزاكر ... (( الله يرحم ايام المكاري ))

ومن يومين صار موقف ...

بالرجعة كان في نسوان كتير مع بعض وهن كبار يعني ما طلاب ... وكان عم يصير نفس الشي ... ( الصراع لاجل الصعود الى الباص ) ...

بعد ما مر اكتر من واحد والرجال طلعو ونحنا ما حدا قدر يطلع ... سمعت وحدة عم تقول للي جنبا ( ولي لازم نطلع والا جوزي بيطلقني ) ..! يعني بدا ترجع عالوقت ولو طالعة عالواقف بالزور ...

يعني الوضع عنا مأساوي ... ونحنا بانتظار فرج عطلة الصيف ( مع انو وقت الامتحان حيكون المأساة الكبرى ) لانو فحص + شوب + طالعين عالواقف بالباص ( ازا اجا والله فرجا علينا ) ...
وهلأ وقت يكون عنا عملي بالبرامكة ما عد رحت منها عالحياة غير مشي ...!!!

منستنا منستنا وما في امل ...

اسفة طولت كتييير بالحكي ...  بس والله حرقة قلب ... وما حدا عم يسمعنا ... اكتر من الخناقات بين الراكبين والشوفيرية ما في ( مع انو الشوفيرية ما دخلن لانو هاد نظام الشركة وهن مجرد عاملين فيا ) ..!

تقبلي مروري ... :)

pharmacy...

A ..}

السلام عليكم..

أنا كمان من دوما   
 


بس في نقطة مو واضحة بخصوص الاستبدال

عدد المكاري سابقاً 350 مكروا
شالو المكاري ونزلو 40 باص
المكرو يحتاج لمدة 20 دقيقة من دوما ووحتى العدوي
والباص يحتاج ل 60 دقيقة  لنفس المسافة


معادلة بمجهول واحد
هو المواظن
يلّي  عم ينطر بين  30ى الى 60 دقيقة بالوضع الطبيعي
لحتى يقدر يركب بالباص

حلّوها لحالكن
     
   

اقتباس

وإن شاء الله بيجي يوم وبتنصلح هالحال بقدرة قادر

ان شاء الله
بعد حوالي عشر طعشر قرن
يعني أحفاد أحفادنا يمكن يلحقوها ..



شي بيطقق
والله كتير
صاير عم اطلع من البيت قبل ساعتين ونص
لحتى أوصل قبل المحاضرة بنص ساعة 
يعني دوبني بهي النص ساعة لحّق الطش التلخيص من رفيقي تبع جلسة اليوم ..



شكرا عالموضوع
ولو أنّو ووصلت متأخر



سلام..

حسام...

السلام عليكم

ذكرتوني بالذكريات السوداء

والله حكايتي مع شارع الثورة فظيعة.......

بكفي قضيت فيه المرحلة الثانوية 10-11-12 .............!!!!!!

كنت بثانوية السعادة.....وأكيد بتعرفو طريقها من القنوات............ولما الواحد بدو يروح أو يرجع عالبيت أكيد بدو يمرق بشارع الثورة.....

كل يوم صباحا أمضي إلى المدرسة إما يدويا ((سيرا على الأقدام)) أو بشي مكرو نازل عشارع الثورة...

وطبعا إذا طلعت بالمكرو وبدك تنزل بيشلفك بالبحصة........وأنت عود أمشي...

مو هون المشكلة....

المشكلة هي سباق الحواجز ...................أو العوائق......سواء بالروحة أو الرجعة!!!

كا يوم كان عندنا عملية قوات خاصة .............لتجاوز هذه العوائق....

والعوائق هي:

1- مواقف المكاري كلها...............والحيونة والتدفيش والعجقة الخانقة.......

2-جسر المشاة اللي يتتحرك عليه بسرعة 1 نانو متر بالساعة...بسبب البسطات والشحادين والمتصفنين!!!!....

3-الأغاني الكراجاتية النورية الحنونة العذبة اللي بتصدح بشارع الثورة

4-السيمفونيات الرائعة المسجلة بستوديوهات هوليوود ((أي غرض بعشر ليرات
...................أي غرض بخمس ليرات))

5-صاحبنا تبع........ قرب وشوف..............بخمس ليرات.....جريمة اليوم......أحدث الجرائم
((والجرائم طبعا صرلها 10 سنين))

6-وألذ شي الحنونين المحترمين المدخنين اللي مركبين اشطمام وبنفثو روائحهم العطرة اللعينة بوجهك أنت ماشي وراهم........  
وخصوص إذا دخان وطني أو لف يدوي!!!!!!!!!!!!!!!!!!!!....................((إيييع))
لا تنسى أنو بيتمشو على مهلهم بكل رواق...........وبيعرقلو السير........

7-الـ 1000000000000000000000 بسطة المتخصصة بإغلاق الرصيف وإزعاج المارة

8-الرجال المحترمين الأكابر اللي بيوقفو وبسدو الطريق وبتلاقي عيونهم عم تحدق..

عم تحدق بشي سائحة مقرفة عمرها 50 سنة ..........أو بشي بنت (-------)طالعةبدون حشمة...........
أو بتلاقيهم واقفين عم يتفرجو عشي غنية نورية وسيديات تعليم الأخلاق.....


9-المناظر الطبيعية الخلابة والأبنية الحديثة الجميلة..........................
((حدا بيعرف هتل هنانو الجديد)).......................ههههههههههه
والأشخاص الودودين اللي بتصادفهم يوميا.............................................
............((وكا واحد وجهه بيقطع الرزق!!!!!.))....................الله لا يبلينا.....

10-فندق المرج الأخضر الحديث..............
أكيد عرفتوه.................عملو المنطقة عشب.............وخلوها مرتع ومنامة للكادحين والحبابين.........
فضلا على النظافة العالية والروائح العطرة النشادرية.....................

11-
12-
13-
14-
15-
.
.
.
.
.
والقائمة لا تنتهي.....................بس ما بدي ألعي قلبكم.................وأكيد حسيتو باللذة!!

بس هي معانتي طيلة الثانوي................

الحمد لله خلصت منها...............

وحاليا معاناة الجامعة أقل .............................((أقصد صباحا))

لأني إذا طلعت من البيت بكير ولقيت مكرو جوبر مزة بحوالي 15 دقيقة بوصل.......

أما الرجعة!!!!!!!!!!!!!!!!!!!!!!!!!!!!!!!!!!!!!!!!

فأكيد بتعرفو كيف..................................................بباصات المكدوس المحشي حشي..

   

إذا بدي أحكي كلشي عندي..........................بدي خمس صفحات...بس حاجة هيك..

يلا سلام..............................................

ولك آاااااااخ


كنت مفكر أنو بس أنا لأنو ساكن بالزبداني عم عاني من المواصلات طلع كلو أضرب من بعضو


بس عنجد صعبة يعني كل يوم ساعة روحة وساعة وربع رجعة هادا إذا ما في زحمة كتير


يلا إن شاء الله بتهون

شو قصة هالموضوع رجع تنعنش بعد طول غياب

والله أنا مرة وحدة بحياتي ركبت من هالمنطقة العجيبة وهونيك تذكرت هالموضوع وصرت أضحك لحالي بالطريق لأنو عنجد مو طبيعية......الله يعينكن....من الصابرين!!

وحمدت ربي عالدوار الشمالي يللي ملازمني منذ المرحلة الثانوية لهلق .....تاريه نعمة قدام غيرو......عالأقل بركب من ناح بيتي من منطقة رايقة ومو عجقة.....وبالثانوي كنت أنزل بالسوق (يعني ماشي الحال) وهلق بنزل قدام نفق الآداب.....بس أبشع شغلة هي المرور من المهاجرين ولي شو كبيرة .........بس هلق تعلمت قضي وقتي يا أما بقراءة قرآن أو كتاب أو أدرس شي شغلة أو لما كون معصبة أو الوضع ما بيسمح أني أقرأ بسبب العجقة والمدافشة والضوجة.... فبحط هالسماعات بأذني وبريح راسي.....


بس والله هالفصل صايرة تقريباً كتير عم أجي عالجامعة بتكسي لأنو ما في غير بطلع متأخرة....لأنو هالفصل ما في شي بيشهي ينحضر



هي سيرة حياتي بالمواصلات .....إن شاء الله ما تكونوا مليتو