رغم صحة كل ما قلتم عن شارع الثورة .....

إلا أنكم لم تنتبهوا لأهم مصدر للإزعاج في شارع الثورة ............. مجمع يلبغا

لا يمكن لإنسان أن يرى هذه الكتلة الاسمنتية الصماء الغبية الوقحة إلا أن يشعر بالنفور ....... والاشمئزاز ........... والقرف !!!!!!!

هذا فعلاً كطلاب جامعيين هو ما يجب أن يؤرقكم ............

وليس صوت مكبر صوت هنا ........ أو بائع بسطة هناك ......... أو تلطيش حكي بذيء هنا  أو نظرات وقحة هناك ..........

مجمع يلبغا بناء بدء العمل به سنة 1979 !!!! على اعتبار أنه مشروع استثماري ما ............. علماً أن إحدى المؤسسات الحكومية هي المخطط والمصمم والمنفذ للمشروع ............... ؟؟؟ !!!!

ورغم كل التضحيات التي قدمها الوطن من أجل إنهاء هذا البناء ؟؟؟؟؟؟؟؟؟؟؟؟

إلا أن الكارثة الحقيقة كانت عندما انتهى هذا البناء من البناء !!!!!!!!!!!!!!!

لماذا ؟؟؟؟؟؟؟؟؟؟؟؟

لأنه بناء لا يصلح لأي شيء ............ لا يصلح فندق ....... ولا كراج سيارات ......... ولا شركة أو معمل ........ ولا متحف أو مركز ثقافي ........ ولا مدرسة أو جامعة ........... ولا للاستثمار بأي صورة كانت ............

هذا الشيء الأكثر إيلاماً في شارع الثورة ...........

هذا هو الشيء الأكثر إزعاجاً في شارع الثورة .................

ترى كم هي المشاريع التي بنيت هكذا في وطننا الحبيب بدون هدف ......... بدون تخطيط ..............

وفي حال كان هناك تخطيط فهو سيء وغبي ...........

ترى كم سنة استغرق بناء نفق المانش بين فرنسا وبريطانيا تحت البحر ...؟؟؟؟

ترى كم سنة استغرق بناء أعلى ناطحة سحاب في العالم في ماليزيا ؟؟؟؟؟

ترى كم سنة استغرق بناء أطول جسر في العالم ؟؟؟؟؟؟؟

كلها مشاريع استثمارية ضخمة انتهت في عدة سنوات وتعود بالفائدة على أوطانها أضعاف أضعاف ما كلفت ............. على عكس مجمع يلبغا ........ وأمثال مجمع يلبغا .....

التي لا يعرف إلا  الله وحده حجم الخسائر التي سببها لوطننا الحبيب على الصعيد المادي والبيئي والسياحي .............


وشكراً لإثارة هذا الموضوع

زيد..

اقتباس

بس نسيتي تذكري بياع الليمون الجامد

لا الحمد لله ما بوصل لعندو.. بيكفيني يلي بشوفو

اقتباس

ماكينة قديمة و بساويلك الكاسة بإديه النضاف و المعقمين

   
   
مشكور لمرورك ومشاركتك الكريمة أخ زيد .. 

quality ..
بداية أعتذر عن تأخري بالرد..
أخي الكرم كلامك سليم 100% .. مزبوط إنو مجمع يلبغا يعتبر أكتر منظر بيثير الاشمئزاز بشارع الثورة.. يعني لا بيقدرو يكملوه.. ولا عم يلاقو طريقة ليقيموه من وشنا..
وللي ما بيعرف هالبناء هالصورتين واضحين إلو


يعني هيي فعلاً القصة أكبر بكتير من قصة مكبر الصوت أو بياع البسطة...الخ
بس بصراحة ما حبيت اتطرق لهالموضوع لأنو هدا لحالو بدو موضوع خاص فيه
بكل الأحوال مشكور أخ quality لمشاركتك الطيبة.. 

السلام عليكم

اقتباس

هل مررت يوماً بـ.... شارع الثورة !!!

يي ... كتير مارر من هنيك ... وبحس بمشاعر غريبة..  

اقتباس

مجرد ذكر اسمو قدامي بيكركبلي كياني 

يا ألهي لهالدرجة..    

صحيح هو فظيع... بس يعني فيه شوية   

اقتباس

وإذا مو مصدقين.. عيشو معي هاللحظات الرائعة من أحداث شارع الثورة.. 

طيب بيعين الله .. ونرجع نتذكر. ونعيش ..

اقتباس

واعتبروني راجعة من الكلية ونازلة من جوبر مزة

لك نيالك جوبر مزة ..اي هاد ما بحلم أركبو لحتى انزل منو     

اقتباس

ورايي قنينة غاز.. كرمال الله شو بدي بجلد الغاز؟؟؟ 

بركي عم يوزعهن عن روح أمواتو.. انتي وقفتي وسألتيه شي..؟؟

اقتباس

ماشي ..طنشنا وكملنا مشي..

أحسن شي بتعمليه..

اقتباس

"حطها بالمي بتكبر.. بس بعشر ليرات"

والله أنا شفتها بس ما جربتها.. بركي منجربها شي يوم     .

اقتباس

  لا وبعد كم خطوة كان في زلمة ينادي "أكبر جريمة اليوم"

أي هاد يا ألهي شو بتجاكر منو أنا   ... كتير بقول يا ريت شي مرة تكون انت

بشي قصة من هالقصص.. بس برجع بقول خطي   ..

ما عمل هيك لو ما كان محتاج.. الله يفرج عن العباد.

اقتباس

وهي طلعنا عالجسر يلي دوبو وسعان العالم..

اي والله و بيزكرني كمان بنفق الأداب..  عقد مو واسع وعريض..

بتشتهي تقضي عمرك رايح جايي..  

اقتباس

"بعشر ليرات.. أي قطعة بعشر ليرات.. بعشرة والعشرة بمية.. محسوبة.. اللهم صلي على سيدنا محمد.. قرب يا حبيبي قرب يا عيني.. بعشر ليرات.. ألعاب وهدايا واكسسوارات.. بعشر ليرات القطعة بعشر ليرات"

هو بيستعمل مكبرات الصوت ليصل صوتو لأكبر شريحة من المجتمع

يعني حرام تفوتهن هيك أسعار ووين...ببلدنا   .

اقتباس

وإنو ما عاد حدا من الشباب يبعد للبنت مشان تركب بدالو

يي الله يرحم هديك الأيام   .. لما كان الواحد منا يقف عطولو   منشان يقعد

البنت  أو يقعد عالطرف بالمكرو ليقعدها بالكرسي مكانو...

بس يا ترى ليش أختفت هيك امور منيحة..؟؟  

هي بدها موضوع لحالها للنقاش فيه...

اقتباس

فشو رأيكن بـ... شارع الثورة؟؟

الله لا يحرمنا منو لهالشارع ول ؟

اقتباس

بكل الأحوال الله يبعتلي سيارة ويبعتلكن من واسع كرمو

الله يسمع منك .. هيك شي سيارة موديل سنتها.. والله مافي اكرم من هالرب

أذا أعطى أدهش..

بعتذر عالرد الطويل.. بس حاولت قد ما فيني اختصر لأنو موضوع غير شكل

وفي ألو عدة مشاكل .. ان شاء الله تنحل..

مشكورة عهالموضوع ... والسلام عليكم

أخ لأجل عينيك...

اقتباس

وبحس بمشاعر غريبة

طبيعي جداً... هدا إحساس موحد بين كل المارة.. الله يخلصنا منو

اقتباس

يي الله يرحم هديك الأيام    .. لما كان الواحد منا يقف عطولو  منشان يقعد

البنت  أو يقعد عالطرف بالمكرو ليقعدها بالكرسي مكانو...

أيييييييييييييييييي والله... الله يتغمدها برحمتو لهديك الأيام

اقتباس

بس يا ترى ليش أختفت هيك امور منيحة..؟؟

لأنو عم تخف الأخلاق والحمد لله... الله يصلح الحال أحسن شي

اقتباس

الله يسمع منك .. هيك شي سيارة موديل سنتها.. والله مافي اكرم من هالرب

أذا أعطى أدهش..

آآآآآآآآمييييييييين... يا سيدي موديل 600 وخشبة قبلانة.. المهم اخلص من المكاري والشنططة

اقتباس

موضوع غير شكل

ردك العبق هو اللي غير شكل
مشكور لمرورك العطر ومشاركتك الكريمة... نورت 

        السلام عليكم
انا بالبداية بقول شكرا الكون على طرح هالمواضيع الي فعلا بتحكي عن معاناة الأشخاص بشكل عام طبعا هالشي حلو بس انا برأيي انو كل شخص لازم ينطلق من نفسو ويحاول يغير
هالواقع وما ينتظر من الناس انو يغيرو لأنو بحال الكل كان بينتظر يتغيرو رح يجي يوم ويلاقي الناس كلها بتنتظر .. بالنسبة لموضوع شارع الثورة انا معكون على بهدلة الزحمة والسير والشوفير الي بينزلك وهو خايف يشوفو عمو الشرطي منشان ما ياكل مخالفة يعني بيجوز من هون لشي سنتين الركاب يصيرو ينزلو عالطاير يعني هو المكرو ماشي الركاب عم تطير
... بكتفي بها التعليق عالشارع بس بالنسبة لمجمع ينبغا انا معكون انو اتأخر وما عم يقدرو يستثمروه ولا يخدموه بس طبعا بدي اطلب من الجميع يحاول يعرف شو السبب وطبعا السبب هندسي بحت هو مو من سوء التخطيط وانما من سوء التفنفيذ القصة الي بعرفها انو البناء من زمان كان بيمر من اسفله قناة فخارية بتصرف الفائض عن نهر بردى والمهندسين المشرفين الله يخليهون حسو انو مالها داعي وهاد كان الخطألأنو لما ازيلت القناة فاضت المياه ببردي ومالقت قناة تصريف فغمرت المياه الأساسات وهيك اتغيرت التربة من غضارية ناشفة الى غضارية قابلة للأنزلاق يعني بيجوز البناء يهبط بأي لحظة اذا ما تدعم وبها المرحلة بيخسرو كل شي انحط فاجباري لازم البناء يتدعم ويتلاقى حل قبل ما يتم تكملة البناء والأمكانيات اكيد ما عاد سمحت منشان هيك ما اعيد تكملتو وما بعرف شو الأسباب التانية بس انا بحب علق عالأخ الي طرح الموضوع على انو مقزز ومزعج هو فعلامزعج بس انا ما بحاول احكي عن موضوع مالي ملم بألأسباب الي خلتو يوصل لها المرحلة بعدين انا ما بريط الواقع هون بالعالم المتقدم لأنو هاد غلط طبعا لازم تشوف الأمكانيات يعني مثلآ نفق المانش بين فرنسا وبريطانيا الي استغرق خمس سنوات طبعا برأيي الي مستعد يتخلى عن آلة لحفر الأنفاق بيوصل سعرها الى ثلاثين مليون دولار ويطمرها تحت التراب طبعا مستعد يخلص النفق بها الفترة والي مستعد يبني برج ماليزيا خلال فترة قصير مع امكانيات مالية ضخمة أكيد ما رح يتأخر عن الجدول الزمني  مالنا مستعدين نقارنو بأمكانيات مالية بسيطة يعني اعطي للمهندس الي بيشرف على أي مشروع امكانيات مادية مناسبة واكيد ما رح يمطمط بالمشروع لأنو بيكون تعبان منشان هيك مالازم نفرض فرضيات ونقارن مقارنات شاسعة انت صار فيك متل الي بيقول الفهد اسرع ولا رقبة الزرافة اطول مع انو ما في علاقة بين الموضوعين
              واعزروني عالأطالة و تقلبلو مروري
                      شكراااااااا

lord_of_romance ...
كان كل اللي بعرفو إنو في تحت المجمع مي مشان هيك ما عم يتكمل.. بس ما شاء الله معلوماتك قيمة وجديدة.. ع الأقل عليي.. بس يعني

اقتباس

والمهندسين المشرفين الله يخليهون حسو انو مالها داعي وهاد كان الخطأ

طب هدول المهندسين معقول تصرفن؟ وإذا كانوا كلن نفس التفكير وولا واحد فيهن حس إنو هالشي غلط أصبح الغلط باختيار هيك مهندسين.. بعدين معقول إنن يقيمو ويحطو بدون ما يرجعو لحدا بيفهم أكتر منن؟.. يعني برأيك هالشي مو غلط؟.. طالما إنو معن الصلاحية يتصرفو من راسن فالمفروض يكونو قد هالمسؤولية..  ما بعرف.. هالشغلة ما خرطت مشطي بنوب

اقتباس

فاجباري لازم البناء يتدعم ويتلاقى حل قبل ما يتم تكملة البناء

يعني في قابل يكملوه؟.. وهالحل بتظن إنو في حدا ممكن يلاقيه.. أو بالأحرى معقول لهلق ماحدا لقاه.. مدري ليش حاسة إنو بالأخير رح يعتمدو على شي خبير أجنبي يثقوا فيه أكتر من ابن البلد ويا بيساعدن وبيلاقيلهن حل يا أما .....

ومن ناحية الإمكانيات المادية فالحق معك 100% يعني شو بتطلع إمكانيات بلدنا البسيطة قدام الإمكانيات الضخمة يلي بتملكها دول رهيبة متل فرنسا وبريطانيا..
بكل الأحوال الله يصلح هالحالة وان شاء الله بيلتقى هالحل وحلووووووول لكل مشاكل بلدنا ..
مشكور سيدي الكريم لورد لمشاركتك القيمة وإطلالتك المميزة.. أتحفتنا

الله يصبرنا جميعا على طرقنا وارصفتنا (ان وجدت ) هذا الوصف الشيق و المطول عن الشارع المحترم ما هو الا المواصفات الفنية و التعبوية لاغلب شوارع البلد
نامل انه نصل لثقافة احترام الطريق و الرصيف و المشاة 

اقتباس

نامل انه نصل لثقافة احترام الطريق و الرصيف و المشاة 

الله كريم.. وان شاء الله إلا ما يجي يوم ونوصل فيه لهالثقافة... ولو بعد حين...

مشكور لمرورك ومشاركتك اللطيفة سيد yous .. مع خالص امتناني

اقتباس

فشو رأيكن بـ... شارع الثورة؟؟ بذمتكن إذا فتلتو الدنيي طول وعرض إن كان بالهندأو بالصين أو بأميركا.. رح تلاقو أخو هالشارع بكل مناظر الحضارة يلي فيه

أكيد ما رح نلاقي ...

بس الحمد على كل حال ...

الشباب كفوا و وفوا

شكرا على الموضوع