كلية الحقوق حلوة والها مستقبل بس بصراحة متعبة انا احيانا بندم انو فتت هالفرع المعت بس بعدين بقول احسن من غيرو  بضل

هلأ بشكل عام الحقوق كلية عريقة ومتل هالكليات ..وكتير من الكبار بهالبلد طلعو منها من سياسيين لقادة لشعراء لأدباء وكتير من هالمستوى...
يعني الخلاصة أنو نحنا بأي كلية منقدر نحدد شو نكون ..هلأ أنا واحد من الناس إلي وقت المفاضلة كان بيطلعلي كتير شغلات كون المجموع ماشي حالو وعلى فكرة البكالوريا علمي ..بس أنا رغبتي الحقوق لأنو إذا الواحد حط عقلو براسو بيوصل لكتير شغلات..بس بدو يستحمل شوي أثناء الدراسة من الكلية ومن الناس إلخ...
يعني "اّمن بكليتك وفرعك بتوصل"
**********والله يوفق الكل***********

شو  بتحكي  بينك  وبين حالك  لما  حدا  يسألك  شو بتدرس  ..ولما يعرف ينبسط مشانك ويحسدك..(  وخصوصا لما يئللك  ..أاااه  محاماه يعني  بتدرس)؟

احيانا بفرح وبفتخر بحالي واحيانا مابعرف هل لشي حلوا ولا لأ
يا ترا  لو رجع الزمن فيك لورا  ............ لايام  التسجيل  بالمفاضله ... شو كنت اخترت ....رح تختار الحقوق  من جديد  ولا  تحاول  ما توئع  بنفس الحفره( الكليه)؟؟
انا لو يرجع الزمن لورى كنت خترت الحقوق بس ماكنت نزلت من الامارات ودرستوا بالشام  بس مع الاسف  ما عاد ينفع الندم هلق
شو انطباعك  عن حالك .............  كطالب  حقوق سواء  كان  سلبي  او ايجابي؟؟
طبعا انا محبطة مكتئبة كلشي سيء  بيخطر على بالك
بتشوف  انك عملت انجاز  لما دخلت الحقوق ............. طب  شو ناوي بعدين  وخصوصا  انو  كتير  من المعطيات  والمحفزات  غير  متاحه للاسف.......؟؟
طبعا ازا اتخرجت نشالله حابي ان سير قاضيي نشالله
يا ترا ...............  ندمان انك بالحقوق..............؟؟؟؟
لا مو ندماني لان الحقوق احلى فرع  نوجد  هو شي رائع  هو جوهرة وانا بتمنى  من اي شخص ان يفوة هيك فرع

اولا وأخيرا تحية لكل طلاب الحقوق

لانو انا برأيي انو هنن الطلاب الصامدون

بس لنحكي شوي بالواقع انو ما في شي سهل بها الدنيا

واحمدوا ربكم لانو كل كلية عنا اضرب من التانية

ولا تفكروا انو بس نحنا يلي عم بنعاني

بس للأسف عم تكبر المعاناة مع قرارات الجامعة يلي مالها علاقة لا بالمنطق ولا

بالعدل ولا بالتدريس

عم تتاخد القرارات بالكلية ياشباب بدون تفكير  بالعكس بتحس انو بدهن يانا نكون فاشلين

وطبعا لا تنسوا انو نحنا متل غيرنا دائما في تقصير من طرفنا

فادعوا الله يخلصنا من قرارات الكلية المزاجية ويوفقنا

وبالنهاية ما بيطلع بأيدنا غير ندرس ولما بيجي على بال الدكتور ينجحنا فبنكون بألف خير

موفقين يا شباب لانو اذا ما مشي الحال حنتجوز ونقعد بالبيت أشرفنا

         

تحياتي للجميع

موضوع فعلا جميل، وهو فرصة مشان الواحد يراجع نفسه، وفرصة إلى أنا كطالب بكلية الحقوق خارج القطر لأتعرف على اراء الطلبة في سوريا حول دراسة الحقوق.

بالنسبة إلي، دراسة الحقوق كانت حلم الطفولة، ومع أنو معدلي كان بيسمحلي أدخل طب... بس إتمسكت بإختياري لأني مقتنع بأنو الشخص مابينجح إلا بالمجال يلي هو بيحبو.

ممكن قول أنو صابني نوع من التردد بعد مادخلت الكلية لأني لاحظت نوع من الإستهتار من طرف الطلبة لكون أغلبيتهم داخلين حقوق من غير رغبة، وإستهتار من إدارة الجامعة لإعتبارهم الحقوق فرع مو مهم مقارنة بالطب والصيدلة والهندسة....

صحيح أني مابدرس بسوريا، بس انا متأكد أنو الطلبة بسوريا بواجهوا نفس المشكلة.

بس الإنسان لما يشوف دراسة الحقوق بالدول المتقدمة، بيعرف أنو هو عايش بنعمة مو حاسس فيها، باعتبار كلية الحقوق في أوروبا وأمريكا من أصعب الإختصاصات وأغلاها دراسة وأكثرها مردودية في مرحلة العمل.

ولازم نعرف أنو مافي إختصاص صعب وإختصاص سهل، وإختصاص منيح وإختصاص مو منيح....لأنو بالنهاية تعب الشخص ومجهوده هو يلي بيحدد وبميز الشخص عن غيرو من الناس.
                       

                                                                مرحبا للجميع
للأسف هاالأيام صارت الدراسة شي بالغصب مو بالمزاج ، طبعا أنا دخلت على الحقوق وأنا مقتنع تماما بها المجال كونه كان حلمي منذ الصغر .
بس وللأسف مابعرف ليش تفاجأت بجو الكلية والفكر الي كنت راسمها ببالي لها تبخرت ، الطلاب كل مين ايدو الو وماحدا مهتم بالثاني بعكس ماكنت اسمع على طلاب الحقوق . بعكس باقي الكليات طبعا العلمية اليس بصير فيها مشاتركة بين الطلاب بالمشاريع  ونحن عم نفتقر لروح المشاركة أو المساعدة إلا عن طريق هالموقع الي هو بوابة للطلاب ليتعرفوا على بعض .
بالنهاية كل شي بالحياة صعب وكل فروع الجامعات أو الاختصاصات بتكمل بعضها بالمجتمع ولازم نشتتغل على حالنا أكثر لنحقق شي لذانتا وللوطن.

                                                          حقوقي وأفتخر

الحقيقة انا دخلت علكلية لأني بعشق دراسة القانون
بس  بصراحة بكره مهنة المحاماة  !!!!
ما بعرف بجوز لأنو سمعتها مضروبة
بتمنى يطلعلي دراسات او ادخل سلك القضاء او حتى وظيفة
بس مهنة المحاماة ما بحبها
واحد بقلك  المحامي حرامي
التاني بقلك المحامي مجرد  سمسار
او معقب معاملات
اكيد كل شخص بقول انو اذا صرت محامي ما راح  اسلك  الطريق الخطأ
بس بتضل نظرة الناس لهل المهنة بتحسسك انو انتي مخطئ
يعني عدة اشخاص بدمروا السمعة
بصراحة بتمنى  ما  صير محامي

يا ريت فيني انشأ كلية حقوق على مزاجي

انا دخلت كلية الحقوق عن رغبة وحلم منذ الطفولة ولا سيما انو اغلب اقربي دارسين حقوق ولكن بعد ماصرت طالب في الكلية لم اشعر اني دخلت الى الجامعة داومت اول سنة لكن وجدت الدوام متل قلتو وهلق رح اتخرج والشعور هو نفسه لذلك صار همي اتخرج والسلام