صباح الليل للكل والله يسعد أوقاتكن يارب  

في شي حابة قولو وياريت لاقي مين يسمعني ويفهمني   ..

وصلني على ايميلي صور لطفل مصاب بالسرطان ومنظرو بصراحة بيبكي الحجر وبأشعر البدن

ما بعرف اذا رح اقدر نام أنا اليوم   ؟؟؟ ..

وهي مو أول مرة بيصير هيك .. أحيانا بتوصلني على ايميلي قصص بتبكي الحجر مأساوية

لدرجة فظيعة ما بظن في انسان عندو شوية مشاعر يقدر ينام بعد ما يشوفها

أو يكمل يومو بشكل طبيعي   ... والمشكلة انو ما عم لاقيلها مغزى ولا فائدة ما بعرف ليش

في كتير ناس بتستخدم اسلوب هالترهيب بلا سبب  .. يعني من شوي قرأت كمان قصة

بالمنتدى ورحمة أبي بعد ما قرأتها ضليت ساعة عم إبكي .. لأنو الكلام كتير قاسي عالقلب

واذا بحكيلكن شو بيوصلني على ايميلي ما رح تسدؤوني  .. مابعرف يمكن انتو كمان عم يصير

معكن هيك   ..

أنا عندي سؤال صغير .. ياترى ليش في عالم عم تبعت هالايميلات وتنشر هالقصص ما دام

هي ما الها فائدة مطلقا غير انها بتوجع القلب   .. والمشكلة انو باخر الايميل بيقلولك

انشرها  .. طب ليش لحتى انشرها منشان وجع قلب العالم وانزع عليهن يومهن

أنا بصراحة كل شي مأساوي بايميلي ما ببعتو لأنو أنا عم يصير معي اكتئاب منو كيف غيري ؟؟

وليش لحتى عكر مزاج غيري بقصص بتشيب شعر الراس   ..

مابعرف اذا في بكلامي أنانية بس كل القصة انو ما عد اقدر اتحمل كل هالمآسي   ...

هادا الموضوع مجرد دعوة مني   لكل مين بيبعت هيك ايميلات انو يفكر شوي

قبل ما يعكر مزاج غيرو ويخليه يبطل ينام   .. خاصة انو مافي منها لا عبرة ولا اتعاظ

من شي ..

كلو كوم وغير انها أحيانا من نسج خيال شي واحد معو اكتئاب كوم تاني

يعني بالمشرمحي أحيانا بتكون تأليف واحد خيالو خصب   ..

هادا هو كل الكلام الي بقلبي قلتلكن اياه يلي بيوافقني الراي يقلي

ويلي ما بيوافقني الراي يقلي ليش  ؟؟؟

سلام للكل بتمنى ما كون دايئت حدا بموضوعي 

وهلأ ادعولي اقدر نام لأنو من شوي قرأت ايميل أمراض واجرام وقتل ودبح وصور

وقفتلي قلبي   ..

إم رايئ بتسلم عليكن كلكن

             

شو هديل كأنك عم ترمينا بحجارك حاسة قصدك الايميل يلي باعتو انا

عكل معك حق بكلامك كله وانا من جهتي وعن نفسي ماعاد ابعت هيك اميلات

سلام ام رايق

صافي يا لبن ؟

أنا بصراحة كل شي مأساوي بايميلي ما ببعتو لأنو أنا عم يصير معي اكتئاب منو كيف غيري  ؟؟

وليش لحتى عكر مزاج غيري بقصص بتشيب شعر الراس  .. ( كلام جميل )


****

بعض القصص ممكن يكون حقيقي .. ولكن ما هي غايه المرسل

يريدون من الناس العوده الى الدين وتخشع قلوبهم .. لكن الاسلوب خطأ

فعبادة الله لا تقوم على الخوف منه فقط تقوم على المحبه والخوف والرجاء معا ً

أما ارهاب الناس بشكل أو بآخر هذا غير صحيح ..

* القرآن في ذكره للنار دائما ً يذكر الجنه لتحصل الموازنه في نفس المسلم

ويتخذ من ذلك منهج صحيح للارشاد الصحيح فلا تسهيل مطلق ولا تعسير مطلق ... الوسط بين بين

أما القصص المكذوبه ....فشيء آآآخر تماما ً استهانه بالعقول لأبعد درجه ..

***

* كان رجل يريد الناس تقبل على كتاب الله فماذا فعل وكيف شطح به الفكر ؟؟

ذهب وألف حديث ونسبه الى الرسول عليه الصلاة والسلام لكل سوره من سور القرآن

فقالوا له أنت تكذب على الرسول !!! قال .. لا .. بل أكذب له !!!!!!

هل هذا اسلوب ؟؟

بعض الناس يكون مقصده نبيل ونيته صادقه ولكن اسلوبه يخونه .. هنا عليه بالاطلاع أكثر

ويأخذ العلم من اهله ولا يتبع قلة من القصاص كل همهم إرهاب الناس وتخويفهم واحباطهم



* عَنْ أَبِي هُرَيْرَةَ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِرَجُلٍ: "مَا تَقُولُ فِي

الصَّلَاةِ؟" قَالَ: أَتَشَهَّدُ ثُمَّ أَسْأَلُ اللَّهَ الْجَنَّةَ وَأَعُوذُ بِهِ مِنْ النَّارِ أَمَا وَاللَّهِ مَا أُحْسِنُ دَنْدَنَتَكَ وَلَا دَنْدَنَةَ مُعَاذٍ،

فَقَالَ: "حَوْلَهَا نُدَنْدِنُ" أخرجه أبو داود - عن بعض الصحابة (1/210 ، رقم 792)



فالتزمت لا يولد إلا الهروب من الضغوط الناتجه .. فلنستوعب الناس ونرحمهم وندعوهم

ونصلحهم بمحبه ورفق


* رسائل الايميل أغلبها مؤلفة تأليف لترويجها والضحك على المسلمين . . ولا يجب أن نفتحها

دائما فأغلبها كما قلت ِ قصص ربما نصفها بالغرابه .. وأحيانا لا تصدق ولو حاولنا لذلك سبيلا

أنا أعارض أغلب الرسائل وغالبا ً أمسحها ولا أكلف نفسي قراءة العنوان ... لأنه شيء مؤسف

رسائل وقصص ورعب وضحك على العقول ... إلى متى ؟؟

الدين مقدس لايجوز الحديث فيه كيف ما اتفق .. و التفاعل مع كتابات لأشخاص لا نعرف اتجاهاتهم

ولا اهدافهم ...




موضوع جميل ومهم .




تحيتي .

تحياتي هديل 
الملقبة بإم رايق   

صمت البحار .. أجمل ما بالموضوع مرورك فيه ...

زين الدين مية أهلا وسهلا ومرحبا   ...

وتحيات ام رايئ الك   ..

اقتباس

نصيحة من أخوكي الصغير
مجرد وصول هيك إيميل لعندك
إحذفيه مباشرةً وبدون قرآءته..... ؟؟؟؟؟؟؟؟
والسبب صار معروف للكل ( بتكون دعاية للموقع المرسل

هادا يلي رح يصير بإذن الله تعالى   ... لكن يازين رفقاتي هن الي عم يبعتو هالايميلات .. شي صور

لاطفال مريضة   .. وشي صور لحوادث بتبكي   ... وشي قصص موت وأحاديث أقرب للمعجزات التي

لا تسبب الا التوتر   ... ع جميع الاحوال هي الايميلات لازم كلها (( ديليت ))

اهلا وسهلا زين   ..

السلام عليكم اخت هديل

والله كلامك جواهر

وهاد الرابط يمكن يفيد

https://www.jamaa.net/art244084.html?&highlight=%40+SiLVESTER+%40

شكراً لك على اللفتة الجميلة

بكل احترام تقبلي مروري

محمد   ..

وعليكم السلام ورحمة الله وبركاته ..

ايه محمد بعرفو هادا موضوع أيهم وبتزكرو منيح ومعو حق بكل كلمة لأنو كمان الايميلات يلي

بتقول انشر شغلات دينية وشو بيعرفني كمان في من وراها قصص وبلاوي

بس أنا عم احكي عن ايميلات بيبعتوها بلا غاية وبلا هدف متل ايميلات قصص ما بتصير الا ببلاد

الواق الواق   ..

وغير هيك الناس بتنبسط لما ينتشر بالمنتدى قصص مرعبة   وبتخوف وبالاخير بيقلولك منشان

ما يصير معك هيك بعد ما يكونو وقفولك قلبك من الرعبة

وفي بموضوع أيهم رد أنا كاتبتو عن قصة صارت معي الله يسامحني عليها فيك تقرأها .. فيما يخص

ذلك

اهلا وسهلا محمد منور

مرحبا

والله الحق معك شي بيخلي الواحد يخاف

بس مالك غير تعملي متلي

فجري هيك شغلة ( يعني احذفيها) بدون ما تقرئيها

تقبل تحياتي المتفجرة