السلام عليكم

علم الاحصاء هو من العلوم الهامة و الهادفة والمساعدة في حياتنا .... ولكن دون ان نشعر بذلك
لماذا؟ لأنه علم جديد.... وانا مع الافكار التي طرحتموها في:

أنا عني ... سأتحدث لمن يسأل عن ما اعرفه عن علم الاحصاء كوني درسته مسبقاً(بالبكلوريا)
وقرأت بعض المعلومات الاضافية هاهنا
اشكركم على هذه الخطوة
بالــــــــتـــــــوفـــــيـــــــــق

ســـــــــــ ــــــــــلام

                                                  معك حق زميلة قمر
                                      المواضيع كلها بتهم كلية العلوم
                  سواء عن الإحصاء الرياضي أو عن غيرها من الإختصاصات
حتى الفكرة يلي طرحتها أنا نفس الشي يعني بالنهاية كلنا عمنشتغل لصالح كليتنا
                                يلي بدنا نحمل شهادتها بيوم من الأيام
                                 

                                    يعني بالإخر المهم أننا نقدم شي مفيد
    بقى الضرورة ماهي بعدد المشاركات أو بكترة التواجد أهم شي أهمية الأفكار         
                                                      المطروحة وجديتها
                                                   
 
            وبنفس الوقت كمان الحق معك أنا بهالكم يوم مقصر شوي بحق النت
                                    بس خلص بحاول ماأنشغل أكتر

                تحياتي إلك قمر وللجميع ..................... Ammar

انا اسمي عبدالرحمن طالب احصاء رياضي
مشكتي اني دخلت احصاء من دون ما اعرف شو يعني احصاء
وبعد منافسة هلي كانت بيني وبين رفاتيفي بكا لوريا لئيت حلي ولاشي مع انو كنت مجمع اكتر منهن لكن   وقد شاء قدر ان اكون احصائي
ضليت عم ادرس فرع انا مالي مقتنع في ورسبت اول سنة وبدات فكر بفرع تاني لكن فكرا تلا شت بعد قرارات لجديدة   وقررت عودة واني ابدا من اول وجديد   ومازلت اقنع تفسي بمستقبل احصائي


بنهاية اقول لجميع طلاب ان الطالب من يصنع فرعه لكن فرع لا يصنع طالبا مبدعا

بسم الله الرحمن الرحيم

انا اسمي أحمد من فلسطين!!!

اسمحو لي بتعريف الاحصاء

الاحصاء يختلف عن الرياضيات في كونه علم يستخدم الرياضيات كما هو الحال في الفيزياء والكيمياء وباقي العوم ........

إن علم الإحصاء هو العلم الذي يهتم بدراسة البيانات والظواهر  وتحليلها وعرضها بطريقة مختصرة ، واستخلاص النتائج الممكنة واتخاذ القرارات بشأنها. وهو يستخدم  في تطبيقات العلوم المختلفة ، ففي مجال العلوم الفيزيائية يستخدم الإحصاء في النظرية السينية للغازات ودراسة الظواهر المشعة والإحصاء الفلكي ، وهو يستخدم كذلك في مجال العلوم البيولوجية وسياسة الصحة العامة ، و كذلك  الأمر في العلوم الطبية وذلك على مستوى التشخيص والأبحاث العلمية والدوائية .

كذلك يوظف علم  الإحصاء في قياس الظواهر الاجتماعية ،  كما في عملية تعداد السكان, كما أن هناك علاقة وثيقة بين الإحصاء والاقتصاد فعلم الاقتصاد يدرس خصائص وظواهر الأحداث والعمليات الاقتصادية ويضع قوانينها ، ولهذا فهو يستعين بالإحصاء ، كما أن الإحصاء على علاقة وثيقة مع التخطيط والجغرافيا فأي بحث جغرافي لابد أن يستخدم علم الإحصاء للحصول على المؤثرات الكمية التي لا يتم الوصول إليها إلا باستخدام الإحصاء .

مع فائق الاحترام والشكر

بالتوفيق انشاء الله للكل

انا عندي وجهة نظر بسطة لدراسة اي فرع بكلية العلوم

انو دراسة الشي العالم افضل من دراسة الفرع من الاصل

ع سبيل المثال لا الحصر

انا قررت ادرس الرياضيات العامة دون دراسة اي فرع لها في مرحلة البكالوريوس

حتى اكون ملم لجميع فروع الرياضيات

او حتى اعطي نفسي عدة خيارات لما اكمل الماجستير


                و بالتوفيق

أنا بشكركن على الموضوع المهم بس بتمنى تعطوني معلومات أكتر وبدي اسأل إذا فيني بعد التخرج اشتغل بمجال التدريس متل خريجين الرياضيات لأنو بصراحة انا سنة أولى ويأسانة من الحياة لأنو ما طلعلي رياضيات فأرجو تعطوني معلومات أكتر عنو وبعتذر لأني طولت بالكلام

السلام عليكم ورحمة الله وبركاته ...

الزميل *Ammar*

بالبداية أشكرك على طرحك لتعريف الأعضاء والعوام بعلم الإحصاء

علم الإحصاء لا يقتصر على طلبة العلوم والاقتصاد فقط ... بل هو ركن أساسي

ومادة أساسية بكلية التربية ... لدينا مقرري إحصاء .. في السنة الأولى والثاني ..

هما الإحصاء الوصفي ... والإحصاء الاستدلالي

يتناول المقرر الأول مقاييس النزعة المركزية ومقاييس التشتت وبعض من تلك  الأمور ...

المقرر الثاني في السنة الثانية ... يتناول حالات الاستدلال الإحصائي

وستيودنت ومنحنى غاوس ... وفيشر وكاي .. وتحليل التباين ... والخ ..

وبالدراسات العليا نتناول الإحصاء المتقدم ... مثال برنامج SPSS

تكمن أهمية علم الإحصاء بالنسبة لنا كطلاب تربية هو أنه

نؤمن بأننا لايوجد بحث تربوي حقيقي إن لم يستند لعلم الإحصاء ...

فالبحث يبدأ بمشكلة من الواقع ومن خلال تلك المشكلة تنبثق فرضيات البحث

وأسئلته وأيضاً أهميته ... الخ .

وتعالج الفرضيات عن طريق الإحصاء ومن ثم نحول لغة الأرقام إلى تفسيرات والتي

هي نتائج للبحث الذي قمنا به ...

فالإحصاء هو البحث التربوي برمته ...

بالنهاية أرفق هذا الملف والذي هو على شكل بوربوينت يتناول

مقاييس النزعة المركزية ..

تمنياتي بالفائدة منه

زميلكم الجولاني

هل تعلم ان الأحصاء في كل مجال من مجالات الحياة
من يريد ان يعرف قيمة الاحصاء فليقوم بحضور محاضرة للدكتور عدنان عمورة
فهو بحر من العلم مع احترامي للبقية

      الزملاء والزميلات الكرام
قبل كل شي  كل عام وأنتو بألف ألف خير
        بمناسبة عيد الفطر
       

تاني شي : بعتذر لغيابي عن النت لمدة شهر كامل
    بسبب طبيعة الشغل يلي التزمت فيه
ولهالسبب ماقدرت رد عملاحظاتكن فوراً

الزميل  *abuamoud *:  أنا ذكرت بطرحي للموضوع مثالين عن استخدامات علم الإحصاء
يلي هنن الجال الإقتصادي والمجال الطبي
بشكرك كتير  لأنك ذكرت مجالات مهمة بيبحث فيها علم الإحصاء

الزميل  *فتى طيبة* : وجهة نظرك حلوة كتير........... شكراً إلك   

الزميلة *الولاء* : بظن المعلومات يلي انطرحت بهالموضوع عطتك تصور كامل
                          عن الإحصاء
وإذا في شي غامض ياريت تسألي حتى الكل يستفيد
وبحب طمنك أنو شهادة الإحصاء الرياضي تم تعديلها من حوالي سنتين أو أكتر
حتى تأهل خريجي الفرع من تدريس مادة الرياضيات بكافة مراحلها
وهالمعلومات هي أكدلي ياها دكتور عنا بالكلية

الزميل *الجولاني* :  الحقيقة أنت قدمتلي فائدة عظيمة كتير لأني ماكنت متوقع أنو  خريجي كلية التربية بيعتمدو عالإحصاء......... فشكراً كتير لحضرتك

الزميل *mamoun553* مع أني صرلي سنتين بالكلية مابعرف الدكتور عدنان عمورة
فانشالله بحاول أتعرف عليه وأشرب من هالبحر شوي

             

بس آخر شي بدي قلكن شغلة بقيانة حسرة بقلبي....
من حوالي شهرين تقريباً كنت أنا وطالب تاني (كمان إحصاء) بصدد إنشاء موقع الكتروني عالنت خاص بقسم الإحصاء ويكون في منتدى رياضي كمان خاص بالإحصائيين  حتى يتعرفو أكتر على هالفرع
وكنا حابين ينتشر هالموقع بين الطلاب والناس بشكل عام
وعلى فكرة قطعنا حوالي 50% من هالمشروع وبس  يخلص ويجهز كنا حنعلن عنو
بس ياخسارة بآخر لحظة فشل كل شي لأسباب مابدي قولها منشان ماأجرح ناس
                          كتير .............
 
       

بعتذر لأني كتييييييييييييييير طولت بالرد
وشكراً لكل يلي ردو وتفاعلو مع هالموضوع وخصوصاً طلاب التربية
يلي كنت متوفع أنو فرعهن نظري ومالو أي علاقة بالمقررات العملية

    ألف شكر للجميع .......................Ammar

السلام عليكم الدكتور عدنان بعطي للسنه التالته والرابعه
وهلا سمعت انو في حالة اعارة لجامعة القلمون
بالنسبة للموقع
يا ريت وانا جاهز للمساعده عندي شوية خبره
لاني عامل منتدى خاص بضيعتنا
وبتنى نتواصل عبر الاميل وتشرحلي اسباب التوقف
تقبل مروري ناطر ردك الان