الله يسلم يديك أخ عمار(أبوياسر)ومعك حق بكل كلمة قلتا بس الحق علينا نحنا لأنو مادام نحنا مالنا معترفين بالفرع ومادام نحنا عم نخجل من قول اسم فرعنا رح نضل بنفس المكان يلي نحنا فيه يعني متل مابقولوا
ونحنا واجبنا بهل الموقف أنو نقول شو اسم فرعنا ومو ضروري نشرح لأي شخص بيسألنا شوفرعنا مشان ما نسمع شي كلمة مابدنا ياها يعني إذاشفير سرفيس سألنا أكيد مارح يعرف شو عم نحكي لوضلينا نشرح من هون لبكرة ممكن بطريقة تانية تعطي فكرة بسيطة تساعدو بفهم الموضوع
وأنت مهمتك تشرح محل مابكون إلك فائدة تستفيد منا
وأخيرا الله يجزيك الخير على هل موضوع

مرحباً للجميع
بالفعل الاحصاء الرياضي فرع ممتاز ويجب اعطائه مزيداً من الدعم
وان شاء الله الكل ينجح ويحقق المزيد
ولكن بالنسبة لي (وللكثير من الطلاب ) انا في جامعة البعث انا عم العن الساعة اللي دخلت فيها للاحصاء الرياضي
ليش
عندنا التعجيز في السنة الثالثة والرابعة الموت بعينه والرسوب بكم هائل من المواد مصير الجميع
وبالامكان لاي شخص ان يطلع على نسب النجاح عندنا
ففي السنة الثالثة مثلاً نسبة النجاح في نظرية الاحتمالات 2  19%
في الطوريات العشوائية 1    32%
العينات  36%
احصاء 2 33%
اما السنة الرابعة على اضرب
ولو تشوفوا الاسئلة وان شاء الله اضعها ليراها الجميع
ففي احصاء 4  مدى الامتحان ساعتان ولكن الاسئلة بدها شي 5 ساعات بس لتحلها 
وغيرها المزيد والمزيد
ولدينا مثلاً الدكتور يدرس 5 مقررات واخر 4مقررات
لذلك الله يعينا

صديقي  max85
مسا الخير وأهلا وسهلا فيك بمشاركتك ضمن الموضوع
بس ياصديقي من يلي عمتحكي نحنا كإحصائيين منقدر نخليه سبب حتى يحفزنا عالنجاح
متل قصة الضفدع الأصم يلي عالأغلب الكل بيعرفها مارح أزكرها هلأ
يعني يلي فايت عالفرع إجباري حيلاقي صعوبات كتير
وأولها يلي عمتحكي عنها
وهدا شي طبيعي
         

لذلك خليك محضر خير واحكي ضمن هالموضوع بشي إيجابي يفيدنا ويفيد هالفرع
ولاتكون من المثبطين
             

تقبل مروري......................Ammar

شكراً صديقي العزيز  Ammar  كلامي ليس لتايئيس الطلاب وانما اتكلم عن وضع القسم عندنا وهذا الشيئ فقط في قسم الاحصاء في جامعة البعث فانا اسمع ان في الجامعات الاخرى وخصوصاً دمشق الامور افضل ولهذا انا سوف انتقل لدمشق ان شاء الله في الايام القادمة
فعندا تدقيق كبير على الحضور ولكن ريتنا كنا نستفيد ولدينا العملي فبدل ان يكون مساعد لنا يصبح عائق امامنا غير الامور الاخرى التى لا تذكر بالتفصيل او اذا احببت ذكرتها لك برسالة
وهذا فقط في السنة الثالثة والرابعة
انا عانيت الامرين في الثالثة والان سوف انتقل لدمشق واتمنى ان اوفق كما وفق زملائي الذين سبقوني بالانتقال
وهنا احب ان اسأل سؤال هل سيكون الدوام الزامي في القسم بعد القانون الجديد ؟؟؟
وتحية لك وللجميع

السلام  عليكم جميعا
مشكلتي  باختصار
تخرجت من الاحصاء الرياضي وكنت  من  بين الاوائل على  دفعتي
لقد تخرجت بمعدل 73
لكني عندما نزلت سوق العمل فلم  يقبل  احد باختصاصي  لانهم  لم يسمعوا عنه  ابدا فحاولت ان اشرح  لهم  لكنني لم  اجد اذن  صاغية
وكلما  اعلنت  الوزارات  عن  مسابقة  لا ارى  اختصاصنا من بين  الاختصاصات  المطلوبة فلا احد يهتم  باختصاصنا
وانا  تقريبا صرلي سنتين  عاطلة  عن العمل
فان كان احد  ما  يعلم  بوظيفة تصلح  لنا او على الاقل يعرف اين يسأل خريج  الاحصاء  الرياضي عن  عمل فليفيدني
وشكرا

السلام عليكم:

فعلا شيء مؤسف

انا بعرف انو ممكن ان يتم تعيين خريج الاحصاء كمدرس رياضيات

فممكن انو تقدمي عمسابقة للتدريس

خبرينا شو بيصير معك

انا سنة تانية احصاء وعنجد حسيت بالمعاناة وقت قول فرعي وماحدا يعرفوا أو حدا يقلي بدرسي رياضة
بس بصراحة انا ما فهمت شو يعني احصاء رياضي لداومت بالجامعة
بس هلأ كتير مبسوطة في لأنوا عنجد من أجمل الفروع ومستقبل الفرع رائع وخاصة للأنسان لبيعرف يستغلوا صح
وقنعت رفيقتي بكالوريا تدخل أحصاء
وبتمنى التوفيق للجميع
شكرا عمار