[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك




  ملتقى طلاب جامعة دمشق --> كلية الزراعة --> مشاريع وإنجازات الطلاب --> مشاريع جماعية
    زراعــــــــة .. طلاب السنة الخامسة والرابعة .. طلب صغير
عنوان البريد :  
كلمة المرور :  
                    تسجيل جـديد


.زراعــــــــة .. طلاب السنة الخامسة والرابعة .. طلب صغير


aseal

جامعـي مبـدعـ





مسجل منذ: 15-12-2008
عدد المشاركات: 217
تقييمات العضو: 0
المتابعون: 22

غير موجود
اشــترك بالتحديثات
رسالة مستعجلة

زراعــــــــة .. طلاب السنة الخامسة والرابعة .. طلب صغير

01-09-2009 12:27 PM




طلب كثير صغير من جميع طلاب السنة الخامسة والرابعة ..

           

ياريت منكم انو تكتبو شوية معلومات عن اختصاصاتكم ..

لأنو يلي بدو يختار أي اختصاص في فرع الهندسة الزراعية لازم تكون عندهم دراية عن نوع هذا الاختصاص يلي بدهم يبنو مستقبلهم من خلالو ...

1. اسم الاختصاص

2. شرح عن هذا الاختصاص وما يضمه

3. الوظائف الممكن ان تمارس بعد التخرج

4. المتعة الذي حصلت عليها من خلال هذا الاختصاص

5. معلومات أخرى حاب أنو تنبه عليها أو ملاحظات عامة عن اختصاصك ..


والكم جزيل الشكر والاحترام ... 






smile any way ... 

أنت غير مسجل لدينا.. يمكنك التسجيل الآن.

مشاركة : 2


blue q

جامعـي نشـيط





مسجل منذ: 05-08-2008
عدد المشاركات: 125
تقييمات العضو: 0
المتابعون: 5

غير موجود
اشــترك بالتحديثات
رسالة مستعجلة

رد مشاركة : زراعــــــــة .. طلاب السنة الخامسة والرابعة .. طلب صغير

01-09-2009 01:46 PM




مرحبا
الفكرة حلوة و عجبتني من شان هيك انا رح ابدأ

1- اختصاص الاراضي

2-الدراسة للاختصاص عن الفلزات و الترب وطرق التحليل و تحديد نسب العناصر اللازمة للنباتات و دراسة اختلافها بين تربة و غيرها
عفكرة مادة التربة اللي موجودة بالسنة الثالثة مو عاطي الاختصاص حقو يعني انا كرهت الاختصاص لما اخذتها بس هلق كتييييييييييييييير بحبو و مبسوطة فيه و في كثير معلومات جديدة مو ممكن تاخذها باي اختصاص تاني

3- بالنسبة للوظائف ممكن بهيئة الطاقة الذرية او بمراكز البحوث خاصة انو نحنا بدراستنا مندرس العناصر المشعة
او ممكن بمخابر تحليل التربة او تفتح مخبرك الخاص ............... و كمان في بدراستنا شي عن الاستشعار عن بعد مكن الشغل فيه
و اذا كنت حابب السفر و مو حابب تشتغل بالزراعة ممكن تشتغل بتحليل التربة لشركات البناء لانو بتعرفوا انو في مواصفات محددة للارض الصالحة للاعمار


مممممممممممممممممم  هي كل شي ببالي هلق

بالنسبة للمتعة بصراحة انا  كثيييير  كثييير  مبسوطة و مرتاحة بالاختصاص و فعلا عم اتعلم شغلات رائعة و الدكاترة بالقسم ممتازين بالتدريس و التعامل
بس اكيد بدكن تدرسوا شوي


عفكرة على ذمة الوزير انو الوظائف بالدولة لقسم التربة متوفرة  واكيدة للي رح يدخلوا على القسم بالسنتين الجايين
و بالنسبة للمعيدين القسم بحاجة للمعيدين لخمس سنين الجايين

ما بعرف اذا نسيت شي بس اذا في حدا غيري من القسم حابب يضيف شي بكون احسن للكل




                                 
سر ووجهك نحو الشمس عندها فقط لن ترى الظلال

                                             



كل ما تستطيع أن تحلم به تستطيع تحقيقه



WHEN GOD CLOSE ADOOR  HE OPENS A WENDOW
   

أنت غير مسجل لدينا.. يمكنك التسجيل الآن.

مشاركة : 3


agri.mam

جامعـي مبـدعـ





مسجل منذ: 23-07-2009
عدد المشاركات: 329
تقييمات العضو: 0
المتابعون: 27

غير موجود
اشــترك بالتحديثات
رسالة مستعجلة

رد مشاركة : زراعــــــــة .. طلاب السنة الخامسة والرابعة .. طلب صغير

01-09-2009 02:47 PM




اسم الاختصاص

علوم البستنة

شرح عن هذا الاختصاص وما يضمه
يضم المواد الدراسية التالية:

السنة الرابعة
فصل 1

فيزيولوجيا فاكهة
نباتات طبية وعطرية
مشاتل واكثار خضري
فاكهة مستديمة
تسويق زراعي
خضار شتوية


فصل 2

إنكليزي
نباتات زينة
زراعة نسج
خضار صيفية
ري وتسميد
نحل وحرير
انتاج بذور



السنة الخامسة
فصل 1

لغة إنكليزية
أمراض بيئية وفيزيولوجية
تعبئة وتخزين
زراعة بدون تربة
محمية خضار
محمية زينة


فصل 2

تحسين وراثي
آفات بساتين
تنسيق حدائق
فاكهة متساقطة
صيانة تربة
مشروع التخرج






الوظائف الممكن ان تمارس بعد التخرج

الحصول على وظيفة في الدولة أو العمل بشكل خاص
إدارة الزراعات المحمية والمكشوفة ( خضار )
إدارة بساتين الفاكهة
إدارة مشاتل نباتات الزينة ( طبعا لازم اهتمام منك بنباتات الزينة ومتطلباتها)
إدارة وحدات الخزن والتبريد
العمل كمهندس حدائق ( تصميم وتنسيق الحدائق Land scape )
إدارة منحل ( تربية نحل )
الإشراف على التقنيات الزراعية ( زراعة أنسجة – الزراعة بدون تربة )

المتعة الذي حصلت عليها من خلال هذا الاختصاص

بصراحة كانت أحلى سنوات دراستي هي سنوات الاختصاص يعني الرابعة والخامسة
المواد ممتعة ( بسهولة يقدر الطالب هضمها )

معلومات أخرى حاب أنو تنبه عليها أو ملاحظات عامة عن اختصاصك

أنا خريج دورة حزيران 2006
يعني المعلومات خاصة بالعامين الدراسيين 2007-2008 و 2008 – 2009
كانت معدلات الطلاب متقاربة جدا جدا ( الفرق بين الطلاب بأجزاء الدرجة )
بعكس بعض الأقسام الأخرى يعني التنافسية قوية جدا
نتائج الامتحانات ممتازة جدا ( بدراسة ومتابعة تقدر أن تحصل على علامة أكثر من 80 )
أغلب الدكاترة بيعطوا الطالب حقو ومنهم
د. سهيل حداد ( بيعطي الطالب حقو بالعلامات )
د. إبراهيم البسيط
د. راما عزيز
أ.د. محمد عدنان قطب ( الله يمده بالصحة والعافية )  إنكليزي طبعا

وأنا جاهز للمساعدة بأي استفسار
تقبل تحياتي




الطيبون كالنجوم...لا نراهم في كل وقت...         
لكنهم موجودون دائما في سماء القلوب...







مع تحيات المهندس محمد المقداد

DEPARTMENT OF PLANT PROTECTION



أنت غير مسجل لدينا.. يمكنك التسجيل الآن.

مشاركة : 4


adeeb

جامعـي نشـيط




مسجل منذ: 20-07-2007
عدد المشاركات: 151
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

قسم المحاصيل

02-09-2009 07:15 AM




بسم الله الرحمن الرحيم
المحاصيل متوسط الصعوبة فهو اسهل من الوقاية والبساتين والاغذية والانتاج الحيواني واصعب من باقي الاقسام
في كل فصل مادة صعبة شي 400 صفحة  ففي الفصل الاول للسنة الرابعة فيه الالياف والفصل التاني الزيتية والسكرية وفي الخامسة الاول الزينة والتاني التكثيف اللي طالعت 6طلاب هاي السنة عالتكميلية مواد اقل صعوبي متل الامراض والحشرات والطبية والعطرية  وباقي المواد سهلة كتير بالدراسة وقت الامتحان بيكفي
فيه بالقسم 7 دكاترة صبوح بيعطي مادة كاملة ونص مادة في الرابعة ونص مادة في الخامسة وطبعا هوي افضل دكتور بدون مقارنة بكل شي ورئيس القسم الحالي
وسلام لاوند بتعطي نص مادة في الرابعة ونص بالخامسة وقنبر بيعطي 3 مواد ومخلص مادة ورولا يعقوب مادة ومها حديد مادتين ونص والباقي من خارج القسم من الوقاية النحل والاعشاب الضارة والامراض والحشرات الزينة من البساتين والنظائر المشعة وصيانة التربة من قسم التربة وتكنولوجيا الحبوب من الاغذية والتكثيف وادارة البحث العلمي من الاقتصاد هدا بالنسبة للمواد اما الماجستير طالب المحاصيل بيحسن يفاضل على 5 اقسام والتقانة الحيوية
دراسة المحاصيل مافيها كتير متعة بس اكيد امتع من الوقاية والانتاج الحيواني والريفية والاقتصاد والتربة (من اقل الاقسام رحلات وجولات )
مستقبل المحاصيل عادي وظيفة دولة ملزمة مع التربة والريفية (هيك قالوا)
شوية شغل بالسعودية وقطر
من ناحية الوظيفة 90 ال95 من المتخرجين عبيتعينوا في وزارة الزراعة والاختصاص ملو علاقة الا من رحم ربي
وفي النهاية المتعة بتكون بالشلة والاصدقاء اللي معك مو بالاختصاص كلو اتعس من بعضه
هدا كل شي عندي تقبلوا مروري اخوكم اديب 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


alaa ww

جامعـي مشــارك





مسجل منذ: 03-03-2008
عدد المشاركات: 48
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : زراعــــــــة .. طلاب السنة الخامسة والرابعة .. طلب صغير

03-09-2009 12:23 AM




سلامي للجميع
  قسم الاقتصاد الزراعي
أول شي أخي العزيز مافي أختصاص أحسن من اختصاص واذا في فبسيط كتير لانو الزراعة عملية متكاملة لا يمكن فصل جزء عن اخر والتقصير بأي مرحلة رح تؤدي للفشل العام 
والدور الاهم بنجاح المهندس هو التعب الذاتي والمتابعة والاهتمام بغض النظر  عن الاختصاص.
أما عن قسم الاقتصاد الزراعي فهو قسم اساسي وبركز على عدة محاور أهمها
1-التسويق الزراعي  2-االادارة  والتخطيط  المشروعات وهو محور اساسي جدا
بالقسم 3- التنمية الريفية  4- المحاسبة الزراعية (محاسبة مالية ومحاسبة تكاليف)

للعلم فقط بجامعة القاهرة الي تعتبر أحسن جامعة عربية واسلامية قسم الاقتصاد الزراعي مقسم لثلاث أقسام .

أما مجال العمل:
قبل بداية أي مشروع سواء نباتي أو حيواني لازم تعمل دراسة اقتصادية عامة للمشروع  واللي فيها طبعا تسويق منتجات المشروع ومنافذ البيع وهي أهم شي
واذا ما كانت هل الدراسة دقيقة فالمشروع فاشل مهما كانت مجال المشروع أو اختصاصوا 
وطبعا هاد بيعتمد على القائم بالدراسة ويمكن تقلي أي طالب اقتصاد عادي بيعمل هل الدراسة  مظبوط بس بدو مدة أطول  وفي شغلت زراعية بحتة مثلا للمبقرة لازم الواحد يكون بيعرف  الأنواع والسلالات  وإنتاجية الراس الواحد باقل تكافة ممكنة والعدد الادنى من الرؤوس  والخلطة العلفية التصنيع
أو  اشجار مثمرة الاصناف واتناجية للشجرة الواحدة  والمساحات الزراعية  والعمليات الزراعية ........  وهلم جره

وطبعا القسم مطلوب بأي دائرةومؤسسة  فمثلا بالبحوث الزراعية في قسم الدراسات الزراعية وهو من الاقسام المهمة جدا  وما بياخدو فيه غير المتفوقين
وفي قسم الأحصاء اللي كمان في مجال النا فيه
واذا كان الواحد قد حالو ومعه لغة فأنا بأكد أنو في مردود مادي أكتر من أي قسم تاني  لانو مافي شركة صناعات غذاتية ( غدق _ العطار....) وحتى غير غذاتية وحتى المشاتل الكبيرة وعلى مستوي فيها قسم تسويق أجباري ومعلومكو  أذا السياسية التسويقية فاشلة يعني قلة مبيعات وكساد المنتجات وخسارة والعكس صحيح

أما في التنمية الريفية يعني وحدات ارشادية بس للاسف وقت الفرز ما عم يراعو الاختصاص  لانو غير اقسام رح يتعزبو لحتى يفهم العمل والتسلسل الارشادي.

ورئيس الارشاد الزراعي بسوريا هو محمد العبد الله وهو خريج قسم الاقتصاد الزراعي وبدرس فيه مواد الارشاد الزراعي .

بالنسبة للمحاسبة فعنا قاعدة يمكن ننطلق منها أذا حب الواحد يبعد عن الزراعة ومادة المحاسبة  بالاقتصاد مادة وحدة متلنا.
ومتل ما بتعرفو انو اغلب الغرز هل السنة كان عل الوحدات الارشادية .

وبصراحة الواحد بياخد فكرة سيئة عن القسم من مواد التسويق والاقتصاد العام  لانو صعبين بس الوضع بيختلف 180درجة بالقسم .


بالنسبة للمعيدين  فزميلي بالاراضي مو مطلع عل الوضع يمكن لانو هل السنة أخدو فقط اربع معيدين من الاقتصاد والاغذية والبساتين ويمكن المحاصيل
وقسم الاقتصاد مافي غير معيدة وحدة والباقي قائمين بالأعمال سواء بشير سكر أو سعاد أو مضر  وبدو معيدين .
والتوظيف ما الو علاقة با لاختصاص.

بالنسبة للدكاترة والله وبكل أمانة ما عند ولا واحد بيضر الطلاب مثل غير أقسام للي بكل قسم قي 2 أو 3 على الأقل مو مناح ومعوفين الطلاب حالون وهن معروفين .

بس النقطة السلبية الوحيدة من وجهة نظري هو رئيس القسم فقط  بس رح يتغير هل السنة  وما رح ا حكي عنو  لاني خلصت  والحمد لله
,ان جاهز  لأي استفسار

وأنا جاهز عن أي استفسار





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


عطر الشام

عضــو ماسـي


...... Proud To Be Syrian ...... *فـارس من ورق*




مسجل منذ: 06-09-2008
عدد المشاركات: 4462
تقييمات العضو: 166
المتابعون: 87

غير موجود
اشــترك بالتحديثات
رسالة مستعجلة

رد مشاركة : زراعــــــــة .. طلاب السنة الخامسة والرابعة .. طلب صغير

04-09-2009 06:46 AM




بسم الله الرحمن الرحيم


سأبدء أولاً بتعداد التخصصات الموجودة في كلية الهندسة الزراعية :
1. قسم علوم الاغذية.
2. قسم علوم البستنة.
3. قسم المحاصيل الحقلية.
4. قسم الاقتصاد الزراعي.
5. قسم وقاية النبات.
6. قسم الإنتاج الخيواني.
7. قسم البيئة والحراج.
8. قسم علوم التربة.
9. قسم الهندسة الريفية.


و الآن سأبدء بشرح موسع عن كل قسم حسب معلوماتي التي جمعتها من خلال الخبرة الطويلة في الكلية .......... وسيكون الشرح عن (  الصعوبة ...  فرص العمل .... فرص الماجستير ومجالاته ...... )

أولاً : قسم علوم الاغذية :

من الاقسام الجميلة جدا والتي لا ترتبط نهائيا بالرزاعة ووضعه الحالي مؤقت ريثما يتم افتتاح كلية الهندسة الغذائية في البناء الجديد.
مجالات العمل  : تتضمن كافة طرق تصنيع الغذاء وحفظه سواء المعلبات او الكونسرة او العصائر والمشروبات وتحضير الوجبات وطرق تحليل الغذاء وصلاحيته للاستهلاك البشري.

القسم مفضل من كثير  من الطلبة لعدة أسباب أهمها  أن القسم لا علاقة لها بالزراعة والعمل ضمن هذا المجال يكون فقط ضمن المخابر او المصانع  وبالتالي القسم مرغوب خصوصا من قبل البنات ..........
أيضا من الاسباب الهامة هي فرص العمل الواسعة قبل وبعد التخرج فمثلا الطالب المتخرج الآن من قسم علوم الاغذية يأخذ أجرا يقدر بـ 15000 ل.س كبداية في أي معمل وبدون أي خبرة.
أيضا بالنسبة للماجستير  :
طالب علوم الاغذية يستطيع أن يقدم على نوعين من الماجستير الاول ماجستير علوم الاغذبة ضمن القسم  والثاني ماجستير التقانة الحيوية وما أداركم ما هي التقانة الحيوية..............

أيضا يتميز القسم بسهولة الدراسة فيه وبإعطاء الدكاترة لعلامات جيدة .......


ثانياً : قسم علوم البستنة :

من الاقسام الجميلة التي تهتم بطرق الرراعة لمختلف النبات وأيضا فيزيولوجيا النبات بشكل عام وكافة ابحاث الاستنباط للاصناف و تنسيق الحدائق ونبات الزينة.
الكادر التدريسي جميل ومميز .
أيضا غير مفضل بالنسبة للغبر راغبين بالعمل في الارض.
فرص الماجستير فيه جيدة وهي فقط للماجستير ضمن القسم.


ثالثاً : قسم المحاصيل الحقلية :

يهتم بدراسة أهم المحاصيل وطرق إكثارها وزراعتها والتوسع بها والابحاث الوراثية لإيجاد أصناف جديدة و النبات الطبية والعطرية.
الكادر التدريسي متوسط إلى سيء
فرص العمل ليست جيدة خصوصا ضمن الظروف الجوية السيئة في سورية.
فرص الماجستير جيدة ضمن نوعي الماجستير  في الكلية.
فرص السفر سيئة بكل معنى الكلمة.
وغير مفضل لغير الراغبين بالعمل ضمن الارض.

رابعاً :  قسم الاقتصاد الزراعي  :

من الاقسام المفضلة للطلاب ذوي الاهتمامات الحفظية وهو لا يحوي أي فائدة علمية للطلاب إنما مجرد حفظ بحفظ  والمعدلات فيه عالية لأن الدكاترة بيعطوا علامات عالية.
فرص السفر سيئة .
فرص الماجستير جيدة للنوع الاول فقط.
الكادر التدريسي جيد.
فرص العمل بالقطاع الخاص سيئة.

خامساً : قسم وقاية النبات :

من الاقسام الجميلة التي تهتم بأمراض النبات المختلفة سواء الحشرية أو الفطرية أو البكتيرية أو الفيروسية وغيرها من الافات التي تصيب النبات.
أيضا دراسة ممتعة في مجال تربية النحل ودودة القز.
الكادر التدريسي جيد ..
فرص الماجستير جيدة.
المعدل متوسط إلى جيد
فرص العمل في الخارج و القطاع الخاص جيدة جدا
الصعوبة في هذا القسم تكمن في حفظ آلاف الاسماء اللاتينية

سادساً : قسم الإنتاج الحيواني :

من الاقسام ذات المستقبل الجيد ضمن مجال تربية الدواجن والاغنام وغيرها من الحيوانات وتركيب خلطات الاعلاف وإنتاج الحليب.
غير مفضل للطلاب غير الراغبين بالعمل مع الحيوانات وخصوصا البنات.
فرص الماجتسير جيدة.
فرص العمل في القطاع الخاص والخارج جيدة جدا.

سابعاً : قسم البيئة والحراج :

دراسة أهم النباتات الحراجية وتوزعها في سورية ودراسة لظروف الطقس في سورية وفق معايير حديثة ودراسات بيئية غير قابلة للتطبيق في سورية طبعا.
يعني دراسة على الفاضي ...........
معدلات جيدة .........
فرص عمل سيئة .......... وخصوصا في القطاع الخاص والخارج.

ثامناً : قسم علوم التربة :

من الاقسام الجميلة التي تهتم بدراسات الاتربة في سورية وتحليليها وتوزعها وطرق الاستصلاح للاراضي .........
معدلات جيدة . .......
فرص ماجتسير جيدة.
الكادر التدريسي : جيد
فرص عمل  : متوسط إلى جيدة.
مجالات العمل والبحث محدودة.

تاسعاً : قسم الهندسة الريفية:

من الاقسام السهلة والمفضلة من الطلاب الدوام قليل والشغل قليل والعلامات كتير
يهتم بدراسات طرق الري والشبكات بشكل خاص و الآلات الزراعية ........
فرص العمل جيدة
فرص الماجستير جيدة
الكادر التدريسي متوسط إلى جيد


وهكذا أكون قد اتنهيت من شرح عن الاقسام في الكلية .............
وطبعا هذا رأيي الشخصي الذي كونته من خلال البحث في سوق العمل والواقع


كلمة أخيرة:

أخوتي الرزق على الله وشو الله كاتب لكل واحد فينا ما منعرف المهم شو ماكان تخصصنا أنه نشتغل ونعتب ونترك الباقي على الله......


تحياتي لكم جميعا - دمتم بخير ومحبة





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


عطر الشام

عضــو ماسـي


...... Proud To Be Syrian ...... *فـارس من ورق*




مسجل منذ: 06-09-2008
عدد المشاركات: 4462
تقييمات العضو: 166
المتابعون: 87

غير موجود
اشــترك بالتحديثات
رسالة مستعجلة

رد مشاركة : زراعــــــــة .. طلاب السنة الخامسة والرابعة .. طلب صغير

04-09-2009 06:51 AM




طبعا هي المشاركة بالإذن من أخي أحمد  "911 Angel"


في الآتي هو كل قسم وما يحتويه من مواد:

* قسـم الاقتصـاد الزراعـي:

التمويل الزراعي – أساسيات النظم والإدارة – إدارة المزارع والإرشاد الزراعي - الإرشاد الزراعي – التعاون الزراعي – الاقتصاد الرياضي – المجتمع الريفي وتنميته – اقتصاديات الإنتاج الزراعي – إدارة المزارع – تخطيط الإنتاج الزراعي – تقانة المعلومات – المحاسبة المالية للمشروعات الزراعية – الأسعار الزراعية وتحليلها – التنمية الزراعية – تحليل وتقييم المشروعات الزراعية – الاقتصاد القياسي – التكثيف الزراعي – النظم الزراعية – استراتيجية الأمن الغذائي – التسويق الزراعي – محاسبة التكاليف الزراعية – السياسة الزراعية – الاقتصاد الزراعي – تصميم التجارب الزراعية – الإدارة والمحاسبة المزرعية – الاقتصاد الحراجي – اقتصاديات الأراضي والمياه – إدارة مصانع الأغذية – التشريعات المائية – اقتصاديات المياه والري – اقتصاديات المكننة الزراعية – التدريب العملي ومشروع الإجازة.

* قسـم الإنتـاج الحيوانـي:

جنين وتشريح ونسيج - أساسيات تغذية الحيوان - فيزيولوجيا الدواجن - وراثة حيوان - بيئة وصحة الدواجن - تحسين وراثي للدواجن - مواد العلف وتصنيعها - دواجن (إنتاج لحم) - تغذية دواجن – أرانب وحيوانات الفراء – دواجن (إنتاج بيض) – تربية الحيوانات المجترة – التدريب العملي ومشروع الإجازة – طيور زينة وطيور أخرى – تصنيع منتجات حيوانية (ريش وفراء) – أمراض دواجن – تربية وإنتاج الأسماك – الطيور المائية – فيزيولوجيا الحيوان والتناسل – بيئة وصحة الحيوان – تغذية المجترات – تحسين وراثي للمجترات – الأبقار والجاموس (1) – الأغنام والماعز (1) – الخيول والجمال – الأبقار والجاموس (2) – تصنيع المنتجات الحيوانية (الجلود والفراء) – تربية وإنتاج الدواجن – أمراض الحيوان – الأغنام والماعز (2) – أساسيات الإنتاج الحيواني – الإنتاج الحيواني (المجترات) – الإنتاج الحيواني (الدواجن) – الإنتاج الحيواني.

*قسـم البسـاتين:

إنتاج الخضار(1) - إنتاج الفاكهة مستديمة الخضرة - الزينة وتنسيق الحدائق - الزراعة المحمية - فيزيولوجيا الفاكهة - المشاتل والإكثار الخضري - إنتاج الفاكهة متساقطة الأوراق - نباتات الزينة - التحسين الوراثي لنباتات الفاكهة والخضار - زينة وتنسيق الحدائق - إنتاج بذور الفاكهة والخضار - الأمراض الفيزيولوجية والبيئية – إنتاج الفطر الزراعي – أشجار النقل – إنتاج الخضار(2) – زراعة الأنسجة – الزراعة بدون تربة – إنتاج الكرمة - إنتاج الزيتون – التدريب العملي ومشروع الإجازة - مبادئ علم البستنة – إنتاج بساتين (الفاكهة والخضار) – إنتاج الفاكهة – إنتاج الخضار (لغير المختصين).

* قسـم الحـراج والبيـئة:

الدندرولوجيا – التربة الحراجية – البذور والمشاتل الحراجية والرعوية – علم الأخشاب – علم البيئة الحراجية – فيزيولوجيا الأشجار الحراجية – القياسات الحراجية – تحسين الأشجار الحراجية – وقاية الحراج – التشجير الحراجي الوقائي – السياسة والتشريعات (حراجية رعوية وبيئية) – استثمار الحراج – تربية الغابات – التشجير الحراجي الإنتاجي – تنظيم وإدارة الغابات – المراعي والبادية – الهيدرولوجيا وإدارة مساقط المياه – المحميات الطبيعية والحياة البرية– التصحر ومكافحته – التدريب العملي ومشروع الإجازة – المناخ والأرصاد الجوية – علم البيئة – علم الحراج – حماية الموارد الطبيعية – واقيات الرياح – الغطاء النباتي وحفظ التربة.

* قسـم التربـة واسـتصلاح الأراضـي:

جيولوجيا ومبادئ التربة – خصوبة وصيانة التربة – الاستشعار عن بعد ونظم المعلومات الجغرافية – كيمياء التربة – علم التربة (1) – فيزياء التربة – الجيومورفولوجيا – النظائر والزراعة – الغرويات ومعادن الطين – بيوجيوكيمياء التربة – علم التربة (2) – الأحياء الدقيقة والتسميد الحيوي – خصوبة وتغذية النبات (1) – كيمياء الأسمدة – حصر وتصنيف الأراضي – استصلاح الأراضي – خصوبة وتغذية النبات (2) – التدريب العملي ومشروع الإجازة – خرائط الترب – تلوث التربة والمياه – تقييم استعمالات الأراضي – علاقات مائية – صيانة التربة .

* قسـم علـوم الأغذيـة:

مبادئ حفظ الأغذية - كيمياء الأغذية - ميكروبيولوجيا الأغذية - تصنيع الأغذية - تكنولوجيا الحبوب - الصناعات الميكروبيولوجية - تكنولوجيا اللحوم - تكنولوجيا الخبز والمعجنات - تكنولوجيا الألبان - تكنولوجيا الزيوت - تقويم ومراقبة الأغذية - طرائق تحليل الأغذية- تكنولوجيا الأسماك - تغذية الإنسان - تعبئة وتخزين الأغذية - فساد الأغذية - المواد المضافة للأغذية - التقانات الحيوية الغذائية - تكنولوجيا السكر – تكنولوجيا الشوكولا والحلويات - تقنية إنتاج الغذاء العضوي النظيف - التدريب العملي ومشروع الإجازة - الصناعات الغذائية – الألبان - تصنيع الخضار والفاكهة - تصنيع منتجات الدواجن - تكنولوجيا اللحوم (لغير المختصين).

* قسـم المحاصيـل الحقلـية:

وراثة خلوية وكمية - بيئة المحاصيل الحقلية - إنتاج واختبارات البذور - فيزيولوجيا المحاصيل الحقلية - أساسيات تربية النبات - إنتاج محاصيل الحبوب - تصميم وتحليل التجارب الزراعية - إنتاج وتكنولوجيا محاصيل الألياف - إنتاج وتكنولوجيا المحاصيل السكرية والزيتية - فيزيولوجيا الاجهادات - إنتاج محاصيل البقول - إنتاج محاصيل الأعلاف - تربية محاصيل الحبوب والبقول - تربية المحاصيل الصناعية - النباتات الطبية والعطرية - إنتاج وتكنولوجيا التبغ - إنتاج محاصيل الحبوب والبقول - تدريب عملي ومشروع الإجازة – أساسيات المحاصيل الحقلية – إنتاج محاصيل حقلية.

* قسـم الهندسـة الريفـية:

الرسم الصناعي – الجرارات والمحركات – الصرف الصحي – الهندسة البيئية – الهندسة الكهربائية – الري - الري الزراعي - الصرف الزراعي - السدود والمنشآت المائية - المصادر والموارد المائية - آلات الري والصرف - آلات تهيئة التربة - آلات الغابات - آلات وقاية النبات – الهيدرولوجيا - التعدين والمعاملات الحرارية - آلات خدمة الحيوان - آلات الحصاد والدراس - عناصر الآلة - آلات خدمة البساتين - هندسة المباني الزراعية – الهندسة الحراجية - تحليل النظم الهندسية - مكننة زراعية - معالجة الفضلات الصلبة - الرسم بالحاسوب – الهيدروليك - تصميم الآلات الزراعية - إدارة واستخدام الآلات - هندسة مصانع الأغذية - التحكم والقيادة الآلية - صيانة الآلات - الرسم الهندسي - مقاومة المواد - الهندسة الكهربائية - المساحة (2) - حظائر ومساكن الدواجن وتجهيزاتها - ميكانيك التربة - حظائر ومباني للحيوانات الزراعية - آلات الإنتاج الحيواني – المساحة والمنشآت الزراعية – الري والصرف الزراعي - آلات زراعية – آلات خدمة الدواجن – آلات خدمة الحيوان – التدريب العملي ومشروع الإجازة.

* قسـم وقايـة النبـات:

علم الحشرات العام – علم أمراض النبات - أمراض البساتين والغابات - مكافحة الآفات - الحشرات الاقتصادية - النحل ودودة القز - حشرات البساتين والغابات - الآفات الحراجية ومكافحتها - الآفات الحيوانية غير الحشرية - أسس مكافحة الآفات - مورفولوجيا وتصنيف الحشرات - أمراض النبات الفيروسية - أمراض نبات البكتيرية - فيزيولوجيا وبيئة الحشرات - حشرات المحاصيل الحقلية - مبيدات الآفات – النيماتودا - أمراض المحاصيل الحقلية - الأعشاب ومكافحتها - أمراض أشجار الفاكهة والخضار - حشرات أشجار الفاكهة والخضار - آفات نباتات الزينة - المكافحة المتكاملة للآفات - السموم واختباراتها الحيوية - وقاية المواد المخزونة - الأمراض الفيزيولوجية والبيئية - الأوبئة والحجر الزراعي – الآفات الزراعية ومكافحتها – التدريب العملي ومشروع الإجازة.

*قسـم العلـوم الأساسـية:

النبات العام – الكيمياء العامة والتحليلية – الرياضيات والإحصاء – الفيزياء – تصنيف النبات – علم الحيوان – الكيمياء العضوية – الكيمياء الحيوية – الأحياء الدقيقة – فيزيولوجيا النبات – البيولوجية الجزيئية – علم الوراثة – التنوع الحيوي والمصادر الوراثية – الرياضيات (2) - التقانات الحيوية والهندسة الوراثية.





وهي صار عند الجميع فكرة واسعة عن كل قسم بما يحويه من مواد وفرص عمل وفكر عن الهيئة التدريسية وفرص الماجستير ...


أسيل .. شكرا على طرح الموضوع







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


adeeb

جامعـي نشـيط




مسجل منذ: 20-07-2007
عدد المشاركات: 151
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

بس للتنويه

04-09-2009 07:46 AM




مشكور عطر الشام عالمعلومات بس  قسم المحاصيل ما فيه بعض المواد متل
متل انتاج البقول  وتكنولوجيا التبغ وتصميم وتحليل التجارب الزراعية والمواد عالشكل التالي في السنة الرابعة (تقانة حيوية - امراض وحشرات - محاصيل علف - محاصيل الياف - محاصيل زيتية وسكرية - تربية نبات - فيزيولوجيا محاصيل - بيئة محاصيل - اعشاب ضارة - انتاج حبوب وبقول - غابات ومراعي - نظائر مشعة - انكليزي )  السنة الخامسة المواد هي (الطبية والعطرية - الزينة وتنسيق الحدائق - نحل وحرير - وراثة كمية - ادارة بحث علمي - تكثيف زراعي - اصول وراثية- صيانة تربة - اختبارات بذور - تكنولوجيا حبوب - انكليزي - مشروع التخرج والتدريب العملي )
والسلام عليكم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


aseal

جامعـي مبـدعـ





مسجل منذ: 15-12-2008
عدد المشاركات: 217
تقييمات العضو: 0
المتابعون: 22

غير موجود
اشــترك بالتحديثات
رسالة مستعجلة

رد مشاركة : زراعــــــــة .. طلاب السنة الخامسة والرابعة .. طلب صغير

04-09-2009 11:27 AM




عنجد شكرا كثير لجميع ..

تأكدو أنك زلتم اسفسارات كثير عن بال البعض وأنا منهم ..


وهيك صار الواحد يعرف أكثر وين رايح ... وبيقدر يبني احلامهم من خلاله ..

           




smile any way ... 

أنت غير مسجل لدينا.. يمكنك التسجيل الآن.

مشاركة : 10


عطر الشام

عضــو ماسـي


...... Proud To Be Syrian ...... *فـارس من ورق*




مسجل منذ: 06-09-2008
عدد المشاركات: 4462
تقييمات العضو: 166
المتابعون: 87

غير موجود
اشــترك بالتحديثات
رسالة مستعجلة

رد مشاركة : زراعــــــــة .. طلاب السنة الخامسة والرابعة .. طلب صغير

04-09-2009 11:54 AM




هدا الرد اللي بدي حطه هلأ لأخي محمد المقداد ..

أخي الكريم .. لاحظ أنه المشاركة اللي حطيتها وفيها المواد بكل تخصص منقولة من أخونا احمد ..

لذلك ما لي متأكد من كل المواد .. الموجود بالقسم عندكم ..

وكمان بالنسبة لدكاترة القسم .. أنا حكيت بشكل عام ..

ويمكن هل الشي أنت بتعرفه أنه صار لي بالكلية 7 سنين يعني أنا أكثر واحد بهل الكلية بعرف طبع كل دكتور .. وبالنهاية التجربة هي بتوضح شو معدن كل إنسان ...

تحيتي لأخي محمد اللي بعت لي الرسالة ...





ملتقى طلاب جامعة دمشق




أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة