أهلا فيك
أول شي أنا زميلة يعني مو زميل
تاني شي أنا أبدا مو ضد كون التصميم مادة مرسبة بالعكس تماما وآسفة إذا وصلت هيك احساس
أنا الشي اللي كنت حابة وصلو أنو في كتير ظلم بالتصحيح  يعني هنن بيرسبونا بالتصميم مو حسب شغلنا حسب النسبة يعني إذا بدن يكون في 100 راسب مثلا فهنن بيرسبون حتى ولو بيستاهلو ينجحو وطبعا الاساتذة والدكاترة ما بينكرو هادا الشي
وعلى فكرة نحنا كمان بموادنا إذا أول اجابة خطأ بتروح كل علامة المسألة
وآخر شي معك حق كلنا بالهوى سوا
موفق

صحيح انو نحنا كلنا بالهوى سوا بس الحق يقال انوا انتو بيبدى عذابكم من وقت التسجيل بالجامعة يعني على دورات و مسابقات و كل واحد يحكي مع معارفوا عل و عسى بينقبل بالمسابقة

يعني بصراحة انا من سنتين وقت ما كنت طالع من البكلوريا جديد كنت رح سجل بالعمارة لانو كنت بحبها كتير بس على قد ما سمعت عن التصميم و مشاكلها من اقرب الناس الي يعني مثلا عمي رسبو بالتصميم بالسنة الخامسة (( سنة التخرج )) علما انو كان معدلو عالي و طلبوا منو يكون معيد بالكلية بس حظو العاطل كان الدكتور يلي وقع بين ايدي مانن صحبات

لذلك قررت اني ما سجل بالعمارة لهذه الاسباب و انا معك انو في ظلم بالتصحيح بس متل ما بقولو الواحد ما يعمل غير اللازم يعملوا
بس بالنهاية كل واحد منا لازم يعيش الحياة يلي انكتبتلوا و يحاول انو يثبت وجودو و جدارتوا

و انشا الله بترفعي التصميم بكل السنوات و معدلات كمان

بصراحة ياجماعة اناماسمعت بقصة الورقة تبع الاعتراضات

لانو نحنا وقعنا كتير أوراق وعميد الكلية كان احياا يطلب منا نقدملو كتاب وه بيدرسو


نحن منقول اشالله هالمشكلة تنحل لأنو عنجد شي بجن

مرحبا
أنا طالب هندسه مدنيه
وأكيد ابضم صوتي لصوتك
لانو فيها وجهه نظر
السلالم يلي بلمكتبات فيها أخطاء
والطلاب اكتر اعتمادا عليها
اما بلنسبه للمساعدات  "فأبوس روحك"
ولله بعرف طلاب ع59
عادوسني كامله  


بتمنى صوتنا ايوصل

وهي ايدي كمان معكم
بس المشكلة انو يعني  نظام المساعدات
علي كم التباس اما سلم التصحيح فهذا الشيء
رح يخسر الكليات الكثير لأنو يبدو انولكل ورقة سلم تصحيح خاص
ارأفوا يا شباب بكلياتكم وحاجتكون انو عم تدرسو مجانا

في كتير وكتير
طلاب ماعم يدرسوا مجانا ...

معقوله يعني مابتعرف

ويعني مادخل هي بهي ...


وسلامتكم ...

هلق متل قال الزميل Manchester ما دخل ي بهي

يعني بالنهاية خلونا بالبكلوريا نصير نصين

بعدين نحنا ما بنطالب غير بحقوقنا و حتى اقل من حقوقنا

يعني اذا الواحد شا سلم التصحيح شو بصير اذا كان يلي عم يصلح ما عم يخالف و ما عم ياكل حق حدا

بس متل ما قالت يازميل Nader 777 يبدو انو في لكا طالب سلم تصحيح خاص في و هاد السلم يتناسب طردا مع مزاج الدكتور و حالتو النفسية و كمية الشغل يلي عم يتلقاها

يعني بعرف كتير طلاب ببطلوا من الكلية (( مو بس كليتنا )) ليروح يسجل بجامعة خاصة بسبب المنهاج السهل و كثرة الفرص و المساعدات

يعني نحنا ما بدنا يسهلوا المنهاج علينا او يخففوه بالعكس يصعبوا قد ما بدن بالنهاية كل واحد ممكن يقدم امكانياتوا بس نحنا ما منطلب غير انو ناخد حقنا بشكل كامل هاد هو مطلبنا بكل بساطة !

يالله يمكن  طولت عليكم بس هيك موضوع ما بيخلص الحكي و لا بسنة

و انشا الله موفقين يا شباب و يا صبايا بالسنة الجديدة

انا رأيي نتفق مع طلاب الثانوية يبدوا يطالبو من هلأ

حتى وقت يصيروا بالجامعة بجوز تكون طلباتهن تتحقق

وأنا بضم صوتي لصوتك أنا السنة الماضية عانيت الأمرين لنجحت وفي كتير من رفقاتنا رسبوا ظلم منشان علامة معقووووول بس بتمنى من الكل يهتموا بالموضوع عن جد

أخي الأمير قيس ليش لنحكي مع الثانوية ليش نحن صوتنا مو مسموع على فكرة نحن كان اسمنا ري وصرف قدمنا اعتراض وصار اسمنا هندسة مائية يعني قدرنا نجيب نتيجة