جاوب(ي) عالاسئلة التالية:
1-اكتر موقف محرج اتعرضتلو
2-اكتر حدا تدين له بحياتك
3-مكان حصلت فيه قصة حب بحياتك
4-استاذ اثر فيك و بتتمنى تشوفو و تشكرو
5-اجمل تاريخ بحياتك
6-اروع كاتب اثر فيك(اسم الكتاب اللي حبيتلو ياه اكتر شي)
7-اكترشي بيخوفك
8-كذبة غيرت شي بحياتك
9-موقف بحياتك خذلت حدا بتحبو
10-و اخيرا و ليس اخرا ما مدى اعجابك بالموضوع..

بصراحة أول ماقرأت هالأسئلة
احترت جاوب أو ماجاوب 

رح جاوب بس مو عالكل

بالنسبة لسؤال أكتر حدا بدين الو بحياتي هي أمي لأنو قد ماعملت مارح وفي شو عملت كرمالي

وبالنسبة لسؤال أستاذ أئر فيني بصراحة هي آنسة وقت كنت بالحادي عشر واسمها أسماء

انسانة مليانة حكم وبحياتي ماحسيتها آنسة

كل الوقت كنت اعتبرها أخت عنجد كتير بتمنى هلأ شوفها

أجمل تاريخ بحياتي هو 572005 لأنو بهالتاريخ تكون حبي الأول ويلي انشالله يكون الأخير

أكتر كاتب أثر فيني هي أحلام مستغانمي

و قرأتلها سلسلة فوضى الحواس , ذاكرة الجسد ، عابر سرير

أكتر شي بخوفني الظلام الحالك

موقف بحياتي خذلت حدا بحبو

كان وقت جرحت حدا بحبو كتييييييييييييييير من الصميم

بس أكيد من دون قصد يعني فيني قول موقف متسرع جرحتو أمام رفقاتوا

وعنجد بتمنى انو يسامحني

الموضوع حلو ومحرج بنفس الوقت

الظاهر انك بتحب احراج الناس

goldenrose شكرا لتعطيرك الصفحة و بهنيك على شجاعتك و صراحة انا ما بحب احراج الناس بقدر ما بحب اتعمق بشخصياتون و التجارب اللي خاضوها بالحدود المسموحة ..بالمناسبة انا معجب بالكاتبة احلام مستغانمي و خاصة رواية فوضى الحواس

1-اكتر موقف محرج اتعرضتلو
              والله المواقف كتار بس بذكر لما بهدلني دكتور بالجامعه ئدام الجميع لاني اتاخرت
                  ويا ريته بهدل وسكت ضل كل المحاضرة عم يبهدل بطريئة غير مباشرة ئمت حملت حالي
                    مع انه ما بصير اطلع من محاضرتي بدون ازن بس هاد الي صار
2-اكتر حدا تدين له بحياتك
    بدك الصراحة وبدون غرور ما بدين ولا لحدا لكني اتمنى ان يردوا الناس دينهم لي(يعني الجميل الي ئدمته الن)
3-مكان حصلت فيه قصة حب بحياتك
    والله ئصة حبي  مو مكتمله بس بئدر ئول بالجامعه بس الحمد الله ئصة وراحت بحال سبيلها
4-استاذ اثر فيك و بتتمنى تشوفو و تشكرو
      معلمتي الرياضيات (ازدهار الحضيري)
5-اجمل تاريخ بحياتك
    اكيد يوم ميلادي 10/10/1989
6-اروع كاتب اثر فيك(اسم الكتاب اللي حبيتلو ياه اكتر شي)
      والله احيانا بئرا بدون ما شوف الاسم بس انا عموما بحب جبران خليل جبران
7-اكترشي بيخوفك
    الموت بخاف منه كتير
8-كذبة غيرت شي بحياتك
    ما في كزبة غيرت مجرى حياتي بلكي ببالايام الجايي ههههههه الله لا يحوجنا
9-موقف بحياتك خذلت حدا بتحبو
    خزلت بنت عمي
10-و اخيرا و ليس اخرا ما مدى اعجابك بالموضوع
      حلووووووووووووووو وشكرااااااا كتير


    تقبلي مروري
حلووووووووووووووووووش

اقتباس

1-اكتر موقف محرج اتعرضتلو

اتفركشت من على درج الجامعة ادام رفئاتي .... خخخخخ

اقتباس

2-اكتر حدا تدين له بحياتك

رفيئة عمري و حبيبة ألبي (( أ ن ))

اقتباس

3-مكان حصلت فيه قصة حب بحياتك

المكتبة.... (( بس كمان راحت الئصة بحال سبيلها ... ))

اقتباس

4-استاذ اثر فيك و بتتمنى تشوفو و تشكرو

أنسة الفيزياء تبع الباكالوريا اسمها نجوى

اقتباس

5-اجمل تاريخ بحياتك

13/ 3

اقتباس

6-اروع كاتب اثر فيك(اسم الكتاب اللي حبيتلو ياه اكتر شي)

فيكتور هيجو (( البؤساء )) و نزار قباني (( كل شي ))

اقتباس

7-اكترشي بيخوفك

اني زعل حدا مني لأني ما بعود بعرف صالحو ...
و الحشرات ....  وليييييي

اقتباس

8-كذبة غيرت شي بحياتك

مافي شي ...  ولا كذبة ..

اقتباس

9-موقف بحياتك خذلت حدا بتحبو

العلم عندو مو عندي (( ما بعرف إذا أنا يلي خذلتو أو هو يلي خذلني ))

اقتباس

10-و اخيرا و ليس اخرا ما مدى اعجابك بالموضوع ...

بياخد العقل و الله يعطيك ألف عافية ....


مع احترااامي

تقبل مروري

ياسمينة شامية
   

اقتباس

اكتر موقف محرج اتعرضتلو

              في كتيير مواقف محرجة بتصير معي.أكتر مواقفي يابفوت بالحيط يابتفركش بنص الطريق وبوقع..ههه...مابعرف ليش دايما بصير معي هيك...

اقتباس

اكتر حدا تدين له بحياتك

                أكيييييييد أمي... هي كلشي بحياتي... ومهما عملت مارح أقدر وفي شي من حقها...

اقتباس

مكان حصلت فيه قصة حب بحياتك

          لسا ماصارت معي قصة حب...

اقتباس

اجمل تاريخ بحياتك

      يعني في أكتر من تاريخ حلو بحياتي...منون 18-12يوم عيد ميلادي
                    وكمااان يوم 3-10-2008 كان كتييير حلو

اقتباس

اروع كاتب اثر فيك(اسم الكتاب اللي حبيتلو ياه اكتر شي)

            بصراحة انا مو كتير بقرأ كتب....

اقتباس

اكترشي بيخوفك

            أني رح بعد عن أهلي رح صير انا ببلد وأهلي ببلد

اقتباس

كذبة غيرت شي بحياتك

              كذبة ندمت عليها كتييير..وغيرت شي جواتي

اقتباس

موقف بحياتك خذلت حدا بتحبو

                بحياتي ماخذلت حدا..وخاصة اذا كنت بحبو..

اقتباس

و اخيرا و ليس اخرا ما مدى اعجابك بالموضوع..

                          كتييير حلو...يسلمو...

                                                                  مع تحياتي ..
                                                      غيداء

مرحبا
أنا حجاوب بالترتيب من 1 الى10
1- مرة كنت عاملة حالي عم احكي بالموبايل مشان ما أخد وأعطي مع شخص معين, وفجأة ..........
تررررررررن تررررررررن  
و رن الموبايل وأفشني ,بس يللا شو بدنا نعمل ,كلنا على هالطريق هههههههههه
2-أكيد ماما يللي ضحيت بشبابها مشان شبابي , وبصحتها مشان صحتي , وياما سهرت مشان أنا نام ,وقت كون مريضة.  
3-الحمد لله لسا ما صار لا قصة حب ولا شي ...
4-استاذ الفلسفة خالد عيسى ,حببني بالمادة وجبت فيها 36
5-13/6/ 88 , يللي أجيت فيه عالدنيا ,لأني شفت ناس كتير وتعلمت كتير 
6-ما بعرف أنا كتير بقرأ لكتاب بس ما بحبلون كل شي مشان هيك بس بحب مقتطفات من اللي بيكتبوه
7-أنا بخاف من يوم القيامة كتيررررر ,و دائما" بفكر فيه
8-الحمد لله ما بكذب الا وقت الضرورة , اذا كنت مضطرة مشان ما خرب شي
9-ما بعرف اذا في حدا أنا خذلتو ومو عارفة بس انشاله ما في
10-كتيرررررررررررررر,الله يسلم هالايدين
ميشووووووووو    

1-اكتر موقف محرج اتعرضتلو

وقت اعترفلي شخص انه بيحبني قدام اكتر من 12 شخص

2-اكتر حدا تدين له بحياتك

حبيبي

3-مكان حصلت فيه قصة حب بحياتك

درج بناية رفيقتي

4-استاذ اثر فيك و بتتمنى تشوفو و تشكرو

الله يرحمه ابراهيم الزعل

5-اجمل تاريخ بحياتك

17/5

6-اروع كاتب اثر فيك(اسم الكتاب اللي حبيتلو ياه اكتر شي)

مافي حدا محدد

7-اكترشي بيخوفك

انه انا وحبيبي ماتكمل قصتنا

8-كذبة غيرت شي بحياتك

مافي كذبه غيرتلي حياتي

9-موقف بحياتك خذلت حدا بتحبو

وقت شهدت على رفيقتي بس للأسف كان في حلفان على القران مشان هيك حكيت الحقيقه

10-و اخيرا و ليس اخرا ما مدى اعجابك بالموضوع

كتيررررررررررررررررررر  حلو

حلا1010
.نورت الصفحة و عنجد انا اسف مشان البهدلة..يللا تعيشي و تاكلي غيرها
      شكرا على مرورك المميز

ياسمينة الشام
الله يعافيك ..شكرا لمرورك..و على فكرة يمكن الصراصير هي السلاح الفعال اللي ممكن يستخدموا حدا بيكرهني..لانو موووت و لا شوف صرصور