شكرا كتييييييييييييير زيد على الاسئلة
موفقييييييييييييين


   

شكرا كتييييييييييييير زيد على الاسئلة



موفقييييييييييييين


   

سؤال تاني

أيهما أكثر سمية البارافينيل أرسينيك أسيد أم الأتوكسيل

الجواب نفس السمية لأنهما نفس المركب

يعني انتبهو لهيك نمط من الأسئلة

تسلم ايديك زيد ..

على فكرة وأنا عم اقرأ أسئلة القسم المعدني كأني مو مارة عليهن ما تذكرت شي

هو القسم المعدني بفوت الواحد ب7آلاف حيط ..   ... بس ما منقول غير الله يوقف معنا .. 


سؤال: علاقة البنية الكيميائية بالتأثير الدوائي SAR للنوفوكائين (أو البروكائين):
بمحاضرة د سامر الأخيرة مكتوب: استبدال الأمين NH2 ووضع ألكيل مكانه (قصده ايتوكسي مثلا) يؤدي لنقصان الفاعلية ويصبح المركب أضعف متل الإنتراكائين

بينما عند د فيصل كاتب انو هالشي لايغير التأثير المخدر لنفس المركب السابق-انتراكائين- 

فشو الصح أو كيف رح تحلوها انتو إذا اجت بالامتحان؟

السلام عليكم

والله ما بعرف شو ممكن اعمل بالفحص بهيك حالة بس إذا كان السؤال بقسم فيصل بجاوب متل ما بدو
و إذا كان بقسم سامر بجاوب كمان متل ما بدو

أأأأأأأأأأأأأأأأأأأأأأأأأأأأخ
 
لا تذكروني المادة بتأسي كتيييييييييييير
والله كرهوني بالكيمياء
 

طولو بالكم يا جماعة

يعني حلوة المادة

يعني بتلاقو شي عشر أشكال صيدلية لكلور الصوديوم بس

و كل مادة بتحاول تدور عليها آم بتلاقيها محذوفة من دساتير الأدوية

يعني مثلاً الفيناسيتين بضلو بمجدو فيه و صرلهم من السنة الأولى صارعينا فيه

و لما تفتح الدستور بقلك اتنو خافض حرارة و سحبوه من الأسواق بسبب سميته الكبدية و الكلوية

و ما بحطلك أي معلومات تانية (كأنو عم يقلك شوووو بدك فيه يعني هو بطلو يستعملوه)

و مرة قاضي دور عمادة نسيت شو هي آم ما وجدلها صيغة

هي من كتر شو قديمة المادة يلي كتبو الدستور حبو يحطوها بس ما لقو الصيغة تبعها من كتر شو معتة

موفقين جميعاً

عادي ...

بس مع هيك ... الكتاب لو قديم ... بس لا تقولولي ... هو مرجعي 

لأنو أصلا بفضلنا نحنا طلاب الصيدلة .. ما في كتاب كيميا صيدلية بالعربي أحدث منه ... وهي وحدة من سلبياتنا ..!!!!

بتمنى تكونو قرأتو .. في عضو كتب عن عدد المترجمات بدول العالم وما يقابلها بالعالم العربي ... وعدد من يقرؤون كتب غير كتب دراستهم أو من يترجمونها .. والله احصائيات وأرقام بتخجل .. !

فخلونا نرفع همتنا عالصيف ونبلش ترجمة .. أو حتى جمع آخر ما وصل اله العلم .. وصنع كتب صيدلة حقيقية لحتى بالأول نرفع المسؤولية عن حالنا ... قبل ما نحط المسؤولية عالآخرين

يعني لو الكتاب قدييييييييييييم ... بس الدكاترة لما عملوه بهداك الوقت كان جديد ... وهلأ .. بعد هالعمرالطويل ما رح تطلب من الدكتور يشتغل بترجمة ومراجع وتطور ..

هاد مسؤوليتنا نحنا

أنا هاد رأيي .. ولو كنتو ضدو

خلونا نتعامل مع هالمادة المعتة على انها مو أكتر من مادة فحص ..

وبالصيف منشوف قدراتكن على مواكبة التطور ... وتمثيل الصيادلة الحقيقيين

سلامي
(مها)

بالنسبة لي صاير بحب ترجم كل شي

و بحب ضيف قدم شي لهالأمة

بس شو بدي اعمل مع كل هالعالم يلي مو مستعدين يقدمو و لو شي بسيط من وقتهم (الثمين)

يعني لما بلشت اسأل العالم مشان ترجمة مرجع التكنو كلو بلش يطالع حجج

شي مو شاطر بالإنكليزي أو بدي ساوي دورات أو بدجها بوشك (مالي فاضي)

يعني بفكر لوين وصلنا بين هالأمم

بحس لازم الله يزيلنا من الوجود لأن ما بنستحق نكون من البشر

كل همنا شو بدنا ناكل و وين بدنا نسهر و شو آخر البوم للفنان الفلاني و شفتو الفيديو كلاب (كليب) الجديد

يعني بالنسبة للمرجع ترجمت منو 4 صفحات بيومين

هي طول معي لأنو بترجم حرف حرف و مع الوقت أكيد بصير أسرع من هيك

يعني في كسل مو معقول

بمادة الإنكليزي سنة تانية بيجي كل واحد عم يدور عمحاضرات مترجمة

يعني ما بكلف حالو يقعدلو شي قعدة يترجم لحالو

و في عالم صارو سنة ثالثة و لهلق ما جابو قاموس المصطلحات الطبية

حالياً عم فكر بترجمة الليبنكوت علم الأحياء الدقيقة لأنو سهل و أغلب المعلومات فيه أخدناها بمادة الجراثيم

و قاضي عم يفكر نبلش بترجمة كتب صغيرة بالأول

بس أكيد لازم نترجم مرجع التكنو لأنو بيجمع كتير أمور من مختلف مجالات الصيدلة

بالنسبة لكتاب الكيميا الصيدلية أكيد ما بمثل كل المادة

يعني متل مادة الحيوية عندي كتابها

الكتاب كتير قديم بس بما أنو قرأنا عن المادة من مراجع مختلفة أجنبية بينت حقيقة المادة

قرأت الموضوع تبع مجموع ما بيقراه العرب و المسلمين

والله الواحد بيشعر بالأسى

يعني كل دور النشر بتهتم بس بالمواضيع الدينية

ما بتلاقي أي موضوع علمي عليه القيمة

يعني لما الاسلام حث على العلم ما كان القصد العلم الشرعي بس

موفقين و إن شاء الله يطلع منا علماء يرفعو جبهة المسلمين بين هالأمم

والله يا زيد فشيتلي خلقي بهالرد .. لأنو عنجد وصلنا لمرحلة مو طبيعية

بس حبيت نوّه بانو في كتاب عربي مترجم لعلم الأحياء الدقيقة .. (ما بعرف إذا الليبنكوت) والدار المترجمة هي نفسها اللآلئ اللي مترجمة كتب علم الأدوية (الليبنكوت والبورد) ... وبعتقد انو إذا كان بنفس السوية فهو منيح كتير (وسعره بحدود ال500 ل.س لمن يهمه الأمر) ...

هلأ مرجع التكنو مهم ..  بس ضخم كتير .. ونحنا لسه بأول تجربة لهيك أنا مع قاضي انو بالصيف نترجم كتب صغيرة بالأول

لأ ... وكمان زيد نسيت تقول شغلة ... تتذكر أول ما فتحتلهن موضوع الترجمة .. بقلك عالم (ليش لنترجم مو أحسن وأفيد إذا قرأته باللغة الأم؟؟؟!!!) ..
ليش مفكرين كل العالم بلابل بالانكليزي!! ..
بعدين شو لغتنا ما بتستحق يكون عندها كتب علمية بتنقرأ ولا هي مو خرج إلا لكتب الأبراج وغيره وشو بعرفني .. ؟؟

هاد غير انو ما في موظف بيقدر يشتري مرجع أجنبي حقه بالآلاف حتى لو كان مهم ..

فإذا نحنا اللي بدنا نصير صيادلة -على أساس- ونحنا ومن الطبقات العالية ثقافيا منفكر هيك فلا عتب عالفروع الأدنى مع احترامي للكل

على كلن للحديث بقية .... وأكيد... بعد الفحص بإذن الله

سلام