أريد أن أشير إلى فكرة ناقصة في الكتاب

مركب الترومكسان هو نفسه الوارفارين و هو غير مذكور في الكتاب لكن مذكور في النوطة

كذلك جرعة الميتيل تيويوراسيل غير موجودة في النوطة و موجودة في الكتاب

كذلك في الحموض الكربوكسيلية العطرية أفضل قراءتها من الكتاب لأن بعض المركبات ناقصة في النوطة

كذلك السيانورات غير مذكورة في النوطة لكن موجودة في الكتاب و هي فقط 5 صفحات و لا أدري إن أعطاها الدكتور

شكرا عالرد السريع

قصدت بالسؤال التاني (مارئ بالدورات) ومعتبرين انو هو حاصر لقنوات البوتاسيوم حتى لو غير انتقائي .. بس السؤال صاير مفتاح وما بيظبط الحل إلا في حال حطينا انو هو (يعني الكينيدين) مضاد ألم وخافض حرارة .. وهالاستخدام مو مذكور ... تمام؟

هلأ أهم شي ملاحظتك انو أي حلقة عطرية ويود البوتاسيوم تعاير بمقياس البروم ..

بس اللي عم تقوله عن انو المعايرات بتنحفظ حفظ قصدك عند د سامر أو د فيصل ولا عند الاتنين؟

بالنسبة للبروكائين أميد أكيد من المخدرات الموضعية و بكون مسكن للألم بس كمان خافض حرارة فما بعرف (يمكن إذا كدا ملازم بصيدلية بيعرف)

بالنسبة للمعايرات فحفظ عند التنين متل إسمك

أما الكشف فعند سامر عقولهم مو مطلوب

بس عند فيصل الجندي فمهم جداً

و الله عم اتحسر ليش ما لازمت بالصيدلية الصيفية الماضية

يعني في كتير أدوية بالكيميا الصيدلية و علم الأدوية موجودة بتنباع

بالله هاد التروميكسان أو الوارفارين شفته كتير بالدورات .. بأي بحث هو ...؟

ولو سمحتو شو أهم شي يندرس بالقسم العضوي برأيكن؟


هلأ السيانورات حتى لو 5 صفحات بس أنا ما بذكر أبدا انو أخدناها .. بعدين أنا كتابي قديم كتير وصاحبته الأساسية كاتبة على هالفقرة (للاطلاع) وبعتقد انو ما تغير شي وانو لساتها للاطلاع متل ثبات بقية الكتاب على حاله!!!!!!!

الترومكسان موجود بالكموض الكربوكسيلية الدورية بقسم الكومارينات

بالنسبة للسيانورات ما بعتقد الدكتور شرحها و حتى لو بس حإقرأها رفع عتب لأن بالدورات ما في سيرة عنها

وأخيرا اكتشفنا سر التروميكسان .. لسه في أمل اصل لعنده .. وادرسه

عندي سؤال بايخ بس للتأكد:
بالراتنجات الرابطة للحموض الصفراوية .. المضادة للشحوم ... في عنا الكولسترامين ... هلأ مكتوب انو هو يصطنع من مركبين:
دي فينيل البنزن  ..... والستيرين ...

السؤال هو:  الستيرين هو نفسه أحادي فينيل البنزن .. 

السلام عليكم

إي الستيرين هو أحادي فينيل(vinyl)بنزن

موفقين جميعاً
                                                                   

صباح الخير                                                                                     
قالولي انو الدكتور فيصل بأخر كم محاضرة كان عم يقول  أسئلة أنو ممكن تجي بالفحص بقى يلي كاتب هي الأسئلة ياريت يحطلنا ياهون إذا ما فيها إزعاج
وشكرا

السلام عليكم

أنا كتبت كم سؤال بهالموضوع

بس صراحة كل الأسئلة بايخة و عادية

يعني كأنو عم يضحك علينا بهالكم سؤال تبعو

متل الأدوية

عطت كم سؤال كلهم من البورد

يعني شو الافايدة

الكل عرفان أنو لازم ندرس البورد

السلام عليكم

هذه بعض من الأسئلة التي أعطاها الدكتور

- لمعالجة توسع الأوردة نستخدم محلول كلور الصوديوم 20% مع مخدر

- كرومات الصوديوم Cr151 لمعايرة حجم الدم

- I125 لتشخيص أمراض غدد الصم

- كبريتات السترونسيوم في مركبات إزالة الشعر

- الباريوم له خواص مشابهة للديجيتال

- الباريوم سام عندما يكون شاردي

- يكشف عن الفوسجين بكشف الكلور الشاردي

- معايرة الفوسجين بالبنزيدين و تركه ل24 شاعة يعطي لون برتقالي و هو بنزيدين أميد حمض الفحم

- الفورمول يعاير بمقياس الأكسدة

- بارا ألدهيد يعد منوم و يعطي بكميات قليلة نوم مريح

- في النوفوكائين فإن إضافة هالوجين لا تؤثر على الفاعلية

- الأورتوتروبين لا يعاير ب EDTA لكن بزيادة من HCl (يتشكل فورمول و كلور أمونيوم)

- اصطناع الكلور يكون على مرحلتين

- Mo: يدخل في الكزانتين أوكسيداز

- الوظيفة الألدهيدية لا تعطي أهمية للمركب العضوي

بالنسبة للأشكال الصيدلة فتوجد بعض الأسئلة بالدورات عنها

صراحة أنا مستحيل احفظ كل الأشكال بالكتاب لكن توجد بعض منها مميز

خاصة بالقسم المعدني

و بالتوفيق للجميع