السلام عليكم

سأطرح موضوع أتمنى من الجميع المشاركة فيه والصراحة مطلوبة للغاية

بصراحة تامة هل تقبل أن تتزوج:

زوجة حالتها المالية أفضل منك

زوجة شهادتها العلمية أرقى من شهادتك

زوجة مهنتها أفضل من مهنتك من حيث المكانة

أنا لا أقبل أن أتزوج من امرأة أكثر ملاءة مالية مني أما الأمرين الآخرين فأقبلهم وبسعادة

ما رأيكم

سلام

أعوذ بالله .... هاد اللي ناقص


حالتها افضل من حالتك المادية = رح تعيش أسير طول عمرك

شهادتها أعلى من شهادتك = رح تعيش بضل ثقافة العناوين الفارغة والكلمات المنمقة ..بالاضافة الى النقص يلي رح تحسسك فيو ع الفايتة والطالعة

مهنتها أفضل من مهنتك = رح تقضي حياتك الزوجية كأنك بدائرة حكومية

انا من خلال خبرتي بالحياة صار عمري 78 سنة توصلت لنتيجة حتمية :  السيادة لازم تكون للرجل  بشتى المجالات ...
سبحان الله حكمة الهية

لا لا لا
أنا لا أقبل أن اتزوج امرأة أغنى مني حتى ما تتحكم فيي
ولا شهادتها أعلى من شهادتي حتى ما تتفهمن عليي
ولا مهنتها أفضل من مهنتي حتى ما تفكر حالها مديرتي
وشكرااااااااااااااااااااااااااااااااا

شوف تأحكيك هالشغة
أول شي هاد الموضوع بيرجع لشخصيتك وثقتك بنفسك
تاني شي الشهادة مو كل شي يعني ممكن واحد مو آخد بكلوريا يكون عندو ثقافة وطريقة تعامل مع البشر أحسن بألف مرة من واحد معو شهادة دكتورا
بالنسبة للماة مو كل شي بس بهالزمن متل ما بيقولوا العملة هيي اللي بتحكي
والمهنة أحسن من مهنتك يعني انتا مستحي بشغلك يعني بتكون فاشل فيو وبالتالي فاشل بالحياة وما رح توافق ع هيك مواصفات لشريكة حياتك
لا تفكر بهالطريقة لأنها سيئة كتير وبتخليك دائما متأخر
ليش ما تفكر انو تطور حالك وتصير مهنتك أحسن من مهنتها لأنو
لا مستحيل تحت الشمس

شو فيها معظم الناس بتكبر عقلها بهدا الموضوع بعدين البنت الفهمانة مستحيل تعاير زوجها بالعكس دايما بتخليه تاج راسها وبترفع معنوياته حتى لو كان اقل منها بكل شي الا بحالة وحدة
وهييييييييي خيانة زوجها الها وقتها بتعلن الحرب

بصراحة أنا بفضل أنو تكون زوجتي ربة منزل يعني ما بتشتغل لأن الوضيفة الأساسية للمرأة هي التربية (ممكن تشتغل قبل ماتصير أم) فتبقى حالتها المادية :أنا لا أقبل الزواج من إمرأة حالتها المادية أفضل من حالتي


وشكرا

اشكرك اخي الحبيب على الموضوع الجميل والمميز متلك وحقيقة الموضوع الى طرحته موضوع سهل جدا لان التفاهم سيد الحلول فاذا الزوج والزوجه متفقين من قبل الزواج يعنى ايام الخطوبه فلقد انحل الموضوع هاي اولا .
تانيا : حتى لو كانت اغنى منوا واعلى درجات علمية منوا ومكانه عملية اعلى شو فيها الله تعالى يقول ( ولا تتمنوا مافضل الله بهي بعضكم على بعض ) وكتير من الازواج عندهم زوجات اغنياء ولا بياخذوا منهم شيئ والعكس بيصرفوا على زوجاتهم مع غنى زوجاتهم فهاي مسالة خاصة بالزوج نفسه اذا كانت نفسه غاليه عليه مابيحاكيها ولا يسالها عن اموالها واما الشهادات فهاي تعبها طوال السنين اخي هل احد قال الك ماتكمل دراستك وتانيا انت رضيت بالزواج من واحدة عالية الشهادات وانت تعرف هاي الشغله واما المكانة العملية فهاي رزق من الله تعالى يقول الرسول صلى الله عليه وسلم ( دعوا الخلق يرزق الله بعضهم بعضا )
طبعا هاي وجهة نظري واشكرك على الموضوع المميز متلك
تقبل مروري مع كل الحب والاحترام والتقدير
خالد111

خالد111

شكراً لإلك يا مزوق ويا محترم ويا مقدر وطبعاً متل ما قلت إذا كانو متفقين قبل الزواج فكلشي بنحل بسهول بعدين

سلام

أعتقد جازماً أنه بمجرد ذكر هكذا سؤال فإن كبرياء الرجولة قد تجيب مباشرة

بالرفض ! ! !  

ولكن ولنكن منصفين ولنسأل السؤال المعاكس  :

هل تقبلين زوجاً أفضل منك ! ! !

لا أدري ماذا سيكون جواب حواء هذا العصر ، فأنا لا أنتمي إليهم . . . . . . .

بالنسبة لي فأنا أرى أن البحث عن الأفضل هو غريزة قد جبلنا عليها ولكن يجب أن لاتصل للأنانية

لدرجة أن أرفض أن أتزوج فتاة " " " أفضل " " " " مني ، كما جاء بالسؤال ! ! !

ياصديقي :

أريد أن يخاطب كل منا " شاب وفتاة " نفسه مخاطبة عقلانية ، فهل كل فتاة غنية هي فتاة متكبرة

مثلاً . . . . . . . لا نريد أن نظلم فئة ليست بالقليلة في مجتمعنا فلو تردد كل شاب  من خطبة فتاة أعلى

منه بالدرجة العلمية ، أو أغنى منه ، أو . . . . . . فهذه مشكلة برأيي المتواضع . . . .

لست من الباحثين عن الغنية . . . . . . . . وقد تكون الشهادة العلمية تعني لي الكثير بالخيار .. . . .

ولكن لم يخطر ببالي مطلفاً أن أسأل نفسي هذا السؤال ! ! ! !

ختامــــــــــــــــــــــــــاً  :

لا مانع عندي من أن تكون زوجة المستقبل أفضل مني . . . . . . . . مع علمي أن لهذا

الشيء ضريبةقد تكون ليست بالصغيرة . . .

تقبلوا مروري . . . . . . . . . . وتحياتي : م.عبد الرزاق

                                                                               

مرحبا
حلو الموضوع  و يعطيك العافية m philosopher

و أنا برأيي أنو التفاهم أهم شي ولازم دايما الشب أو البنت يتمنى النجاح لشريكو لأنو نجاح لألون سوا لما يكونو متفقين ومتفاهمين وما في داعي للتفكير بأنانية بالعكس بس يكون الشخص واثق من نفسو فأكيد رح ينبسط أكتر كل ما كان شريكو ناجح أكتر    ( وبيشوف حالو فيه )
   
سلاااااام