انا طالب في كلية الحقوق الحمد لله ترفعت ترفع فصلي  هذا الفصل الى السنة الرابعة
في هذا الفصل كان معي 5 مواد قدمتهم كلهم 
المهم طلعت النتائج وشلت 3 من 5
المواد التلاتة اللي شلتهم العلامات فيهم كانت 60    60    69 والمواد كانوا على التوالي ك ف 2    مدنية ف 2    شركات  مع العلم انو المواد التلاتة كنت خايف اني احملهم ومتوقعهم اذا طلعوا يكونو  خمسينات  وهدا الشي المضحك
من شي 10 ايام طلعت مادة قانون اداري ف2 س 3  والحقيقة كنت كاتب فيها كتير منيح يعني 70 وفوق  والشي المبكي انو العلامة كانت 38   
لذلك شو رايكم بالموضوع واذا حدا عندو شي قصه مشابهة ينورنا فيها

والله يا أخي صايرة كتير ...............كتير أحيان بطلع من المادة عم قول هي حاملتا أكيد وببصم بالعشرة وبكون رايقة كتير ,cool لما تطلع اشاعة انو المادة رحح تطلع نتائجاعلى عكس رفقاتي المتحرقصين بقوم بطلعا وهنن يا حرام بنزلو
وياما كمان طالعة من مواد أكيد ترفع حتى لو 60 بقوم بحملا
هيك الدنيا شو بدك تعمل على كل حال مبروك الترفع

شو رأيك إنو لما كنت سنة ثانية كتبت بمادة الإداري ف1 100علامة
وتأكدت من أجوبتي من الكتاب وبرضى ب 50أي نجاح فقط
ومع هيك كانت النتيجة 12لاغير !!!   
والغريب إنو قدمت هذا الفصل تجاري س4 ما فهمت الأسئلة عرفت سؤال واحد
نجحت وأخذت50ولله الحمد
المهم إنك ترفعت وعقباااااال التخرج  
                                                   

تحياتي علي
بتمنالك التوفيق والنجاح بكل المواد
بس يلي لفتني هية المادة يلي ما أخدت حقك فيها
لان دكتورها من الكاترة القلال أمثالن عنا بالكلية
ماسبق وحدى اشتكى من التصحيح........ممكن المحاضرات يلي كنت تقراهن يكون كاتبهن طالب بدون أمانة



تقبل مروري

السلام عليكم

اخي الكريم ... معقولة سنة رابعة و لسا ما تعودت على جامعتنا
هي بتصير بكل الكليات و السب برايي اذا بدنا نتناسى فكرة مين اللي بصلح الاوراقو مين بعيد جمعالعلامات و ضميرالدكتور كل ما سبق مثالي بيقى شغلة نسبة النجاء اللي بقدرة قادر غالبا بتحون حولين الخمسين بقى الموضوع واضح .. عد ما تطلع النتائج بتبدأ عملية تظبيط النسبة غابا بالخفض لكن ما بستبعد الرفع

مثال على هيك انا قدمت احد مواد الفيزياء و متأكد من الاجايات  باكثر من 70 علامة لكن الامتحان كان يرتقي لمستوى السخافة و النتيجة 47

بينما امتحان ثاني بمنتهى الصعوبة و متوعق الرسوب فيه  كانت النتيجة 51  لكن اول عشر دقائق من الامتحان طلع اغللب الطلاب

تحياتي

الحقيقة انو اللي زاد الصدمة عندي انو المادة لهيدا الدكتور بالذات
واللي الطلاب كلها بتحكي فيه بالمنيح
وبالنسبة للمحاضرات انا باكدلك انو 80 بالمية من طلاب الحقوق عم يدرسو عن المحاضرات
يعني صحيح الحمدلله انا هلق سنة رابعة بس هيك ظلم من هيك دكتور بتشهدلو كل
الطلاب بامانتو بيخليني حط علامة تعجب كبيرة