مره واحد صعيدى قابل واحده اجنبيه
سالها : انتى منين
قالتله: وات ؟ what ?
قالها: اجدع ناس الوتاوته                         

                                  ***********************************

واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك                                           

                              ***********************************

كان في مسابقه بين واحد صعيدى وواحد امريكى وواحد فرنسى المسابقه على اللى يدخل الغابه ويجيب اكبر قطه
الامريكى دخل الغابه ورجع بعد عشر ساعات وجاب قطه وزنها عشره كيلو
الفرنسى دخل الغابه ورجع بعد خمست عشر ساعه وجاب قطه وزنها خمسة عشر كيلو
الصعيدى دخل الغابه يوم اتنين تلاته اسبوع اسبوعين لجنة التحكيم
قلقو عليه
نزلو الغابه يدورو عليه لقوه جايب نمر ورابطه في شجره وماسك عصايه وبيقوله هتنونو يعنى هتنونو               

                          ***************************************

مره اتنيين مساطيل مااشيين على شريط القطر فواحد بيقول للتاني
يآخي السلم ده طويل بشكل....
رد التاني عليه الي مضايقنى ان الدربزيين واطي أوي....
               
                      ******************************************

بيقولك مرة فار ماشى مع خطيبته فى الغابة وفجاة لاقى الاسد ,فحب يعمل راجل قدام خطيبته فراح للاسد قاله : انت حيوان .. الاسد رد قاله: انت بتشتمنى انا ؟؟ رد الفار وقاله: ايوة بقلك انت ..
و مشىالفار وراح وصل خطيبته لبيتها..
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك ؟؟
انا اسف وهات راسك ابوسها..
طلع الفار على راسوا عشان يبوسها فلقى خطيبتوا معديه..
فقال للاسد: ادوس على دماغ امك دلوقتى؟؟؟ 
                                       


                            ************************************
                       
ومرة مدرس بيسأل تلميد
المدرس: الثعلب يا حبيبى بيبض ولا بيولد
التلميذ: أصل التعلب ده يا استاذ مكار وممكن يعمل كل حاجة
                               

                        *************************************
كان فى واحد صعيدى جايب لابنه عربيه فا ابنه راح و قاله يا بابا انا رخصت عربيتى خلصت
ابوه قاله يا فالح مانت داير تلف بيها طول النهار
                                 
                 
                            ***********************************

مره واحد شاف فى عالم البحار الغواصين و هما فى المايه راح أخد انبوبه الغاز و نزل بيها فى المايه ....
و لما راحوا يبلغوا خبر وفاته لزوجته قالت انا كنت حاسه...
ما انا قلتله ياخد معاه المنظم ما سمعش الكلام

                           

                            **********************************
                       
مرة واحد جاب بغبغان هدية لواحد صعيدى وبعد كام يوم سألة
اية اخبار البغبغان ??.
قال له عادى يعنى طعمة طعم فراخ                 

                        ************************************

1- مرة واحد اسمه محمدين خبط فى عمود نور ، كل محمد راح فى سكه
2- مرة واحد صعيدى أتجوز واحدة عندها الأيدز ، جبلها البلهارسيا
3- مرة واحد مسطول ماشى فى الشارع شاف واحد صاحبة على الناصية التانية فبيقوله حاسب العمود يا رمضنننننننننننننن
                   

                              ********************************

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخدالمحمول منه وبيسمع ... لقى .... (الرقم الذي طلبته غير موجود في الخدمة)!!!!
                       

                            **********************************

بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة
جاية فى السكة؟؟؟ قالت له : لأ ماما هتعيش معانا
                 

                              *********************************

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت:
وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟.
قاله عايز بلونتين
                                   

                                ********************************

مدرس حساب سأل طالب لو كان علي أبوك دين 1000جنيه و مطلوب انه يسدده علي 10
أقساط ها يدفع كام في كل قسط؟ رد الولد مش هايدفع ولا مليم ... فقال المدرس:
اقعد يابني ده انت مش فاهم الدرس كويس... فرد الولد : ده انت إللي مش فاهم بابا
كويس يا أستاذ 
                     

                                    *********************************
واحده ست مسكت حرامى فى المطبخ ،فقالت لابنها روح إنده ابوك من على القهوة
جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم
،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!! 
                     

                                      *******************************

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب
الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه                     

                                        ******************************

بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل

                   
 
                                        ******************************

واحدة حامل فى ثلاث توائم يوم الولادة الدكتور بيطلع العيل الأول لقاه نايم
وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسه؟                 

                                    *******************************

اهبل سال امريكية اسمك ايه؟ ردت: فكتوريا براون ..... وانت؟ قال لها: لكزس كحلي
                   

                                      *******************************

واحد ماشي في الصحراء شاف واحد قاعد علي صخره وبيعمل فوووووووووو فوووووووو...
سابه ومشي ... و شويه شاف واحد تاني قاعد علي صخره وبيعمل عن عن عن...
سابه ومشي... و شوية شاف واحد قاعد على صخرة بس ساكت ، قال له قاعد كدا ليه؟؟؟؟ ده في اتنين مجانين قاعدين يعملوا فوووووو وعن عن عن ورا ، راح قال له ايه دا هما قربه ؟؟ فووووووووووووووووووووووووووووووووو
                   

                                    *******************************

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع
             
                                   
                                      ******************************

صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون

             

                                        *****************************
           
                             




منقول

يسلمو عالنكت حلوين كتير وخاصة تبع جحا وتبع الصعيدي ياللي راح يصطاد قطة
سلام       

RETCHARD13

شرفنى مرورك الكريم و الحمد لله انهم عجبوك

الله يسلم هالايدين


عنجد نكت حلوين
       
       

تقبل مروري وشكرا لك

سيفو

نورت المكان كله و شكرا لمرورك الكريم
                                               

يسلم هل الايدين يا سلمى عنجد هل النكت اجو بوقتون لانو عايفين حالنا بهل الاوقات والله ياخد شي اسمو (وقت ما قبل الامتحان)

هلاء هنن كلون حلوين بس احلا شي :

اقتباس

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخدالمحمول منه وبيسمع ... لقى .... (الرقم الذي طلبته غير موجود في الخدمة)!!!!

اقتباس

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

صرصار ندل عزم 4 اصحابه علي الغدا ولما اتجمعوا كلهم ... شد عليهم السيفووون



أبو حميد

يسلموا على النكت يلي كتير حلوين

تقبل مروري

لا مو بس حلوين كتير حلوين

شكرا