أنا كتير فخورة بنفسي وبمجتمعي وواقعي وطبعا الفخر جاية من بعد تجربة وصلتني لبرهان ونتيجة فظيعة .. مفادها انو نحنا العرب عايشين بنعيم بس مو دريانين..
خبير أجنبي وصل على الشركة لحتى يفحص العاملين بالسواقة ويعطيهن شهادة دولية .. هنن كانوا كتير خايفين لانو مسموعياتو وصلت قبل منو .. هو شخص صعب وحاد وما بيتساهل أبداً.. 
بس المفارقة كانت انو الشب طلب سائق لانو ما قدر يسوق بشوارعنا 
لذلك طلعت باكتشاف انو هل خبير ما بيغمس راس اصبع اصغر شوفير شفيط من عنا. 

الاكتشاف التاني اكتشتفتو من زمان بس رجعت تاكدت منو حديثاً
انو اطفالنا بعمر صغير جدا بيقدروا يستوعبوا انو الكهربا مطفية وفوق هيك بيقدروا يستنتجوا انو اذا الكهرباء انطفت اذن مافي طيور الجنة بالتلفزيون ومافي هوا من المكيف
قولكن احسن ولد باحسن دولة اجنبية فينو يوصل لهيك معلومات .. اصلا فينو يفهم أو بعرف شو يعني الكهربا تنطفى  لك شايف كهربا مطفية بحياتو

ايــــــــــــه منيح بالله مو منيح؟؟

هههههههههههههههه

و الله معك حق تفتخري .. و اسمحيلي افتخر معك كمان 

بتعرفي اكتر اشي بكره بحياتي هو المقارنات ... لانو بالاخر بتكتشفي حالك هيك

بس كمان دائما بحمد الله انو الغرب لساتو منتعش و متحضر .. لحتى نعيش احنا بقية

حياتنا تحت ظله ... و نستنير طريقنا من نوره

يلا GO ON

في شغلة محيرتني .. يا جمـــاعــــة ..

معئولة انو الناس .. مفكرين .. انو مرور المشــــــــــاة بكون على الضو الاحمـر ..؟؟


!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

أي مو بس منيح ...



أي ستين الــــف منيح ...

والله الشغلة بدها شوية ذكاء .. والمشكلة انو هل شحادين يلي عنا عندهن ذكاء "يعني مو من ضيعة قليلة" .. الدليل على كلامي انهن بيختاروا المكان المناسب للشحادة طبعاً المكان يلي بيختاروه بيكونوا دارسينوا بعناية ولفترة مو قليلة قبل ما يعتمدوه.. وبينزلوا بشكل جماعي يعني زيارة صغيرة للاسواق فورا رح تفهموا شو قصدي .. 15 ولد وبنت بيدبئوا على قولة مشان الله
وكمان بيختاروا الوقت المناسب قبل صلاة بعد صلاة هيك شي

بس انو هل سنة ليش جايتهن موجة غباوة ماعم افهم
انو ما كانوا يفهموا انو تلت ضربات على الراس بتوجع وانو نحنا هفتانين اكتر منكن .. لك يا أذكياء فصل مدارس وبعدو مونة رمضان وتجهيزات عيد بنفس الشهر يعني منين بدكن تلاقوا خمس ليرات بجيبة شي حدا

لك يضرب الغبي وعيشتوا ايي قال مشان الله بس خمس ليرات بيقلي امبارح

المشي بشوارعنا ما في أحلى منو .. و الدليل :

السيارات الواقفة فوق الرصيف و تحته ما عدا اللي ماشية بالشارع ..
هطولات مطرية من المكيفات الموجودة في كل طابق بأي بناية ..
عمو البياع اللي حاطط عرباية الصبارة أو الذرة أو الفواكه بنص الرصيف ..
الساحة اللي فيها بحرة مع أول نسمة هوا رح ترشرش كل مين ماشي حوليها ..
أصحاب البسطة اللي عليها كوشة أغراض للبيع بتخاف تدعس فوق شي شغلة ..
كراسي المطاعم المفروشة على الأرصفة ..
حاويات الزبالة الكبيرة اللي ممكن تاخذ نص الرصيف و النص التاني أكياس زبالة مبحوتة ..

بس المشي منييييييييييييح و رياضة كمان .. طبعا ما ننسى الهواء النظيف اللي رح تتنفسه ..     

اول شي بحب اشكرك على هل الموضوع الحلو يلي بيخفض عنا جلطات القلب وارتفاع مستوى السكر
تانيا ... فينا نضيف مصطلحات كمان
متل ( سيري فعين الله ترعاكي)
        ( شو ما جرى طنجرة )
        ( لا تحلق ذقنك ين تنين  هاد بقلك طويلة وهاد بقلك قصر )
        ( ويا ماشي على رجليك ما بتعرف شو مقدر عليك )
        مع احترامي الشديد الك 

بيقولولي .. بحياتنا ,, مارح نصير ..

عنــا صاير كلشي بالقوة .. والكبير .. بياكول الصغير ..

واقف بأمان الله .. وعين الله علي بدي انضرب .. على قامتي واخد تايتنك .. على الجامعة (باص النقل الداخلي ) ,,

وموقفنا يا عيني عليه .. فيو شي ..  100 زبون مداومين على الطلعة والنزلة على الجامعة بطعمة وبلا طعمة ..

المهم .. عم نستنى .. ونستنى .. وبيشرف اخر شي الكبيررررر ..

بتلاقي .. هالشباب .. غمضوا عيونهم ووجهوا انظارهم على الباب .. ويا ارض اشتدي

ماحدا .. قدي .. والشاطر الي بيجرب يقرب ويسبقني .. لحتى  .. (شو اسمو ) ..

فهالشب الي على اساس انو جامعي ومثقف  .. بيشوط هاد وبيدفش هديك ..

وآخــر .. شي .. بيطلع على الجامعة وبيبلش ينظر .. والله هالعالم ماعندها ذوق  ..

(كيف عم يحكوا ونحنا بالمحــــاضـــــرة ؟؟؟ ) ,,,


أي مو منيـــح ..


أي ســــــــــــــــــــــــــــــــــــتين ألـــــــــــــــــف مــنـــيـــح ...

شكرا  class  بس بدنا الكمالة
ويللا شو بدنا نساوي
كللل شي منيح

والله اكبر ربح بحياتك بتربح اذا نفذت هاد المشروع

يا جماعة أنا يعني ما فهمت شو هادا الشي يلي منيح؟؟؟
حاجة بقى تضحكوا على حالكن 
نفختولي قلبي