من منا احبتي لم يراود باله ولم تداعب احاسيسه مجموعة من الاحلام

من منا لم يحلم بأن يكتنز المال

وأن يلم المجد من جميع اطرافه

من منا لم يحلم ان يمسك القمر ويضعه بين يدي حبيبته

من منا لم يحلم ان يكون ذا شأن

من منا لم يحلم ان يكون مهندسا طبيبا اعلاميا ................الخ


أحلام كثيرة راودتنا بصبانا وشبابنا وسترافقنا حتى في شيخوختنا وتكبر معنا

من هنا احببت ان افتح معكم هذا الملف اللطيف

وتعالو احبتي لنفترش احلامنا على سجادة منتدانا ونعرف احلاااام شباااااابنا

إي أمر الله اسمهااحلام  اي حرام حتى نحلم

شباب صبايا انا اؤمن بأن المجتمع المعافى يمتلك ابناؤه احلاما معافاة

لأن الحلم مهما طال لابد ان تنسجه خيوط الواقع في يوم من الأياام

اوك شباب هاتو لشوف شو احلام الشباب السوري؟؟؟؟؟


انا راح بلش:

احلم.................................... بوطن


طبعا مو وطن وطن لا يروح فكركم لبعيد


احلم بوطن في بيتي

ماهر انا بحلم  تتحقق كل طمو حاتي وبحلم  عيش مع ناس صادقين صريحين وبيحبو الخير بس يااااااترى في هيك شي؟؟؟؟

مرحبا       
أنا حلمي انو تتحرر فلسطين والعراق والجولان  ونروح انا واهلي نزور مسجد الأقصى
وكمان حلمي انو العرب  يبطلو طمع وخيانة  ويصيرو يفكرو بالناس المظلومين

هو مجرد حلم بس معقول يتحقق؟؟؟؟؟؟؟

وبتمنى انو كل الناس يكون واحد من احلامن هو حلمي........حتى يتحقق
                       
                                            سلام

أنا حلمي بسيط بس ما بعرف يمكن بدو شي مية سنة ليظبط

بدي يصيروا العرب يمشوا ع ا النظام ......يترتبوا شوي بس مو كتير

نبطل عشوائية نبطل كذب نبطل خيانة لبعض

يبطلوا الناس من اخد الدين عباية لاعمالهن يلي ما بتسوا

تقبل مروري ......

اشكراً عالموضوع الرااائع
بس اسمحلي  ما  لح أكتب حلمي هلأ
ان شاء الله بس يتحقق بكتب عنه  لأنه بصراحة صعب كتييير يتحقق
    سلامي لك

انا بتمنى كل واحد يحكي ويقول حلمو بصرااااحة

بتمنى هلأ بس اتخرج من الجامعة وارتااااح

ماهر شكرا الك على الموضوع...
كتير حلو ...
انا حلمي :
انو انجح بدراستي واكون سعيده...
ورح انسا فلسطين....
واكيد الاقصى .
بتمنا يرجعولنا....
وتقبل مروري...

عن جد  بدي  أتخرج عالتكميلية  هاد الحلم لها الكم يوم  لأنو في  أحلام رح تظهر بعدو

اول شي شكرا يا طيب عالموضوع عرفت كيف تشد انتباه شباب وصبايا المنتدى الك على ما يبدو الجميع عاشق للأحلام  هدا الوضع الطبيعي بس الحلم وحدو ما بكفي الحلم لما ما بتحطو امام عنيك كهدف بيتحول لوهم ولما بتثابر وبتتمنى فعلا توصلو وتقدر تحققه حلمك بصير عزم


انا بطبيعتي الاحلام بتعنيلي كتير مو مجرد شي بالمنام ولا هي ترهات واوهام

يعني شلون؟؟؟؟؟؟؟؟؟ انا باخد كلمة (الحلم) وبخربط احرفها وبعفكش فيها بقدر كون منها كلمة (امل) وحلمي هو املي هو بكرا هو شو فيني كون وشو ممكن اعمل
باختصار لأنو اكييييييد مليتو انا حلمي بنظر بعض الاشخاص مفزلك بس بالنهاية هدا حلمي

[]      
[اني اقدر بعد ما اقطع مسيرة من حياتي قد ما كانت تكون اقدر اطلع لورا وافتخر بحالي حس اني عملت شي بحلم ما يضيع عمري هدر
بحلم زخرف النجاح فيها زخرفة حلمي اثبت وجودي وتكون حياتي ثرية اهم شي بمحبة الناس وكللها بالتوفيق من ربنا دايما هدا حلمي فعلا بحلم لهالقرنين    الي ربنا كاتبلي اياهن عمر اقدر اعمل فيهن شي كل ما اتذكرتو اعتز بنفسي ....هيك انا ........وهدا حلمي ..........برأيكن ممكن يبقا حلم ولا شووووووووووووووووووووووووووووووووووووووو

بالنهاية موضوعك بجنن خلا كل واحد منا يشوف هو فعلا لشو عايش وبشو بيحلم




بحلم بيك انا بحلم بيك اهاهاها        اقبل تحياتي    غزال وما يصيدونه

اول شي آآآآآآآآآآآآآآآآآآآآآآمين لأحلام لكل


تاني شي غزال ويصيدونه:

في واقعية بحلمك مع انك غلفتو باطار المزح وعبارات التهكم  الله يوفقك وللأمام حبيبي