سلام لكل الأعضاء أود لو تشاركوني هذا العمل الخيري
حملة ضد

(السيجارة والأركيلة)
أطلب من السيد رامز أوالسيد ياسر أو أي واحد يعرف بالتصميم أن يصمم لنا صورة تعبر عن هذا الموضوع وأن تكون دقتها عالية حتى لا تعذبنا عندما آخذها للطباعة
(ان أراد الأشتراك)


أطلب من السيد موها نوها أو السيدة بقايا أو السيد معسل تفاحتين أن يؤلف كم نكتة تخدم الموضوع
(ان أرادوا الاشتراك)



أطلب من المبدعين من الكتابة وما أبدع كتاباتهم أن يخطوا بأناملهم الراقية بعض من الجمل المقفاة أو غير المقفاة لنضعها على التصميم أو في كتيب صغير


وفي منتدانا رسام كريكاتيري مبدع أتمنى أن يصله هذا الموضوع وأن يشاركنا هذا العمل


هذا العمل ان تم باذن الله وبتعاونكم سأوصله الى جمعية مكافحة التدخين الخيريةالدؤوبة على نشر اعلانات توعوية دورية
ونرجو من الله أن يكون هذا العمل الجماعيفي ميزان حسناتناجميعا

أرجو أن تصلني ردودكم قبل نهاية رمضان المبارك    ودمتم 

شكــــرا رنا على الفكرة الغريبة وجديدة من نوعها

انا بصراحة بحب التأليف بس مش لدرجة كبيرة .. بس ان شا الله ربنا يقدرني

و اقدر اساعد بهيك موضوع لانو بجد حلو ومهم  لانو بجد كل العالم بتعمل هيك

خطوات و لو كانت بسيطة .. فاكيد دورنا كمثقفين و متعلمين انو نساعم بهيك

فكرة .. بس اول شي لازم نجبر كل واحد مدخن هون بالمنتدى انو يبطل تدخين




بقايا انسانة

مرحبا

انا بعرف بالتصميم وحابة شارك

يا ريت تحدد المقاسات للتصميم والألوان ازا في شي محدد وتعجلوا بالكتابة حتى تتناسب مع شكل التصميم 

بانتظارك

وجزاك الله خير على اتاحة الفرصة

[center]الى اآنسة رنا صفوان هيدي خبرتي بالشعر حطيتها بين ايديكي

عسى ولعل تلبي ما تريدين ...........

                                التدخين والسيجارة

اختر شقاءكَ بالحياةِ ولا تتــــردد
                                                      فمـــــا لــــكَ غيرُ التدخين شقاءَ
فهو صديقكَ الذي لـــكَ يتـــــوددُ
                                                      ولــــن تنــال مِـــن ودّهِ إلا البلاءَ
وإن قلتَ هي تحرقُ نفسها لأجلي
                                                      فأقولُ لكَ هي لِحرقكَ بالحياة جاءَ
التدخينُ لك باختصارٍ ضَـــــررٌ
                                                      ولـــن ياتيـــكَ أخي إلا بالضرّاءَ
لا بـل التدخين بالله شِــــــــركٌ
                                                        فانتحـــاركَ هذا و الشِركُ سَواءَ
خلقكَ الله بأحسن صـــــــورةٍ
                                                        وأنتَ بجهلكَ تحـرِقُ الأعضاءَ
مني خُذها نصيحةً وعنه أقلع
                                                        فهو سيزيدُ الناس عنك بُعداءَ   
فالتدخين للأغبياءِ مسموحٌ فقط
                                                        فهل تريدُ أن تكونَ من الأذكياءَ

عاشق نظام الشطرين -----------------------                    zooba allord

شكرا كتير يا بقايا على ترحيبك بالفكرة بصراحة ما خاب ظني فيكيمن ناحية ترحيبك وعم استنى محاولتك وان شاء الله خير



فرح م  شكرا على تطوعك المقاس ياعزيزتي هو  A4   والدقة لازم تكون 
300DPI      علشان الطباعة ومتل ما تفضلتي لازم الكلمات توافق التصميم
انت رح تقرأي المشاركات معي وشوفي شو بيناسبك مع خالص الشكروالتقدير



زوبا  زوبا  زوبا  جزيل شكري وفائق احترامي لتجاوبك السريع هذا لم يكن في حسباني فاجأني قلمك.........وأسعدني فكرك بارك الله بك

       
   
رنا   
   



حالياً لا تعليق لكنني سأضع الموضوع في موضع التفكير خاصة أن الأمر يعنيني باعتبار أن اسمي معسل تفاحتين  وشكراً رنا 

جزاكي الله كل خير رنا

بالفعل فكرة كتير حلووة و ان شاء الله بتكون مفيدة

بس سؤال؟؟

كيف معسل بدو يشارك بالحملة و هوي معسل 

    With My Best Regards................MHD

يا معسل التفاح  والله كلمة عسل أخف بالنطق وأحلى بالطعم  خليك عسل
وشاركنا بالفكرة ياعمي أنت حابب هالدخان لنفسك الله يسّرلك بس ما معقول ح تحبو لأبنك ولا لبنتك ولا ل...............ولا لبلدك  أنا واثقة من هادا الشي ألف بالمية وأكتر
فشاركنا لأجل من تحب وعافانا الله وعافاك والمسلمين مما ابتلاك

سيد مهد  الفكرة حلوة صحيح بس بدنا عمل حلو وما رح يحلى الاتكون مشاركنا بشي


وبالنسبةلمعسل مايهمك في بقلبو حب كبير لمين؟؟؟؟؟؟؟؟؟؟؟ما بعرف بس الحب عطاء  وهي حملة حب واذا كان عندو شي ما رح يبخل بتقديمو