عـــلـــي حـــيـــدر

بالنسبة لهالسؤال شاغل بال كتير ناس خاصّة إنّو مانذكر شي بالتعليمات التنفيذيّة عن المعسكر.. هو اللي صار حاليّاً إنّو انلغى تقديم المعسكر هالسنة بس مانلغى تكليف الطالب فيه يعني صار متل المواد الإداريّة مابيتخرّج الواحد إلاّ مايقدمو... بس اللي بعرفو بما إنّو ماورد شي عن المعسكر ضمن بنود اللائحة التنفيذيّة رح يعاملوه معاملة خاصّة هالسّنة غير المواد الإداريّة التانية وممكن كتير مايدخل ضمن حساب الترفّع لهالسنة حصراً.

بس اللي فيني إنصحك فيه حسب اللائحة التنفيذيّة إنّك تروح تقدّم طلب للجامعة بيشرحولك فيه وضعك لأن اللائحة التنفيذيّة نصت:
(على كل طالب لديه وضع خاص أو حالة خاصّة لم يشر إليها في التعليمات التنفيذيّة أن يتقدّم بطلب لكليّته يشرح فيه حالته ليتم النظر فيها)

والمعسكر فيك تعتبرو حالة خاصة ماوردت بالتعليمات فلازم تقدّم طلب مشان هالشي.
يعني بعون الله غالباً إنتي مترفّع
وان شالله كون قدرت ساعدك وجاوبك على سؤالك

موفّق

السلام عليكم
أنا طالبة في كلية الكيمياء
آجلت سنتين وسنة ماسجلت بهذا الترتيب:
سنة 2009-2010 سجلت كمستجد وبعدين آجلت لنفس العام
سنة 2010-2011 ماسجلت أبداً لأني ماكنت بالبلد
سنة 2011-2012 سجلت وآجلت لنفس العام
وهلأ بسنة 2012-2013 لما رحت سجل كطالبة سنة أولى قالولي أنو  أنا بعتبر راسبة 3 سنوات وعليهم رسوم وأنو علي ذمة لسنة 2010-2011 كمان مو مشكلة بدفع قد ماكان بس المشكلة أنو على الوصل مكتوب بجانب خانة (عدد سنوات الرسوب: مكتوب ايقاف) ما فهمت شي طبعا ولما سالتن عنها واذا كان بحقلي سجل هي السنة ولا لأ , كانت الاجابة : هلأ أنت ايقاف بس فيك تسجلي هالسنة , طبعا مافهمت شي وفتت بالحيط وبعدين مشيت
أرجوكم افـــــيــدونــــي هل يحق لي التقدم للامتحان هذه السنة وهل استفيد من المرسوم بالنسبة لسنوات 2011 و2012 أم اعتبر راسبة فيها
بانتظار ردكم

زهرة العلوم

هلّئ على حسب مافهمت على كلامك إنتي سجلتي كمستجدة 2009-2010 ووقفتي بنفس السنة ولنعتبر وقفتي وقتها سنة فقط.. لحد هون ولعند هالكلام هالسنة مو معتبرة رسوب.. وبيحقلّك سنة غيرها إيقاف فقط.

سنة 2010-2011 ماسجّلتي فيها ولا وقفتي فهالسنة بيعتبروها من مدد فرص مكوثك بالجامعة يعني بيعتبروها رسوب وبيحسبوها عليكي.

سنة 2011-2012 سجلتي ووقفتي هون نفس السنة 2009-2010 مو معتبرة رسوب ولا محسوبة من مدد فرص المكوث بالجامعة وبنفس الوقت مابحقلّك بعدها توقفي لأن صار عدد السنوات المتوقفة سنتين وهي الحد الأقصى المسموح فيه للتوقيف بالجامعة بالنسبة لوضعك.

وبالنسبة لمجموع عدد سنوات رسوبك لحد الآن بتكون سنة فقط وهي 2010-2011 واللي ماسجّلتي فيها.. ومو صحيح كلام الموظفين اللي قالولك معتبرة راسبة 3 سنين.. وإلاّ كنتي استنفذتي

المهم بما إنّك إنتي سجّلتي هالعام الدراسي 2012-2013 فبحقلّك تتقدمي بشكل طبيعي.

وبما إنّك السنة الماضية 2011-2012 كنتي موقفة التسجيل فمتل ماذكرتلّك مو معتبرة رسوب لأنّك وقّفتي فيها.

موفقة وإذا في شي مو واضح سألي عنّو.

السلام عليكم ...
أنا طالبة طب أسنان سنة 1 .. أجلت الفصل1 والسؤال أنا بقدر شي قدم المواد النظري متل العربي والانكليزي بنفس الفصل "يعني بعد 15 يوم " لما راحت للفصل التاني أو للسنة الجاية؟؟؟؟
وأنا أجلت من شهر تقريبا فيني استرد إيقاف التسجيل ؟؟؟
مشكورين سلفا ................ وأعتذر على الاطالة ..................