السّــــــــلام عليكم :

بعيد شوي عن الموضوع ... 

بدي اسألك وأستفسر منك عن إيقاف التّسجيل ..    

متى يتم تقديم طلب لإيقاف التّسجيل ....؟؟؟؟

وبسمع أحياناً عن إيقاف تسجيل لفصل واحد ...؟؟؟ بهالحالة مثلاً : كيف بيكون وضع الطّالب

يعني مثلاً : إذا عمل إيقاف تسجيل للفصل الأول , بعدين شو بيعمل ممكن مثلاً يقدم مواد الفصل التاني

بموعدها ...!!! وبعدين شو بيصير بمواد الفصل الأول يلي ما قدمهن وعمل إيقاف تسجيل ...؟؟

( فوتك بالحيط مو هيك  .... إن شاء تكون فهمتني .. ) يا ريت توضحلي أكتر غن إيقاف التسجيل ..؟؟

وشؤال أخير : إذا الواحد عمل إيقاف تسجيل , ممكن يلغي هاد الطّلب قبل الامتحانات ويقدم المواد ..؟؟

يا ريت تجاوبني على أسألتي إذا ما كان عندك مانع ... ومشـــــــــــــكور ســـــــــــــلفاً ..

نور الشااام...

بالنسبة لإيقاف التسجيل بالعادة هو طلب بيبدأ تقديمو من الطالب نفسو قبل شهر ونص من الامتحان وبينتهي قبل بشي إسبوع أو إسبوعين من بداية الإمتحان سواءً بالفصل الأوّل أم التاني.

وبصير الواحد يوقّف بأي فصل بدّو ياه سواءً الأوّل أم التاني..مثلاً وقّف بالفصل الأوّل بيرجع طبيعي بيقدّم مواد الفصل التاني.. ومابيقدر الطالب يتراجع عنّ هالطلب بعد تقديمو.. وما مسموح للطالب يوقّف التسجيل بالجامعة أكتر من سنتين ككل.

ملاحظة مهمّة كتير بالنسبة لإيقاف التسجيل: مابيقدر الطالب يوقّف التسجيل إلاّ مايكون مسجّل أولاّ بالعام الدراسي اللي بدّو يوقّف فيه بموعد التسجيل للعام الدراسي وبعدو فيه يوقّف السنة أو الفصل اللي بدّو يوقف فيه.. وإذا ماكان مسجّل بالسنة مابيقدر يوقّف نهائيّاً.

ماشي ..... شكراً كتير ... الله يعطيك العافية ..

بس في شغلة  أنو أنت قلت :

بالنسبة لإيقاف التسجيل بالعادة هو طلب بيبدأ تقديمو من الطالب نفسو

يعني بس الطالب صاحب العلاقة هوي بيروح وبيقدم طلب لإيقاف التّسجيل

يعني ما بيصير مثلاً : أنو حدا تاني يروح ويعملوا إيقاف تسجيل ..

- وشغلة تانية لو سمحت : ( استفسرت عنها بالمشاركة السّابقة بس أنت يمكن ما انتبهت )

أنو مواد الفصل يلي الطالب عمللهن إيقاف تسجيل .. إيمت يقدمهن ....؟؟؟؟

يعني مثلاً : عمل إيقاف تسجيل للفصل الأول , وقدم مواد الفصل التاني ..

مواد الفصل الأول إيمت يقدمهن ... ...؟؟؟؟ مشان يترفع ..

ومشكوووووووووووووور سلفاً عالإجابة ... والله يعطيك العافية عم نعزبك معنا 

نور الشااام...

بالنسبة لطلب إيقاف التسجيل لازم يكون من الطالب نفسو وممكن يكون من حدا تاني هو الوكيل القانوني للطالب فقط.. يعني ياأمّا الطالب نفسو ياوكيلو القانوني.

بالنسبة لمواد الفصل اللي وقّفو بيرجع بقدّمهن بالعام الدراسي القادم بالفصل الأوّل بعد مايكون سجّل بالعام الدراسي نفسو.

بالتوفيق

بالنسبة لمواد الفصل اللي وقّفو بيرجع بقدّمهن بالعام الدراسي القادم بالفصل الأوّل بعد مايكون سجّل بالعام الدراسي نفسو.

يعني بفهم من حكيك أنو الطّالب على هالحالة ما بيترفع

وبيرجع السّنة يلي بعدها ويضل بنفس السّنة ... هيك يعني , وبيقدم مواد الفصل يلي عملوا

إيقاف تسجيل ...

أنا هيك فهمت , صحيح هيك ولا لأأأأ

يعني بقدم مواد الفصل اللي وقفو بالعام الدراسي القادم بنفس موعد الفصل اللي وقفو السنة الماضية.

صحيح مابيترفّع لأن بهالحالة وقت بوقّف فصل بكون ماوصل للنسبة المطلوبة من نجاحو بالمواد لحتّى يترفّع لسنة بعدها يعني مابصير يكون حامل أكتر من 4 مواد من جميع السنوات بالنسبة للترفّع..

ماشي ... شكراً كتييييييييييييييييير

حذفت المشاركة السّــــابقة لأني كتبتها قبل ما شوف مشاركتك رقم 27

شكراً كتير عالتّوضيح ...  عزبتك معي ...

في بهذا الموضوع استفسار لأحد الأعضاء  بخصوص التأجيل في الجامعة

إذا بتحب تجاوب عليه بحكم معرفتك ...

ومشكور كتير عالتوضيح ... الله يجزيك الخير ... والله يعطيك العافية

هاد رابط الموضوع :

https://www.jamaa.net/art283942.html

بتمنالك التّوفيق والنّجاح ...

توقيف التسجيل مالو علاقة بالترفّع.. متل ماقلت بالمشاركة السابقة الشرط الأساسي للترفّع على سنة أعلى هو مايكون حامل أكتر من 4 مواد بالنسبة للترفّع النظامي...

وإذا الطالب وقّف تسجيلو فصل فغالباً مابيترفّع ولو نجح بكل مواد الفصل التاني لأن على الأقل بالفصل الواحد في شي 6 مواد أو أكتر وحمل 6 مواد مابيرفّع لسنة أعلى .. بس ممكن يترفّع إداريّاً بناءً على قرار الترفّع الإداري حصراً هالسنة لأن الترفّع الإداري قرار استثنائي لسنة معيّنة يعني مو دائم في حال ماتجاوز حمل أكتر من 8 مواد..

هلأ أنا حامل 8 مواد والمعسكر تأجل هالسنة فهل يعتبر من المواد الـ 8 ولا شو ؟؟؟