صدرت اللائحة التنفيذيّة وتعليماتها المتعلّقة بمرسوم الترفّع الإداري الصادر يوم الإثنين  بتاريخ 1/10/2012

للاطلاع على اللائحة التحميل من المرفق في الأسفل

أو من الميديا فاير على الرابط:
http://www.mediafire.com/?k0ww2xwq6begpmu

السلام عليكم

شكراعالقرار بس ما فهمت شي !!!

يعني بالمختصر شو مشان طلاب التخرج بس علامتين مساعدة او 6 علامات

؟؟؟؟؟؟؟؟؟؟؟؟؟

تم التثبيت اخي

صديقي رفعت الملف على الميديا فير حط الرابط باول الموضوع الاصلي مشان الزوار يلي من خارج المنتدى يقدرو يحملوا الملف لانو ملفك بالمرمفقات

http://www.mediafire.com/?k0ww2xwq6begpmu

بالتوفيق ان شالله

the forty

إذا قصدك عن نظام المساعدات حسب اللائحة داخل ضمن الترفّع الإداري يعني اللي حامل 9 مواد بالمجمل ووحدة منهن ناقصها علامتين عالنجاح بتنضاف لهالمادّة وبيترفّع أو 10 مواد ومادتين ناقصين كل وحدة علامة للنجاح بينضافوا العلامتين و بيمشي حالو.

بينما بالنسبة للمتوقّف تخرجو على 6 علامات مابيفيدو نظام المساعدات لأن المساعدة ب6 درجات للي رح يستنفذوا حصراً ومحتاجين 6 علامات لتنجيهن من الاستنفاذ.. بينما الترفّع والتخرّج على علامتين فقط.

*The Lord

تم وضع الرابط للزوار بالأعلى ضمن الموضوع

ملاحظة :  المرفقات في المنتدى متاح للزوار الملتقى ايضا ...
والرابط الميديا فير  لكي يتناقل بين الطلاب ويسهل تحميله  في أماكن اخرى

بالتوفيق للجميع

سؤال بس هلأ بالنسبة للمواد الادارية
المواد الاقل علامة بتعتبر ادارية  بالنسبة للمادة 2 الفقر آ

طيب بتعتبر المواد يلي مو مقدمهن ادارية أو,, الادارية تكون للمواد يلي مقدمهن بس اقل علامة و تحتسب المواد التانية نظامية غير ادارية ؟

*The Lord

صديقي بالنسبة للمقررات بيحسبوا مازاد عن الأربع مواد مواد إداريّة وبياخدوا العلامة الأقل من ال8 مواد اللي حاملهون بينما لو انوجد من هالمواد الحملة مواد مو مقدمهن بتم تحديدهون إداريّات بس مو دغري بدّو يقدّم طلب لعمادة الكليّة من هلّق ل1 الشهر الجاي كأقصى حد لحتّى يثبتوها بشعبة الإمتحانات مع المواد الأقل علامة لأن ضروري ينحسب مازاد عن الأربع مواد حملة مواد إداريّة.

raed_esmaeil

شكرا على الرد

يعني توقف تخرجنا السنة !!!!!

مرحبا عندي سؤال لو سمحتولي
انا طالبة سنة ثالثة في كلية الاقتصاد جامعة دمشق و قد ترفعت من السنة الثانية بنتيجة مرسوم الترفع الاداري رقم 375 للعام السابق الذي اتاح للطلبة الانتقال من سنة الى سنة اعلى اذا كان يحمل 6 مقررات على الاكثر و انا كنت حامله 5 مقررات و المقرر الخامس عد اداري و نص المرسوم انه يبقى هذا المقرر مع الطالب حتى النجاح به و التخرج اي ليس من المواد المرسبة او الالزامية للطالب ... فلم اتقدم لاختباره في هذا العام
و انا الان في السنة الثالثة و معي 8 مواد غير هذا المقرر الاداري و مع المقرر الاداري يصبحون 9 مواد هل اترفع بنتيجة المرسوم الجديد او لأ ؟؟ ارجو ان تفيدوني
و ان كان لا هل من المعقول انو يقولوا لنا انو الماده الاداريه الي معكم فيكم امتى ما بدكم اتقدموا و بعدين يحسبوا من ضمن المواد المنصوص عليها في هذا المرسوم ارجو من لديه نفس وضعي ان يشارك ايضا حتى نشوف شو فينا نعمل بهالخصوص ... لحصد اكبر عدد من المتضررين لمثل هذه الحاله لتوحيد الصف للعمل معا لتغيير هذا الوضع لما فيه فائدة للجميع و الله ولي التوفيق
ارجو من القائمين على الموقع تثبيت هذا الموضوع