زهرة البنفسج...

بالنسبة لكاتب المقال اللي هو قاعد برا سوريا واللي مدفوعله من بندر والحريري وخدام والمتآمر مع اميركا واسرائيل وقطر وموزمبيق وتنزانيا ورواندا الديمقراطية فبحب قلك انو هالحكي مو صحيح ابداً لان الموضوع انا كاتبه ومو ناقل ولا حرف منه من أي مكان ( عدا الفقرة اللي ذكرت مصدرها من عرب 24 ومن سيريانيوز ) علماً انو انا سوري وعايش بسوريا وعمري ما طلعت من سوريا وبعرف كتير منيح شو عميصير بسوريا..

المهم

انا ما بعرف كيف فهمتي كلامي ؟ ! !

بس بدي قلك انو مو مهم بس نحكي..المهم نعرف شو عمنحكي ! ونكون أول شي نحن مقتنعين باللي عمنقوله...وطبعا ظهور رواية او رأي أو موقف على قناة الدنيا لا يعني قرآنيته..

انا لما قلت انو مافي بيوت عزاء بكفرسوسة ما كنت بقصد انو ما صار انفجار والنظام بريء ! كنت بقصد انو من المؤكد يكونوا المدنيين اللي انقتلوا بالحادثة هن من أهل المنطقة أو نصن كأبعد تقدير خصوصي انو بهالوقت وبيوم جمعة ما حدا بهالايام عميطلع من بيته..وعدم وجود بيوت عزاء هاد كلام مصدره من أهل المنطقة ومن ناشطين بالمكان ومو مصدره من اسرائيل او من القادعة الاميركية في قطر...

وهون بيخلق عنا سؤال مهم وأساسي..اذا كان الضحايا مو من أهل المنطقة فمين هن المدنيين اللي ظهرو بالمقاطع ؟ وكيف تم " احضارن " وليش - متل ما قال المحللين - الدم متعفن مع العلم انو الصور كانت بعد الانفجار بدقائق...وليش النظام شوش عالجزيرة والعربية بعد التفجيرات مباشرة ؟ وليش دفن الجثث بسرعة بدون اجراء التحاليل والفحوصات الضرورية ؟

ولو كانت القاعدة أكبر مجرمين العالم فهاد مو شرط يعني انو هن اللي فجرو بكفرسوسة..وانا ما عباعطيهن البراءة المطلقة وشهادة العفاف والنقاء لكن اللي قلته انهن بريئين من هالحادثة أما كونهن منظمة ارهابية أو اجرامية فهاد بحث تاني ما اله علاقة بموضوعنا..

بتمنى تفكري بردودك منيح قبل ما تضغطي " ارسال "

فصل آخر...

اتهام النظام ( السريع ) للقاعدة جاء بعد أيام من تصريح لفايز غصن وزير الدفاع اللبناني فايز غصن عن وجود تنظيم القاعدة في بلدة " عرسال " على الحدود اللبنانية السورية...

لكن تصريح رئيس الوزراء نجيب ميقاتي ( المحسوب على حزب الله الحليف القوي لسوريا )  كان كالتالي :

"ليست هناك أدلة ثابتة حول وجود تنظيم القاعدة في عرسال"

وأضاف "في ليل 21 تشرين الثاني/نوفمبر، دخل الجيش بلدة عرسال بناء على معلومة عن وجود شخص فيها قد يكون مرتبطاً بتنظيم إرهابي دولي، لكن لم ترد معلومات عن وجود جماعات منظمة أو تنظيم معين".

وتابع "باتت كلمة القاعدة توصيفاً عاماً يطلق بمناسبة أو من دونها، والحديث عن وجود معلومات لا يعني أنها باتت حقيقة قائمة".

وأكد أنه "لا يجوز التعاطي مع هذا الموضوع الحساس والدقيق على نحو يضر بلبنان. وبالتالي فإن الأجهزة الأمنية التي كلفت التدقيق في المعلومات ستحمل الى اللبنانيين الخبر اليقين".



عندما نقرأ هذا التناقض الواضح بين كلام الوزير فايز غصن ورئيس حكومته ميقاتي يستحضر في البال سؤال...هل كانت تصريحات غصن سابقة للتفجيرات بصدفة محضة " كما تأسيس الموقع المزور من قبل النظام للاخوان المسلمين ؟ " أم انها بتنسيق بين سوريا والوزير للتغطية على التفجيرات " المعد لها مسبقاً "

علماً أن فايز غصن ينتمي لتيار المردة اللبناني الذي يقوده سليمان فرنجية وهو تيار سياسي موالي للنظام السوري...

مارح دافع عن حدا ولا اتهم حدا لأنو ربنا بس هوة إلي بيعرف مين هادا المجرم أما تحليلاتك فأنا سمعتا عالجزيرة وأخواتا وبالنسبة للمستفيد فأكيد مو النظام ولا الجيش
أما عدد القتلى فبإمكانك بس تروح لهنيك وتلقي نظرة عالأبنية ودار الأيتام والأمن السياسي وشوف الدمار
إذاأبنية تدمرت فالبشر شو صار فين ياترى والمكرو إلي كان مارق ومابقي جواتو غير بقايا دماغ و
والجرحى إلي بالمشافي
بإمكانك تروح وتسأل بعدين تكتب

مابدا الشغلة تحليل كتير واضحة إلي مفجر حالو بالسيارة واثق إنو رح يموت شهيد باعتقادوا طبعا
بقى مييييين
حزروا

مارح دافع عن حدا ولا اتهم حدا لأنو ربنا بس هوة إلي بيعرف مين هادا المجرم أما تحليلاتك فأنا سمعتا عالجزيرة وأخواتا وبالنسبة للمستفيد فأكيد مو النظام ولا الجيش أما عدد القتلى فبإمكانك بس تروح لهنيك وتلقي نظرة عالأبنية ودار الأيتام والأمن السياسي وشوف الدمار إذاأبنية تدمرت فالبشر شو صار فين ياترى والمكرو إلي كان مارق ومابقي جواتو غير بقايا دماغ و والجرحى إلي بالمشافي بإمكانك تروح وتسأل بعدين تكتب


لتكوني بتقصدي هاد الدمار :



طبعاً غباء النظام بالفبركة هو اللي خلا هالتحليلات وكتييير غيرها تظهر هون او على الجزيرة...طبعاً رواية النظام كانت انو العملية كانت تفجير 50 كغ TNT وفي خبراء عسكريين بيعرفو أضرار هالكمية لكن النظام منع واحد من هالخبراء يدخلو مكان التفجير وقام بكل شي أفراد تابعة للنظام فقط....مو انتو بتقولو انو سوريا بلد مؤسسات وبيجنن وسوريا بخير..وين هالمؤسسات المدنية المستقلة اللي ما بتاخد أوامرها من المخابرات اللي عاينت الواقع وكتبت تقرير كامل عن الحادثة ؟ وبرجع وبسأل ليش ما حللو الدي ان اي لكل واحد من الشهداء ؟



مابدا الشغلة تحليل كتير واضحة إلي مفجر حالو بالسيارة واثق إنو رح يموت شهيد باعتقادوا طبعا بقى مييييين حزروا


انتي شفتي واحد جوا السيارة وعبيفجر حاله فيها ؟
انتي أكيد ما شفتي لان كنتي ببيتكن...وانا كمان كنت ببيتنا...بس معقول فرع أمن بسوريا وبهاالاحداث اللي وصّلت الكاميرات لمراحيض كلياتنا ما يكون في كاميرا مراقبة تصور السيارة ؟
وانا شو بيضمنلي وبيقنعني انو الحادثة هي تفجير سيارة مو شخص ميت تحت التعذيب وقام النظام بوضعه بسيارة مع متفجرات وتم التفجير عن بعد ؟ وين التحقيق اللي بيقللي انو كلامي هاد هو غلط ؟

مشكلتك انو لما بتكتبي ردودك بتحطي ببالك فكرة انو النظام على حق وبتكتبي كل شي على أساس هالفكرة وهاد شي غلط وهو سبب المغالطات الكبيرة اللي بكلامك........

وأنا معك بإنو من حقنا نعرف شو صار بالضبط ويتم عرض كل شي ولهيك رح قول
عندما ينجلي الغبار تعلم أتحتك فرس أم حمار
بكرى بدوب التلج وببان المرج
والله ينتقم من إلي عمل هيك شر انتقام
على فكرة أنا كنت نايمة وفأت عالصوت مفزوعة
والله يظهر الحق عن قريب

زهرة البنفسج

أستحلفك باالله العظيم أجيبيني هل أنت مقتنعة بالكلام الذي تقولينه إذا كنت مقتنعة ضعي كل التحليلات جانبا وجاوبي الأخ الرسم بالكلمات على سؤال واحد تم تجاهله أكثر من مرة لماذا لم يتم فحص دي إن اي للجثث التي لم يتم التعرف عليها؟؟

وإذا كان سيتم التحقيق من قبل هذا النظام فلا أعتقد أن الغبار سينجلي أبدا....

روايات عن افعال سلب وسرقة وخطف تحدث وتوجه اصابع الاتهام الى شباب الثورة فكل جريمة تحدث يقال هذه الحرية التي يطلبونها نحن شباب لانقبل بهذه الافعال والسبب الوجيه لحدوثها هو انشغال كافة القوى والدوائر الامنية في قمع المظاهرات السلمية

واما بالنسبة لحادثة كلية الهندسة فنحن نشجب بشدة الأعمال الإجرامية من اي طرف كان وخطأ شاب متهور لا يمثلنا

نحن سنبقى على سلميتنا مهما قتلو ومهما شنعو فينا 

ليسقط ماتبقى من  القناع عن اجرامهم في حق شباب ابى الظلم والذل لأهله