السلام عليكم ورحمة الله وبركاته


حبيت اني أناقشكم بموضوع حلو كتير هالليلة ، وأبتغي من ورائه الأجر والفائدة لكم ..

وهو عبارة عن سؤال للشباب وسؤال للصبايا ..بس بشرط نتحاور بصراحة وناخد الفائدة

الشباب .. بتصلوا الفجر في المسجد ..؟
الصبايا .. بتربطوا منبهاتكم لصلاة الفجر ولّا بتروح عليكم الصلاة..؟


يلي ما بيعمل بدو يحكيلنا الأسباب يلي بتمنعوا من عمل الشي

يلا بدنا تفاعل


..................

قال الرسول صلى الله عليه وسلم :" بشر المشائين في الظلمات إلى المساجد بالنور التام يوم القيامة » [رواه أبو داود والترمذي وصححه الألباني].

وقال عليه أفضل صلاة أيضا:" من صلى البردين دخل الجنة " والبردان هم الفجر والعصر

وقال رسول الله صلى الله عليه وسلم:( من صلى الصبح في جماعة فهو في ذمة الله تعالى.)

يارب ينفك أسر المشاركة

بدي ألخص الموضوع

الشباب .. بتصلوا الفجر في المسجد ..؟
الصبايا .. بتربطوا منبهاتكم لصلاة الفجر ولّا بتروح عليكم الصلاة..؟

طيب أوك نحنا الشباب ما بسير نصلي الصبح بالبيت
ياربي
بدوا الواحد يفيأ ويتوضا ويطلع برات البييت وليييييييييي عالبرد
ودائما  يطولو الصبح مشان يقيموا الصلاة
أنا من جهتي رح صلي بالبيت
مع الاحترام والتقدير
والله يفك أسره

بالرغم من اسر المشاركة 

سأجيب بناء على الرد 

بعد أن من الله عليي بالاستقامة أصبحت أصلي الفجر بالمسجد

فقمت ومجموعة من الاصدقاء بإنشاء قائمة من أجل أن نتصل ببعضنا البعض "تعليم أو إتصال حسب نوم الشخص" لكي نستيقظ لاداء هذا الفرض بوقته وبجماعة إنشاءالله

وهكذا كل يوم 

ونتمنى من الاخوة ان يحذو حذونا وكذلك الاخوات 

بالتوفيق  وشكرا على التذكرة 

شكرا أخي الوسيم على التفاعل ..

وكتير حلو انك طرحت الاسباب ومنها البرد ..

وممكن انا فهمت من حكيك انو بيطولوا ليقيموا الصلاة وهادا سببه انهم بينتظروا الناس مشان يعطوهم فرصة ليحضروا الصلاة ..

بس برأيي في حل للبرد ..انو تلبس معطف وتحط اللفحة والطاقية الصوف "متل ما بيعمل اخي" ^_^

وهيك بتكسب الاجر ..

احترم رأيك ..اللهم وفقنا جميعا للخير

أهلا بك اخي شبل العقيدة

رائع ..رائع ... أحب هذه المجموعات من شباب المساجد التي تحث بعضها..

ادعو الله ان يثبتكم على هذا وأن يهدي بكم الآخرين ..

انا الحمد لله وبفضل الله كل يوم بربط المنبه على صلاة الفجر...

بس بعد ما يفيق كل البيت على صوت المنبه ويجوا على غرفتي يبهدلوني ساعتها بفيق من الرعبة

بس المهم اني بفيق... وبفيق كل البيت معي وباخود ثوابهم

شكرا الك اخي عالموضوع والله يثبتنا ويهدينا ويهدي الجميع

أنا الحمد لله بصحى عالفجر و مأحلاني
بس عنجد الرجال لازم يروحو عالجامع عالفجر؟ يعني فرض ولا سنة؟

حلو الموضوع كتييير..

أنا الحمدلله بفيق,,

يعني متل ما منقوم كل يوم الصبح مشان المدرسة"يعني أنا"

أو الجامعة"يعني انتو"

لازم نحاول كمان مشان الصلاة..

و على سيرة الشباب..

بحس الشاب اللي بيصلي الفجر بالجامع بيكون منيح بكل شي,,

الله يهدينا كلنا..

السلام عليكم

أنا كنت ملتزم بالصلاة بالجامع
                                         
بس آخر فترة صارت تروح عليي الصلاة
                                                             
هي صعبة شوي الفيقة وقت ما بكون معك حدا بالبيت يفيقك
                                                           
بدي صير نام بكير

=================

على شغلة إذا كان صلاة الفجر فرض أو سنة

الصلاة بالجامع بالأساس هامة

ما بعرف شو الحكم الشرعي من عدم الصلاة بالجامع

بس يلي بعرفو أنو رسولنا الكريم عليه الصلاة والسلام ما قبل للرجل الأعمى يلي طلب منو يأذنلو بعدم الصلاة بالجامع لأنو صوت الأذان بيوصل لبيتو

وكمان يلي ما بصلي الفجر والعصر بجماعة يخشى عليه من النفاق