ليش يا ربي خلقت خيانة حوا

ومن بعد نصّ العمر شو رح قول
ضيعان الهوى ؟
هالقلب انكوى
ولا لقيت بلسم للجراح
ولا دوا...
من بعد نص العمر
وغناني القمر
بليالي السهر
ترندح قصيدة حب ما بتشبه حدا
إلا الصدى
ودقات شي قلب انكسر .
تواضعت قدّ ما بقدر أنا
وما ضلّ فييّ شي إلا وانحنى
كرمال حب يمكن بلحظة يختفي
وشموع ضوّيتا لحبي تنطفي
وأنا
أنا اللي كنت معتقد إني أنا
كرمال حب عم ضحي بليالي الهنا
وينو الهنا ؟
وين السعادة والفرح
"تخمين هالقلب انجرح"
يا حسرتي إن حسّيت من بعد العمر
إني انحنيت لصورتك مش للعشق
وإني انهزمت وقلبك القاسي انتصر
متل الصخر متل الحجر .
متل جبل صوّان قلبك
ما نبت فيه العشب
ولا ورود سحرية
شو هالقلب المكلل بأشواك
من بعيد منشوفا ورود جورية
وين الورد؟
وين القمح؟
وزهور برّية...
ما بيشبه بهالدني قلبك إلا الجرد
وتلال منسية.
من بعيد شفت غراب حاملّي إلي
مكتوب بظرف أسود مخملي
بقلبو هموم هموم
وحكايات
وحروف متل اللغز مكتوبة
وشكوى بسّ للربّ وعتوبة
ليش يا ربّي خلقت خيانة حوّا؟
ياريت
و اعلوّا
لا جيت عالدنيا ولا شفت ظلم الناس
ولا ربيت عالصدق
ووعيت عالوسواس
إنو بهالدنيا في حبّ !
لا يا ناس
كومة كره هالكون
بمية لون ولون
نحنا عم نصيغو
ونزيّنو بألوان مرغوبة
ونرشرشو بالمسك وطيوبة
وبالقلب دمعات مسكوبة
إيييييه
وليش يا ربي خلقت خيانة حوا ؟
مع خالص احترامي لكل بنت صادقة

جيد أن المشاركة مخفية .. كنت سأعترض على العنوان

‏"‏ لا يسأل عما يفعل "
طبعا ما راح أحكم عل الموضوع بدون ما شوف الموضمون
أنا من ناحيتي أقول :
الحمد لله ياربي يلي خلقت حوا

‏"‏ لا يسأل عما يفعل "
طبعا ما راح أحكم عل الموضوع بدون ما شوف الموضمون
أنا من ناحيتي أقول :
الحمد لله ياربي يلي خلقت حوا

آسف عل الرد المكرر
بس العنوان يخلي الواحد يفوت معصب
ان شالله يكون المضمون غير العنوان

اسف لتغييري عنوان الموضوع
لان بالفعل غير صحيح . اعتذر مرة اخرى

بالفعل "ضايع بالهمك"

الواحد بيفوت معصب .. وتعرف! هاي نعمة من الله ، لو ما عصبنا ، بيكون عندنا خلل

ما بنظلم صاحبنا يلي حط الموضوع لأنه ممكن المضمون غير

بس كمان كان لازم كل واحد فينا ينتبه للعناوين والجمل يلي بيكتبها

لا لا تروح لبعيد أنا حكيت
انو ما راح أحكم على الموضوع قبل
ماشوف الجوهر
بس جهز حالك أخي الكريم
يمكن تنفتح عليك جبهة نسائية
لا قبل لك بها
وساعيتها الله يحمل معك

نحنا بانتظار الموضوع لحتى نفتح الجبهة عليك      

والقى اذا بتلقى    

الله يستر يارب
بس اكيد رح تعذروني بس تشوفوا الموضوع .
تقبلوا مروري