اللي بدو يحضر هالفيلم لايف ومباشر عالهواء

ينزل ع درعا او ع حمص او او...

وبشوف كلشي صوت صورة


                               
                                 
                                   

مرحبا...

كلنا أكيد ما بدنا الموضوع يتسكر...وأنا كنت مقررة ما شارك بالموضوع غير مرة وحدة وبس...بس ما ئدرت...أنو مو حلوة مني ما جاوب على سؤال شيماء والأخ أبو فراس...

فبدي أعتذر ومسبقا من Compelling dark
ووعد أني رح جاوب بكل رواق وبكل صدق وشفافية...

أول شي أنا ما بتابع أخبار إلا نادرا...وبحضر الدنيا شوي بس مو كتير...وهي أول نقطة...يعني المعلومات يللي عندي يا شيماء مو من الإعلام...

تاني شي...لما بلشت الأحداث بدرعا...ومن مصدر كتيييير موثوق...كانوا شباب ورجال الأمن (الأبطال واللي أنا كتير بحترمهم)...كانوا قبل ما يطلعوا على درعا يسلموا سلاحهم بالمركز وبعدها يطلعوا على الموت برجليهم...بس لما زادت الئصة عن حدها وصارت حرب عصابات وتخريب ونهب وحرق وكسر وخلع...كان لازم يدخل الجيش العربي السوري ويحل الموضوع...

تالت شي...بالزبداني(أنا ماني ساكنة بالزبداني)...بس بيت خالتي ساكنين فيها...أول نهار صارت فيه مظاهرة...بعد صلاة الجمعة طلعوا شي 50 شخص وبلشوا يهتفوا...وكان الوضع كتير عادي وسلمي...ورجال الأمن وقوات حفظ النظام كانوا واقفين على جوانب الطريق وعم يحرسوا المتظاهرين  طالما هنن سلميين...وبعد شي عشر دقايق نزلوا أهل مضايا(مضايا جارة الزبداني...ومعظم السكان فيها بيشتغلوا بالتهريب ومعهم سلاح)وبلشوا شغب وإطلاق نار...فاستشهد اتنين من رجال الأمن وشب من الزبداني...

رابع شي...وكمان من مصدر كتييير موثوق...وأنا حكيت بالبداية أني مارح أكذب ورح أحكي بكل صدق...الئصة بتئول أنو أم لسبع شباب كانت جارتنا ئاعدة عندها...بعد الظهر برمضان...نادت لولادها الشباب وئالت يلا روحوا انزلوا تظاهروا شي عشر دقايق وجيبولنا  شي 7000 أو 8000 ليرة...بدنا نفطر لحمة اليوم...شو الرئيس بشار بيطعمينا لحمة...

خامس شي...هالمرة الئصة من مهندس رفيق أخي...هاد المهندس مستلم مشروع وعندو مجموعة من العمال(شي 20 عامل) أصلهم من دير الزور ...إجا أول الشهر...يمكن كنا بالشهر السادس(حزيران)...حاسبهم وعطاهم كامل الحساب...ولما إجا تاني نهار...ما لقى غير شبين تلاتة...فسألهم أنو وين رفئاتهم...جاوبوه أنهم سافروا عالدير منشان يتظاهروا...لأنو هوي عم يعطيهم باليوم ألف ليرة...وبالمظاهرة(خمس دقايق)عم يقبضوا بين 3000 و4000 ليرة...

ولسا في كمان ئصص وكتير كمان...بس هدول يمكن صاروا بيكفوا... 

وعلى فكرة هي الصحفية البطلة...ليش ما بتحكيلنا شوي عن فترة الاحتجاجات اللي صارت ببريطانيا(بلد الحرية والديمقراطية)...وعن حملات الاعتقال الواسعة والتمييز العنصري والعنف ضد فئة معينة من المواطنيين البريطانيين...قبل ما تجي وتتشاطر علينا وتعمل حالها ملاك بدو خلاص الشعب السوري...ولا برأيها السلطات البريطانية معها كامل الحق أنها تعتقل وتلاحق وتعنّف...بس الأمن السوري ممنوع يحافظ على حياة السوررين الأبرياء وممنوع يتدخل لحتى يحاسب المجرمين والمسلحين ومثيري الشغب...

مايسترو صديقي

لقد راينا السفير فورد كيف استقبله (البعض)بالورود
وكيف استقبله اخرون بغير ذلك وماحدا (قوصوا )واتهمكم فيه ............!!





قلنا (المؤيديين استقبلوا السفير الامريكي بالبيض والبندورة)
نقولها ولا نخجل صدقني !!!!!!!

أخت أنجل..

ياعيني قلتلك شفتي بعينك؟؟..

ماقلتلك سمعتي قصة من مصدر موثوق..

لأنه ممكن يكون شبيح بلباس مدني عم يتقاضى أجر عن طريق شبيح تاني كمان لابس مدني ..بيشوفوه الناس بقولوا... المتظاهرين عم يقبضوا مصاري..

وفي من هالشبيحة ناس عم تكون عالكتاف محمولةوعم تهتف بين المتظاهرين وهنن بالحقيقة مخبرين..

وفي ناس من الأمن.. عم يضربورصاص عالجيش لحتى الجيش يفكر في عصابات ويبلش ضرب عالمظاهرة..يعني حتى لو سمعتي قصة ممكن تكون مفسرة تفسير غلط.. ولو شفتي بعيونك كمان ممكن تكون القصة مخالفة للفكرة يلي ببالك..

ومشان هاد يلي عم ينزل ليجيب كم الف وياكل لحمة!!! انا بمزح مع رفقاتي بقلهن شو يا جماعة بندر مابعتلنا الراتب هالشهر!!!

يعني والله مابعرف شو بدي قلكن بس فتحوا عقولكم ..اعرفوا تاريخ النظام بتعرفوا وقتها شو ممكن يعمل وياريت يارييييييت كل واحد يحط حاله محل الناس يلي عم تموت

فنان سامي

يلي لمستك تضيف جمال للموضوع دائما

فهمني ليش السفير الامريكي موجود عنا اصلا مادام نحنا بلد ممانعة وأمريكا "لعنة الله عليها!!!" هية الشيطان والعدو الأكبر؟؟؟؟

ليش السفير ماكام مقلع من قبل؟

كيف سنرى من في عائلته عنصر بالجيش وعنصربالامن

وكلاهما يتعرضان لنفس الاساليب القذرة من هجوم على المواقع الامنية والعسكرية و............الخطف والتعذيب


يعني آخر شي بيكون الاخ ممكن يقتل اخوه او ابوه او صديقه


اي شو هالحكي ..........
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عفوا .............




اكياس الرمل مو للفرجة امام المواقع العسكرية والامنية

لانه اكياس الرمل للاحتماء من الرصاص وليس من الهتافات...!!


وهذه موجودة امام كل موقع ...........في سوريا





آنسة شيماء .............
لم السفير موجود لانه وبعد استقباله بالورد في حماه
يبدو ان البعض ايحبذ وجوده............

وايضا كما لدينا مواطنين في امريكا وليس لدينا مثلهم في اسرائيل
لذلك نفتح للامريكي سفارة ولا نفتح سفارة لاسرائيل
كما مصر وقطر والاردن وغيرها ..............جنوب السودان الحرة



ولما بيطاول الامريكي او غيره شغلنا بيكون تمام التمام ..............مو ورود!!!!

أي شو هاد يا شيماء...بصراحة أنا ما كان بدي عصب...بس وحياة الله بتخلوا الواحد يعصب غصبا عنو...

أول شي أخت شيماء أنا ماني عينك...وبلاها كلمة شبيح بيكون أحسن...

تاني شي...بصراحة أنتي شيماء ئاعدة عم تحكي وتحللي وتشرحي وتزيدي وترسمي سيناريوهات وتوضعي خطط واسترتيجيات...أنو على أي أساس...كنتي عم تنزلي عالمظاهرات شي...ولا مجرد كلام سمعتيه...!!!!!

وتاريخ النظام أشرف من الشرف نفسه...فرجاء شيماء بلا تنظير وحكي فاضي ومزايدة على حب الوطن وحب الشعب... 

هههههههههه.. اللهم صلي عالنبي

ليش انجل لنكونالإخوة الأعداء مثلا لا سمح الله!! المفروض الاختلاف لا يفسد للود قضية

!!

شو لكن بدلكلمة شبيح؟؟ عوايني؟؟ متعاون مع النظام بكون افضل..

طيب شورأيك انا جبلك قصص كمان؟؟ نشتغل نقل قصص؟

شو يلي عصبك بالموضوع ؟؟ إني عم حلل ؟ شغل مخي؟ تاريخ النظام شفناه بحماه ومن وقتها لهلأ في ناس بتنسجن وبتتعذب للإشتباه بكونهم إخوان!!!

والله الله يعطيه العافية هالنظام ماسك البلد خايف عليهن يخافوا الله

عيب شو هاد عنجد عيب شو يخافوا الله

الله سوريا بشار وبس!!!

سامي جاوب

عقد السؤال

ليش ما قلع النظام السفير الأمريكي من زمان؟؟؟

مو نظام ممانع؟

وامريكا تدعم اسرائيل؟؟

أخت أنجل..ولا بلاها اخت كمان ..!!

خلص

انجل..

ليش عم تقولي مجرد كلام سمعته؟؟؟ انا عندي مصادر موثوقة كمان !! مثل مصادرك!! شو منفرق عن بعض؟

روحي افتحي اليوتيوب وشوفي باب السباع كيف الناس طالعة من المسجد !! عم تركضمن الرصاص يلي جاية من الحواجز تبع الامن يلي قال سامي كياس الرمل فيها مو لتصد الهتافات!!