الحب المفقود اذا ممكن ساعدك
بماانك عم ترتب ابجدية رح حاول ساعدك
بس عفكرة....رح يصير موضوع ضخم
......................
......................

   

أنا و سهرانة - الأخوين رحباني

أنا و سهرانة وحدي بالبيت
على السكيت و متل الضجرانة
مشية قريبة طقت عالدرب
قلت يا قلب جايي حبيبي
قمت و ضويت زحت البرداية
تيشوفا الجايي و شعشعت البيت
رتبت المزهرية هييت قلوب السكر
حطيت الشال عليي و لبست العقد الأحمر
و نطرت الباب تالباب يدق
و القلب يدق و ما دق الباب
و المشية بعدت بعدت بالليل
محاها الليل بعدت و بعدت
أنا سهرانة و طفيت الضو
و طلع الضو أنا و سهرانة

الأوضة المنسية - الأخوين رحباني

ليل و أوضة منسية و سلم داير مندار
عليت فينا العلية و دارت بالسهرة الدار
و العلية مشتاقة عا حب و هم جديد
فيها طاقة و الطاقة مفتوحة للتنهيد
وضوية البيوت تنوس فانوس يسهر فانوس
و انت بقلبي محروس بزهر الحرقة و النار
يا ريت الدنيي بتزغر و بتوقف الأيام
هالأوضة وحدا بتسهر و بيوت الأرض تنام
و تحت قناديل الياسمين انت و انا مخبايين
نحكي قصص حلوين و لا مين يدري شو صار
يا أوضة زغيرة زغيرة فيها الحب تلاقيت
أوسع من دنيي كبيرة و أغلى من ميت بيت
تعبانة و بدي حاكيك حاكيني الله يخليك
نقلني عا شبابيك الليل و عسطوح الدار

أنا لحبيبي - الأخوين رحباني

أنا لحبيبي و حبيبي إلي
يا عصفورة بيضا لا بقى تسألي
لا يعتب حدا و لا يزعل حدا
أنا لحبيبي و حبيبي إلي
حبيبي ندهلي قلي الشتي راح
رجعت اليمامة زهر التفاح
و أنا على بابي الندي و الصباح
و بعيونك ربيعي نور و حلي
و ندهلي حبيبي جيت بلا سؤال
من نومي سرقني من راحة البال
أنا على دربو و دربو عالجمال
يا شمس المحبة حكايتنا أغزلي

اسوارة العروس - جوزف حرب

اسوارة العروس مشغولي بالدهب
و انت مشغول بقلوب يا تراب الجنوب
رسايل الغياب مكتوبه بالسهر
و انت بالعز مكتوب يا تراب الجنوب
و بتولع حروب و بتنطفي حروب
و بتضلك حبيبي يا تراب الجنوب
اللي حامل عكتافو زيتون و سنابل
قلعة بحر صور صخرة جبل عامل
اللي حامل وراق شعرا و عشاق
القمر مخبيلن لعراسن خواتم ما بيقدر يحمل ظالم
و شو ما اجا شعوب و شو ما راح شعوب
كلن راح بيفلو و بيبقى الجنوب
لما بغني اسمك بشوف صوتي غلي
ايدي صارت غيمي و جبيني علي ... يا جنوب
الشمس بتطلع سودا و بيبس الموج
اذا بفكر انو ترابك مش الي
و يا شعب الشعوب الأقوى من الحروب
بتبقى اذا بيبقى يا شعب الجنوب

انا خوفي - الأخوين رحباني

أنا خوفي من عتم الليل و الليل و حرامي
يا حبيبي تعا قبل الليل و يا عيني لا تنامي
يا حبيبي لا تغيب كتير تتأخر ليليي
لا بدي هدايا خرير أسوارة عيديي
بدي من عشيي نقعد بالسهرية
و صوتك يضحك ملوا البيت و يضوي أيامي
وعدوني عيونك بالنوم رجعوا سهروني
و راح اليوم و ميت يوم ما عادوا سألوني
قلتلك نسيوني راحوا ما حاكوني
إذا عرفوا فينا الحلوين يا حلوى بتنلامي

أهواك - زكي ناصيف

أهواك بلا أمل و عيونك تبسم لي
و ورودك تغريني بشهيات القبل
أهواك و لي قلب بغرامك يلتهب
تدنيه فيقترب تقصيه فيغترب
في الظلمة يكتئب و يهدهده التعب
فيذوب و ينسكب كالدمع في المقل
في السهرة أنتظر و يطول بي السهر
فيسائلني القمر يا حلوة ما الخبر
فأجيبه و القلب قد تيمه الحب
يا بدر أنا السبب أحببت بلا أمل

استنيري

إن الملاك تفوه نحو المنعم عليها
أيتها العذراء النقية إفرحي و أيضاً أقول إفرحي
لأن إبنك قد قام من القبر في اليوم الثالث
إستنيري يا أورشليم الجديدة لأن مجد الرب قد أشرق عليك
إفرحي الآن و تهللي أورشليم
و أنت يا نقية يا والدة الإلة اطربي بقيامة ولدك

اومن - الأخوين رحباني

اومن أن خلف الحبات الوادعات تزهو جنات
اومن أن خلف الليل العاتي الأمواج يعلو سراج
اومن أن القلب الملقى في الأحزان يلقى الحنان ... كلي إيمان إيمان إيمان
اومن أن خلف الريح الهوجاء شفاه تتلو الصلاة
اومن أن في صمت الكون المقفل من يصغي لي
أني إذ ترنو عيناي للسماء تصفو الأضواء تعلو الألحان ... كلي إيمان إيمان إيمان

إيام العيد - الأخوين رحباني

بهالعيد بدي قدم هديي لا دهب لا ورود جوريي
طالع عابالي ضم زهرة و قلب و قدمن للعيد عيديي
يا عيد يا طالل مع الألحان بالخير بزهور الهنا حليان
عالناس كل الناس وين ما كان تشرق سعادة و شمس مضويي
و بيوتنا اللي مشرعة للعيد فيها الألفة كل يوم تزيد
تنعاد و مواسم الخير تعيد عابلادنا بألف غنيي
يا ربي تزيد خيرك و تعيد
عالدنيي كلا إيام العيد
هلت بشاير ما جت حراير
و الطير الطاير غنى للعيد
وضويي و زيني بسحرا تغويني
بدو يلاقيني بيوم العيد
يا زنبق عالي بخصرو يلالي
و يموج قبالي و يرقص للعيد