ميمي مود

لا تاخدها بحساسية

دخيللك ما تجيبلنا سيرة المسلحين

خلي الشباب والصبايا مبسوطين


ومشان ياسر

هوه بيعرف شغلو

لما يلاقي الموضوع لازم يتسكر

اكيد مافي حدا رح يمنعوا

سبحان الله
سبحان الله

سبحان الله

سبحان الله

سبحان الله

سبحان الله

سبحان الله

سبحان الله

والله انا من جهتي ماخليت حدا بالجامعة الا وقلتلو عالمسيرة ...... مشان اذا كان منحبك جي مايروح عحالو شرف المشاركة ....
واذا العكس مشان يضل بالبيت ويتفرج عالملايين
بس انشالله ماياخدو تفقد مين راح ومين ماراح.....!


لاحلى وزيرة انا بدرس هندسة مو رياضيات ....يعني بنفد عبعضو

وانا شب مو بنت
الله يقويكن ياشباب

يا ميمي مود انا مو من بلدتك بس بعرف تماااما شو عبيصير فيها...بعرف حتى يمكن اكتر منك...
المفروض من شخص دارس للشريعة وبيحكي وبيستشهد بالقرآن والاحدايث انو ما ينقل صورة مغلوطة أو عالاقل مشوهة للناس....لازم ننقل الراوية الكاملة...
لما بدك تحكي عن المسلحين...ليش ما بتحكي عن المدعو " أبو ياسين " وعن عناصر الجيش والامن الموجودين جنب بيته بمعمل الزيت...وبتحكي عن المرأة اللي قتلوها هي والجنين اللي ببطنا وبتحكي عن الرصاص العشوائي الي بيضربوه واصابو فيه امرأة ببيتا بالعمود الفقري وهلق هي مشلولة...وليش ما بتحكي عن الشبيح الكبير " ابو ياسين " كونك بنت هالبلدة اللي عمتحكي عن المسلحين فيها وكيف دخل هو وشبيحته واختطفوا شخص من جوا محله واذا بدك بعطيكي اسمه وهالشب من المعررروف عنه انو من اكتر الاشخاص اللي بيدعي للسلمية بكل شي حتى بعد ما تكسر محله اللي هو باب رزقه الوحيد أكتر من مرة.....ولاقلك
ليش ما بتحكي عن الشب اللي بعمر الورد اللي اعتقلوه ورجعوا لاهله بعد شي 15 يوم جثة مشوهة...هاد اكتر شي مافيكي تكذّبي لانه  الشب صديقي وهو اللي عرفني عبلدتكن وعرفني عكتير ناس فيها " الله يرحمه ويتقبله من الشهداء "............بس بدي قلك انو لما بتحملي رسالة كلية الشريعة وتعاليم الاسلام ما بيصير تضيعي الحقيقة وتحكي " نص كلام " وتعطي " نص صورة "...ليكي حتى ما كون ظالم متلك واحكي بس الكلام اللي من طرفي بدي قول انو بعد كل هالكلام وهالحوادث " المفجعة " في ناس " مو اكتر من خمس اشخاص " حملوا اسلحة حتى يقتلو هالشبيح اللي صار هو وعصابته خطر عالبلدة كلا...........ولهلق ما ضربو حجرة وحدة عالجيش مع انو الجيش عبيساعد هالشبيح بعملياته...ومو لانهن ملايكة ما عبيضربو الجيش لكن لان اسلحتن عبارة عن اسلحة فردية خفيفة ما بتقدر عالدبابة والـ بي ام بي يعني ما رح يستفيدو شي قد ما ضربو.

تحياتي.....وبتمنى الصدق بنقل الأخبار

ياجماعه كل واحد والو رايو فما في داعي حدا يرد عالتاني هيك بعتقد كل واح يعطي رايو بالموضوع مو برفيقوا عم تطالبو بالحريه اذا هون الواحد اذل حكى كلمه انو هو مع بتطلعوا علي بالعالي

صح أخ big king معك حق مية بالمية...كل واحد اله رأيه واللي بده ينزل بمسيرات تأييد ينزل هو حر بس كمان اللي بده يطلع مظاهرات معارضة للنظام ليش مو حر وبيعتقلوه أول ما يعرفو هاد اذا ما قتلوه وهو بالمظاهرة !
طيب هي وزيرة الثقافة نزلت اعلان لمسيرة تأييد واكييييد ما حدا تعرضلا بكلمة والعصابات المسلحة ما قتلتها...طيب لو انها نزلت اعلان لمظاهرة بتاريخ محدد...برأيك ادي الوقت اللي رح تقعده ببيتا قبل ما يودوها لبيت خالتا اللي خايفة منن من أول الاحداث...هاد سؤالنا...ليش مسيرات التأييد بيتم الاعلان الها ودعمها وحمايتها وبينزلو كمان العساكر من القطع بلبس مدني مشان يكترو العدد وبيصوروها بالهيلكوبترات بينما المظاهرات المعارضة بيقصفوها بالهيلوكبترات.....

ومشان الرد عبعض انا مو بوارد اني رد عحد لكن صححت خبر...وشي اكيد انو الرأي حر لكن الخبر مقدس.

السلام عليكم

المفروض من شخص دارس للشريعة

أنا ماني طالبت شريعة

وبيحكي وبيستشهد بالقرآن والاحدايث انو ما ينقل صورة مغلوطة أو عالاقل مشوهة للناس....لازم ننقل الراوية الكاملة...

وشو هي الصورة المغلوطة اني ما بدي فتنة بلدي انو ما بدي قتل وتخريب بوطني

ليش ما بتحكي عن الشب اللي بعمر الورد اللي اعتقلوه ورجعوا لاهله بعد شي 15 يوم جثة مشوهة...هاد اكتر شي مافيكي تكذّبي لانه  الشب صديقي

وليش لكذب كل الكلام يلي قلته صحيح ما عدا الكم مسلح ( مو اكتر من خمس اشخاص ) المسلحين عنا ما في أكتر منهم نص قرية ريان مسلحة وكل المعارضين بسراقب مسلحين وكلنا بسراقب منعرف هاد الشيء ما عبحكي شيء من عندي  أنا بدي الأحداث تهدأ وأنت عم تشعلها نار

ما دامك بتعرف كل هالشي ليش ما بتحكي عن المعارضين بسراقب يلي قتلوا شخصين بس لأنهم من

 المؤيدين مين أباح لهم قتل الأبرياء ومين أباح لهم قتل طفل صغير لأنه أبوه بيخبر الدولة عن المسلحين شو ذنب الطفل قتلوه مثل ما قتلوا ابن المفتي حسون الله يرحمهم أجمعين

متل ما الأمن عبيقتل والمسلحين عبيقتلوا ونحن ما منبرر لحدا لأن طرفين غلطانين

والنار ما بتنطفئ بالنار

ونحن بدنا الأحداث تهدأ وأنا بدي مصلحة الوطن مثل ما أنت بدك

اللهم أحمي سوريا من الفتن ما ظهر منها وما بطن وأحميها من كلاب الغرب يا ذا الجلال والاكرام

يا حي يا قيوم يا رب العالمين يا سميع الدعاء

آمين آمين آمين

والسلام عليكم

بصراحة في بعض التفاصيل اللي حكيتيها انا ما سمعت فيها متل الطفل اللي انقتل...بس بالعقل لو في توجه لقتل المؤيديين يعني كان ممكن يكونو الضحايا بالآلاف أو عالأقل بالمئات...يعني الشغلة بدها شوية عقل مو معقول واحد يحمل سلاح ويمشي بالشارع وكل ما شاف واحد مؤيد يقتله...بصراحة انا من زمان ما عملتلكن زيارة لاني ساكن بالشام بس عندي تواصل مع كتير نا س من عندكن وعلى علمي المسلحين مو كتار بالشكل اللي ذكرتي...اكيد ممكن تكون معلوماتك بهالناحية أدق لانك عايشة جوا البلد بس كمان لو انن بالعدد اللي انتي صورتيه للناس كان كمان عدد القتلى " من الامن  والجيش " لازم يكون عدد كبير وانا بعرف انو ما انقتل عندكن لهلق ولا عنصر أمن.
حكيتي عن أحد القرى انها مسلحة بحب قلك انو هود الناس دائما مسلحين بكل الاوقات ودائما بيستخدمو سلاحن ضد بعض او ضد الدولة...كمان هي المناطق بعرفا

بالنسبة للطفل اللي انقتل يا ريت تخبريني اسمه برسالة مستعجلة حتى اتأكد...بفضل ما تذكري هون لان هي مو وظيفة هيك موقع.

انا ما عبقول انو الناس تقتل بعضا ولا عمحرض عالفتنة...انا عندي قضية واضحة وصريحة ومفهومة وكل اللي قلته هو انه صححت خبرك اللي قلتي انو الناس عمتهجم عالجيش وقلتلك انو الناس عمتهاجم مجرم قتل أكتر من شخص من ابناء هالبلد...وبشهادة كل الناس اللي حواليه سواء مؤيدين او معارضين.

إن  كنت تعلم فتلك مصيبة  وإن  كنت لا تعلم فالمصيبة أعظم   



تحية للأحرار