عنجد مشوار اليوم روووووووووووووووووووووووعة ويللي ماراح راح نصف عمره
عنجد ما بينتسى نهائيا بس بتعرفي يافراشة انا اشتهيت كتيييييييييييييييييييييييييييييييييييييييييييييييييييييييييييييييييييييييييير اركب بالمرجوحة 
وطلعت وانا مشتهية اركبها بس مو مشكلة ان شاء الله الايام جاية ومنروووح 
وانا كما بتشكر كل شخص ساهم في انجاح هذه الرحلة الرائعة

سلام لكل طلاب الأغذيــة 

وهي أحلى صورة جماعيّــة لأحلى طلاب بأحلى رحلــة

((على فكرة أنا أخدت موافقـة أغلب الطلاب اللي بالصورة.... وعموماً اللي بيتدايق يخبرني وأنا فوراً بحذفها ))



بالتوفيق   

تسلميلي ان شاء الله .....

بالمناسبة بعيدا عن موضوع الرحلة وروعتها بس انا عندي استفسار واحد يعني بهي الصورة بيتوضح انه كل الطلاب بتحب بعضها وبدها الخير لبعض بس بصراحة تعوا عالواقع بتلاقو العكس يعني بعض الطلاب بدها دائما تحصل على كل شي بيخص الدراسة وحتى لو كانت قصاصة ورق و بيعتبوا بس تروح عليهم شغلة ومع انهم ما بيحضروا نظري وبصراحة ناس بتطلب بزوق وناس بتحسسك كانه واجبك الاسمى انك تحضري من شان يجوا ياخدوا كل شي عالبارد المستريح بينما بيكونوا عندهم معلومات واوراق ما بيفدوا غيرهم بشيء يعني هي القصة عانينا منها انا ورورو ورفقاتنا حتى انت يمكن يافراشة وابسط مثال الفصل الاول كل الطلاب كانوا على علم بسؤال الالبان يللي بيخص المعمل الا نحنا ووقت استفسرنا ليش ماحدا قلنا كان الجواب بكل بساطة ليش مابتعرفوا فكرناكم بتعرفوا وقس على ذلك ...

والله نحنا ماعنا مشكلة انه نعطي اي شخص بس بالمقابل بدنا تجاوب وطبعا انا  مابقصد كل الطلاب وللاسف اغلب الطلاب يللي عم احكي عنهم خارج المنتدى بس يعني فشة خلق مني ومن رورو والله يجزي الخير لكل مين عم يساعد ويتعاون واسفة للاطالة او اذا ازعجت حدا

معك حق نوران

بما إنك فتحتي متل هيك مواضيع ..بس حابـة قول شغلــة :
في شخص.... يعتريني استغراب شديد حولــه ..(موجــود معنـا)  
(رح أكتفي بهالعبارة)...

بس بتعرفي نوران : قابلت نموذج ..يا محلا اللي عم تحكي عنهن مقابيلـه

للأسف ماني حابّـة وضّح كلامي لأني إذا بدي عبّر يمكن ما يكفيني هالرد...

بالتوفيق للكل 

يا عيني على طلاب الأغذية

بعرف كتير ناس منكن مبدعين وفنانين

والهم مستقبل كتير حلو

بس سؤال

وين كان مشواركن ؟

أهلين عطر الشام
يبدو إنك ما قرأت أول مشاركـة انحكى فيها على المشوار

المشوار على حديقــة تشرين 

اقتباس

يا عيني على طلاب الأغذية بعرف كتير ناس منكن مبدعين وفنانين والهم مستقبل كتير حلو

مممممممم
مين هالناس طيب ؟؟  
  أنـا وحــدة منهن ؟؟  

بالتوفيق 

السلام عليكم

كالعادة
المميزة والمبدعـة **فراشة الحب** طرحت المشوار بكلام رائع وسلس ومهضوم

تمااااااااااااام

اقتباس

وأهم شي الصورة الجماعيـــة اللي بتجنن (واللي حبيت حالي فيها كتير )

طالعين روعة والصورة بتجنن  وانتي كمان.  

أمتع الاوقات تقضونها مع قسم علوم الاغذية ,سنة 4   
السلام عليكم

شغلتي بالي يا فراشة ..... الله يوفق الجميع

مرحبا شباب وصبايا الاغذية بس سؤال صغيييير تقرير الامينات بس شو الامينات الموجودة ضمن المادة وكيفية استخلاصها......

موفقين

((تقرير الامينات بس شو الامينات الموجودة ضمن المادة وكيفية استخلاصها))

لك أهلين نوران

جاوبتك عالفيس بس كمان رح جاوبك هلأ مشان ما يضل سؤالك بلا جـواب

بدنا نطالع كل الأمينات الموجـودة بالمنتج اللي عطونا إياه

وكمان يمكن لازم نحدد نسبـة التواجد .. وطرق التقدير

وماتنسي وأهم شي وكرمال عيون د.هدى حبال ::المراجع::

بالتوفيق