مرحبا طلاب وطالبات الاغذية
بتمنى تقبلوني معكن ببداية مشاركتي بحب اشكر الزميلة فراشة الحب على هالفكرة الرائعة واكيد على استمراريتها فيها وما بنسى اشكر كل المشاركين فيه ويا ريت نضل هيك على تواصل دائم
المشاركة الاولى ولاني بتمنى تكون قوية فبدي احكي عن الدكتورة الرهيبة هدى حبال
ويخطر ببالي سؤال اكيد هيه عايشة معنا بنفس البلد؟!
انا بشك بذلك ,,,لانها لو عايشة معنا بنفس هالظروف اللي عايشين فيها فما كانت بتتجرأ تطلب منا نبحث عالانترنيت
او بالمكتبات يعني كهربا عم تزورنا كل سنة مرة ومكتبة !! مثلا ايمتا ممكن نفوت عليها
شو مانها عرفانه هالدكتورة انه في مناطق عم يسكروها على بكير وفي طرقات عم تنقطع هاد غير الحواجز ووجع القلب
,وكمان يا عالم ياهو مافي مواصلات وبصعوبة حتى يلاقيلو الواحد شي سرفيس ينضب فيه يعني لب الموضوع انه عم نتأخر كتير بالرجعة عالبيت
وكمان يبدو ما بتعرف كمان انه المكتبة تفتح الساعة 12
وبيخلص الدوام الاداري عالساعة 2 فلازم تدبر حالك ووتضبط مواعيدك على هالساعتين زماااااااااان
وفوق هالشي بتفوت هالدكتورة على مخبر العملي مع ورقة وقلم وبتسال وكانه هالطالب المعتر ذكي جدا لدرجة بدو يحفظ الجلسة ولازم يكون يعرف كل التساؤلات واجوبتها اللي ممكن تخطر بباله وحتى اللي ما بتخطر
لما تسالنا بالعملي شو عم نشتغل وقمنا ببراعة بمجاوبتها فبطالعلك مشكلة من تحت الارض حتى تطالعك فيها مقصر ومابتسوى وبتحطلك اشارة ناقص
دكتورة هدى حبال بحب قلك هالكلمتين :
ارحمي من في الارض ,,,يرحمك من في السماء .
وشكرا
..أغذيــة.. سنــة رابـعــــة ....
... إنتي وكل الصبايا 
بالتوفيق لكل طلاب الأغذيــة ... 
