*_^قــــهــــــوة للــــصـــــبــــايــــــــا وبـــــــــــس ^_*

مشاركة : 2968

Muhammad 1933

جامعـي اســتثنائي

.::| فَاصْبِرْ إِنَّ وَعْدَ اللَّهِ حَقٌّ |::.

مسجل منذ: 07-08-2011
عدد المشاركات: 919
تقييمات العضو: 202
المتابعون: 35

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للــــصـــــبــــايــــــــا وبـــــــــــس ^_*

09-12-2011 12:20 AM

جـ ـ السيناريو السوري :

بصراحة .. في أكتر من سيناريو.. بس بالفعل متل ما قال أردوغان "يلي بنى حكمو بالدم ما بروح غير بالدم"...

يعني إذا رجعنا للرد السابق .. بآخر كلمتين قلت أنو ممكن إدخال تعديلات عالسيناريو الليبي ... يعني ممكن تركيا تاخد زمام المبادرة وخصوصي إنها من حلف النيتو ... فعلى الأغلب النيتو ما رح يتدخل متل ليبيا ... بس ممكن يفوض تركيا وهو يدعمها بالمادة والسلاح ....
بس هالشغلة كبيرة وبدها غطاء دولي ... ومتل ما بتعرفو روسيا والصين!!!

بس في احتمال كبير أنو روسيا تخفف شوي بتزايد القتل عنا ... يعني روسيا ما رح تقدر تضل ساكتة (متل من شوي لما قلت الجزيرة ما قدرت تضل ساكتة) ... بس الشغلة بدها تضحيات أكتر ...

هلق في احتمال أنو بدال تركيا يكون جيوش عربية بتفويض من الجامعة العربية ... بس هاد الاحتمال ضعيف كتير كتير وممكن يكونو الـ 2 سوا (تركيا والعرب) بس بضل احتمال ضعيف...

بس في شغلة ... بليبيا كان الشعب مسلح أما عنا فالشعب احتمال تسلحو قليل وعالأغلب رح يعتمد عالمنشقين ...

في احتمال تاني أخف .. وهو فرض حظر جوي ... يعني بجوز البعض يلاقي هالكلمة سخيفة أو هي مدخل للقصف الجوي .....

بس أنا بقلكون أنو الحظر رح يوفر غطاء للمنشقين .. يعني إذا صار هالشي رح يتزايد عدد الانشقاق بشكل أكبر بكتير ورح يحسمها الجيش الحر بس بدها تكلف ...

وفي احتمال أنو تركيا تفرض منطقة عازلة وفقاً لاتفاقية عام 98 ..

هلق المنطقة العازلة شو بتفيد ؟؟؟ متلها متل الحظر الجوي .. يعني بتأمن للمنشقين سند جغرافي وممكن تدعم بالسلاح إذا اضطر الأمر... وعلى فكرة ممكن يكونو الـ 2 مع بعض .. يعني حظر جوي ومنطقة عازلة بنفس الوقت .. بس بدون ما يتدخل حدا غير سوري بالقتل .. يعني لا الأتراك ولا النيتو .... وإنما الجيش الحر...

(بجوز البعض يستغرب ليش تركيا ما عملت هالشي من زمان وشو يلي مأخرها) ...
بس يا جماعة تركيا معذورة لأنها مهددة من إيران ومهددة من نظامنا بدعم الأكراد وبقلقلة الأمن فيها ... يعني هيك قرار بدو ينطبخ على نار هادية وبدو مظلة دولية..

في احتمال أنو ما يصير لا هاد ولا هاد يعني ما يتحرك المجتمع الدولي ولا الجامعة العربية ... ساعتها بضل الأمل عالوضع الاقتصادي وعلى تزايد الانشقاقات ... بس هاد السيناريو مو مضمون كتير .... لأنو إذا ضلو ساكتين في احتمال الشعب يتسلح .. وفي احتمال تصير حرب أهلية (لا سمح الله)... بس كمان في احتمال أنو ينجح هالشي وساعتها بضل حل سوري داخلي بدون تدخل خارجي.... بس هالحكي كتير صعب يعني الجيش الحر لازمو دعم عالقليلة حظر جوي ...

هلق كمان في حل آدمي كتير وهو دخول مراقبين دوليين تمنع النظام من قتل المتظاهرين وساعتها بتتعبى الساحات والميادين .. بس متل ما قلنا من شوي أو بالأحرى متل ما قال أردوغان يلي بنى حكمو بالدم ما بروح غير بالدم

أنا ما عطيت نسب مئوية بين الاحتمالات السابقة.. لأنو النسب بتتفاوت كل يوم .. وكل ما طلع قرار وكل ما حدا خطب رح تتفاوت النسب... بس بضل الحل السوري بشكل عام إلو النسبة الأكبر من بين الردود السابقة....

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.