أخي أمير حمص

نحن مو موضوعنا الخطاب وأنا عن نفسي

بيهمني أطفال حمص وانو يبطلوا يسمعو صوت الرصاص والدبابات

أكتر ما أعرف شو حكى

بيهمني أعرف أخبار للاجئين أكتر من انتخابات مجلس الشعب

برأيي حاج حكي ويلي بدو يصلح بيبلش أفعاااااااااااااااااااااال مو أقوال

عالاقليلة منشان المصداقية

 

 

بصراحة
لم يفاجئني حديث الأسد بأي شيئ ! !
وإنما لفاجأني لو أنه نطق بغير تلك الكلمات وتحدث بغير ذاك الأسلوب


وإن كنت رأيت في خطاب الجامعة بتاريخ 20-6 أن الشوارع إمتلأت بعد -ثلث ساعة من خطاب إستمر لساعة-

فاليوم بعد دقائق رأيت الجيران نزلوا الشارع والكل يغني على ليلاه !


لا أدري أين الخلل
هل هو في فهم الشعب لسيادة الرئيس ؟
أم
في فهم سيادة الرئيس للشعب ؟


وتذكرت القول الشعبي (العرس في دوما والطبل في حرستا)
ولاحول ولاقوة إلا بالله

اختي ندى نحنا اكيد مو موضوعنا اللقاء بس فكرة الاستماع للطرف التاني يلي عم تطالبو باسقاطو....عنجد استغربت كتير.....

وانا كمان بهمني انو احسن نام بلا صوت الرصاص وبهمني ما حدا يوقفني ع الطريق....وبهمنا كلنا انو نعيش بأمان...بس كيف بدك توصلي لهدفك بدون ما تسمعي....

بدك افعال وهيي اكيد اهم من الاقوال بس مو معناتا انو الاقوال بلا قيمة....

ما بعرف بتضل وجهة نظرك بس بتمنى تسمعيه لانو في كتير استفسارات ممكن تطرحوها بتلاقو جوابا بكلامو...

ومشان الافعال كمان ...انتو كل شغلكن بالاقوال لحد هلأ...

اخي سيف الاسلام...

مو للسبب يلي ذكرتو بس انا دائما بحس انو في مشكلة بفهم الشعب لسيادة الرئيس....

سيادتو بيعرف شو عم يشتغل وحكيو بدل ع انو في شي عملي....وقت بقول انو بدو احزاب تشتغل وبدو اعلام يكون بكل تفاصيل المجتمع معناتا هادا شي عملي....بقا ليش انتو ما في شي عملي بشغلكن....

برأيك اسقاط السيد الرئيس وارد...؟؟؟.....اما اسقاط النظام الامني فهادا الكل بيتمناه....وهوي يلي رح يصير بسبب قانوني الاعلام والاحزاب....

أخي القصة الها أكتر من خمس شهور

والحل الأمني هو هو

هلأ بتقلي ما رضيتو تتحاورا

شفنا شو صار بالمؤتمر وكيف انضرب الزلمة وقلبوها مسيرة لأنو حكى شو مطالب الشارع

وحتى بنفس وقت الحوار كان الجيش عم يقوم بواجبو الحمدلله بالمدن

أنا ما عم قول ما بدي اسمع عم قول هلأ نحنا بوقت بحاجة لأفعال أكتر من حكي

 

اقتباس

اليوم بعد كلام السيد الرئيس

للاسف علمت بحواره بعد ان انتها لانني بصراحة لم اعد اهتم بالمسلسل الخطابي يعاد ويعاد والكلام نفسه يتكرر

اقتباس

بتمنى تبطلو شعار ( اسقاط النظام )...لانو اصبح مستحيل

يا رجل مافي شي مستحيل صلي عالنبي
الظاهر ما عم تتابع شي غير عالدنيا

اقتباس

اولا لانو السيد الرئيس واثق من شعبو يلي معو

تقصد بمن تبقى من شعبه !!!!

اقتباس

وبيعرف كتير منيح شو عم يشتغل

أوافقك الرأي بمجرد خروج اللجنة عادت الحواجز الامنية وعادوا القناصة للتمركز في اماكنهم والدبابات الى مواقعها من المؤكد انه يعرف ماذا يعمل فهذا ليس بفعل من لا يعلم

اقتباس

وكان عم يحكي بقوة

أين القوة في حديثه صديقي لا اعلم ماذا تحدث ولا باي طريقة تحدث لكن ما اراه انه كالعادة من قوته في الحديث (اقصد تجاهله لشعبه ومطالبه) خرجت العديد من المظاهرات ردا على الحوار ...فهمت ما تقصده بهذه الجملة (كان عم يحكي بقوة)

اقتباس

كل القصة انو هادا الهدف مستحيل فلازم المعارضة يفكرو بشي منطقي ومفيد

ما من شيء مستحيل صديقي دعها لنا وللايام وتفكير المعارضة منطقي جدا والناس تعرف ماذا تريد واعداد المتظاهرين تكبر والاماكن التي تشارك في التظاهر في ازدياد والشعب اصبح اكثر تصميما على اهدافه بعد اكثر من ثلاثة الاف شهيد والاف المعتقلين نحن في احداث تكبر لا تصغر صديقي العزيز

اقتباس

لانو صارت مبينة

فعلا فالحرية باتت قاب قوسين او ادنى
لا استجابة او تفاعل عملي مع ما يجري مع انه لم يعد من اهتمام الشارع

فما يهم الشارع الان والمعارضة هو اسقاط النظام لانه بات من المستحيل الاصلاح والقتل في  ان واحد



دمت بود

طيب انتي عم تحكي عن الحل الامني والسيد الرئيس حكا عن هالشي....يعني هوي اكتر شخص ممكن يجاوب عن اي شي...

انضرب ولا ما انضرب انا ما بعرف بس خلينا نقول انو ما حدا مقصر مع التاني ....طبعا هادا الحكي لحتى نخلص من الاتهامات يلي هيي مجرد مضيعة للوقت....

اكيد نحنا بحاجة لافعال...وهوي حكا عن الافعال يلي صارت ويلي رح تصير والجدول الزمني...

بالاخير انا بشوف انو اهم شي ننتقل للفعل...

أوك

معناها نحنا بانتظار انسحاب الجيش

ورجوع اللاجئين

ومحاسبة القتلى

وخروج المعتقلين

 

 

اخي عاشق الوطن....

فعلا شي غريب.....كيف عم تطالبو انو يسمعكن وانتو ما عم تسمعوه!!!!

يا رجل مافي شي مستحيل صلي عالنبي
الظاهر ما عم تتابع شي غير عالدنيا

انا ما ببني رأيي ع الاعلام وبتفرج ع كلشي.....بس لايمتا بدنا نضل مهتين بالشعارات وبس.....؟؟

تقصد بمن تبقى من شعبه !!!!

لا هي مو ظابطة....

هلأ انتو بجوز عندكن خوف من الامن....ونحنا برأيكن لازم نخاف من المسلحين....يعني الخوف موجود عند الطرفين.....

الاعلام تبعكن بينقل المظاهرات....واعلامنا بينقل المسيرا ...يعني التغطية موجودة....

نحنا بيوم واحد حشدنا اكتر من 12 مليون ع الارض.....انتو بمجموع مظاهراتكن كلا لسا الاعداد بمئات الالاف ....

بقا انو بقية هي؟؟...

كان عم يحكي بقوة بالنسبة للخارج.....والمظاهرات ما شفت شي انا.....بس تذكرت خطابو بمدرج الجامعة وقت الشباب المعارضين حملو حالن ومشو لانو كانو مفكرين يعلن الاستقالة.....وانا متأكد انو ازا في مظاهرة طلعت فهيي مقررة قبل اللقاء....لانو ما عم تسمعو...

تفكير المعارضة منطقي...؟؟؟!!!....برأيك المنطق انو نرفع شعارات وبس.....انا بشوف المنطق انو تشكلو احزاب وانو تعتمدو ع الاعلام بصيغتو القادمة....لانو هالشي بفيد اكتر من الحكي....

الحرية قربت ...بس مو الحرية يلي بدكن ياها ويلي هيي اسقاط النظام....حرية التعبير قادمة وحرية الاعلام قادمة.....

يعني مفكرة انو نحنا مبسوطين انو ما في امان وانو الجيش والحواجز موجودة.....؟؟...طبعا لا...بس مانا موجودين بوجود المسلحين....والله لو حجار شارعنا بتنطق كانت حكت شو عم يصير....

رجوع اللاجئين وخروج المعتقلين كلو رح يصير....بالحوار الوطني...يلي قال السيد الرئيس انو رح ينتقل ليصير ع مستوى المحافظات......

برأيك كل يلي حكيتي عنو بيتحقق بالمظاهرات وبالشعارات ولا بالعمل السياسي الجاد؟؟؟