السلام عليكم

يا جماعة حدا منكن و لو سمحتو يشرحلي لوين نحنا رايحيين و لوين بدنا نصل؟؟؟؟

و شو هو الطريق الحكيم اللي عنجد بدو يوصلنا للحرية و الوضع الأفضل؟؟؟؟

لأن الثقة اللي عم يحكي فيها الشعب بدل على انهن عرفانين  بحكمة شو عم يساوو

و أنو رح ينالو اللي بدهن ياه بالطريقة الصح؟؟؟؟؟


عنجد حابة أعرف ؟؟؟


و بحب قلكن
يا جماعة نحنا شعب سوريا , شعب واحد  و الأولوية عنا كلنا  مصلحة سوريا و بس

يمكن تختلف الآراء بس لازم تكون مصلحة سوريا هدفنا و بس

بدون ما نقول نحنا و انتو  ..... ليش هالحكي

انت اللي بتحب القائد و بتفديه على راسي و انت اللي بدك إصلاح سوريا على راسي ..
. انتو مو من بلد واحد .. مو مصالحكن وحدة  .. ليش هالكلام المجرح ...

ليش هالانشحان و الهجوم كأنو نحنا أعداء ... نحنا شعب سوريا و بس
كل طرف صار يعتبر الطرف التاني  يهودي ... لك ليييييييييييييييييييش



و بالأخير بدي قول شغلة بس

مارح يصير بالآخر إلا اللي كاتبه رب العالمين

و عسى أن تكرهو شيئاً و هو خير لكم و عسى أن تحبو شيئاً و هو شر لكم

و الله يختار الخير لهالبلد العزيز

و بتمنى نتعامل مع بعض كشعب واحد مو كأعداء

السلام عليكم :

حكيكم كله عالعين و الراس و فعلا الفيديو كان كتير هزلي ...و في شي كتير عم يحاولوا يدحشوه بعقولنا دحش ...بس السؤال هون هوة شو الحل؟الحل الحقيقي يلي لازم يكون بإيدنا ..مو الحل يلي عم ننتظره من حدا ... يعني حكيكم هوة تفريغ للطاقة يلي جوات كل واحد منا ... بس يا ترى التجربة المصرية اليوم ... فرجتنا أي نتائج تذكر حتى نستفيد منها ...لهلأ و لا شي !!!!

أنا معكم بكل كلمة بس بتمنى تكونوا موضوعيين ...و تتذكروا إنو مافي بلد مثالي بس في شي أحسن من شي ... وهاد مو يعني إنو يلا شي أحسن من شي نقعد ... لاء بس قصدي نسعى بتفكيرنا للأحسن بس بهاد الزمن ...يعني ما نحكي بالمثاليات ونقول لو كان هيك لصار هيك و هيك ..لأنو هالبلد فيها بشر مو ملائكة ...و يلي بيحكمها كمان بشر مو ملائكة ...

في أخطاء بدها تصليح و كتيرة مو شوي ... بس لا تخلونا ندقق على هالأخطاء و نكبرها .. مو لشي هية كبيرة فعلا ... بس إذا كبرناها حتكون عقبة بطريق الإصلاح يلي عم تدعوله ...فالأحسن إنو خلص نقضي على هالأخطاء بدون تعليق يذكر و ننتقل ليلي بعده ...و هاد الحكي ..لنكون إيد بإيد سوا ...لأنو

" الشام شامنا و لو الزمن ضامنا " ... هاد رأيي و لو في شي غلط بكلامي حتقبل النقد بكل تفهم ...

ومو مشكلة يمكن تقنعوني بالصح ...و الإفادة حتكون إلي طبعا ...

                                                  طولت عليكم كتير ... تقبلوا مروري و رأيي

بس بدي إرجع أكد إني عنجد حابة اسمع الجواب للرد السابق

و يا ريت تجاوبوني بكل صدق و حكمة


بدي أعرف لوين نحنا رايحين

كانت الحلقه الأولى  من المسلسل المندسون والحلقه الثانيه الملثمون وكان فيها مثل ما قالوا الشباب أكشن كتير وسمعت أني الحلقه الثاثه فيها أكشن أكتر وأهتقد اسمها الملثمون يهجمون على المندسون
شو رأيكم بهالعنوان مو أكشن بحت ههههههههههههه

أخت remie صدقيني أن هذا المخطط مختلق ولا أصل له ويمكن عم تحكو أنتو هيك لأني بعيدين عن هذه الأحداث يا أختي الأمن والله الأمن هم الذين يطلقون النار لا أحد آخر الأطفال أصبحو يعلموا ذلك هل من المعقول أن يكون بندر اشترى جميع قنوات التلفزيون العربيه والأجنبيه يعني والله كلما أقرأ هذا المخطط بضحك
وأكثر ما يزعجني التلفيقات اللتي لفقوها للشيخ القرضاوي اللتي وضعوها على الفضائيه ساعه بيقولو أنه قبض دولارات وساعه بيقولوا أنه زاني لك يا أخي الرجل ناهز عمره التسعين ماذا سيفعل بالمال وهل عاقل يعقل يصدق بأنه مهتم بالنساء ثم حتى أن بعضهم كفره لك يا جماعه البوطي في آخر لقاء له قال أخي القرضاوي ولم يقل البائع دينه أو الزاني أو الكافر
لا حول ولا قوة إلا بالله

ليش ما بتعرفوا انو هي المسدسات مداها المجدي 15 كم  خخخخخخخ

وبيقولوا في عنا ممثلين و مخرجين شاطرين

يا حيف يا حيف و هي آخر ورقة و إن شاء الله خاسرة

تحية للأبطال بكل أنحاء سوريا

عندما عرضت مقاطع الفيديو المفبركة من قبل فضائياتكم المبجلة ( أورينت - فرانس - بي بي سي وغيرها)
وكل ما ثبت أن للموضع أيدً خارجية... أو هدول الأصدقاء لي عم يدعينا للحرية من بعضنا.
لماذا لم تخرجوا لتساهمو في فضح أعداءالوطن صراحة
ولماذا كل الفضائح نمتو عليها..وأن تحدث بها أحد استهزءتم وقلتم له أنطلت عليك الحيلة.

لا حول ولا قوة إلا بالله العلي الكبير عليكم

بعد أن سالت الدماء في الشوارع تعقدت الأمور أكثر وأكثر  وزاوية الحل تضيق أكثر

لماذا لم يتعلم المسؤلون في بلدنا مما حدث  في الدول المجاورة ؟؟؟والتي حالها مثل حالنا

هل اعتقدوا أن  السورين لا يشاهدون إلا  الفضائية السورية وقناة الدنيا؟؟؟


الآن الجميع غاضب ............. ولكن الحل مازال بيدهم بأن يتوقفوا عن القتل والاعتقال
وأن تكون الاصلاحات حقيقة وليست ترقيعات وإلا..............

يا أخي طول عمرنا منشوف الجزيره ولم نسمع عنهم أنهم قنوات محرضه يهوديه وصهيونيه  إلا عندما وصلت الثوره إلينا لماذا لم نقل عنها محرضه في ثوره تونس ومصر وليبيا واليمن
الأمر إذا لا يقتصر على أورينت و البي بي سي العربيه وإنما نسمع الآن أن جميع القنوات الأخباريه محرضه ما عدا سوريا الفضائيه
ألا تجد هذا غريبا بعض الشئ

السلام عليكم
أخي رائد أنا ما بهمني إذا الجزيرة أو غيرها كذبت أولفقت لأنها بالأخير ما بتمثلنا كشعب سوري
بس للأسف الفضائية والإخبارية السورية
إذا كذبت أو لفقت أكيد شي بيجرح كل السوريين لأنها المفروض إنها بتمثلنا ونحنا الشعب اللي عم نمولها من إقتصاد بلدنا