مافي لغة حوار !!!!!!!!!!!!!!!!!!!
مشكلة عم يعاني منها كتيرين منا مع أشخاص مقربين جدا منهم
يعني بيكونو حاطين ببالون فكرة ومالون مستعدين أبدا يغيروها ولو بيحاكيون الواحد ساعة سلامتكون دق المي وهيه مي مافي فايدة مابدون يقتنعو وبنفس الوقت مالون مستعدين يناقشونا حتى يقنعونا برأيون ونوصل بالنهاية للصح والشي المقنع
والمصيبة انو المسائل مو عابرة ............ لاء أبدا بالعكس جوهرية وبتمس كتير حياتنا
بتمنى منكم نتناقش بهل الموضوع لأنو هي مشكلة بيعاني منها كتير من الناس واذا بدكون هي أساس كتير من المشاكل
خلينا نناقش أسبابها وحلولها
بانتظار ردودكم
بس ياريت تكون ردود شفافة ومافيها أي تنظير لأنو المسألة مو مستحملة تنظير أصلا لأنو ماوصلنا لهون الا التنظير
ومسا الورد  








                            مع حبي      

بالفعل مشكلة ............. كلنا بنعاني منها

أنا بكره كتير الجلسات يلي بيكون فيها اشخاص ما عندهم مجال للحوار ابدا ......... كلمتهم بتنقال وبس
وما في داعي للنقاش ........ لا بيسمعو رأيك و لا بيقنعونا بيرأيهم والحديث بينتهي لما بينتهوا عن الكلام ..............


مو بس هيك في ناس أيام بتجيها شرق بتجيك غرب ......... وبيكون الواحد متحمس للحديث ــ فرحان ولا معصب ....... عم يضحك او عم يبكي ........ ـــ ومن كتر الحماس بيصير بيعبر بكل كلمة بتخطر على باله ما بيكون معناها سيء للدرجة يلي بيحوروها الناس يلي عم يسمعوا ....... بعد ما بيكون الواحد متحمس لرأيه و عم يحكي ويشوبر و يهوبر بحكيه فجأة بينقتل الحماس تبعه واذا كان عم يبكي لانو حابب يحقق شي و عم يقنع الناس فيه بيصير بيبكي لانو بيفكر الحق عليه وانو غلط بشي كلمة وهو متحمس مع انها بتكون كلمة أساسية وفكرة جوهرية لازم الواحد يتناقش فيها ....... اف ؟؟

آسفة على الإطالة بس والله محروق قلبي من هالقصة .........

مع ان الكل بيقولي صوتك عالي وقت بتحاوري الناس وكأنك عم تخانقي بس ما بتكون نيتي عاطلة ابدا بالعكس مستعدة للحوار للصبح بس اقتنع بالشي قبل ما نفذه .... وحتى اقنع غيري لحتى نفذه وانا مرتاحة بدون ما حس حالي عم اعمل شي غريب ..؟؟؟؟؟؟؟؟؟



تحيــــــــــ الرومانتيكيــــــــــــــــة ـــــــــــــــــاتي .........

السلام عليكم ورحمة الله وبركاته


عنجد شكرا على هالموضوع المهم الي طرحتيه لأن هي مشكلة عم نعيشها كل دقيقة بحياتنا
بس فيني اختصر الكلام وقلك انو الناس  الي من هذا الطبع يتصفون بلأنانية وخير دليل ان تعاملهم يكون بطبقية بحتة اي انهم في الأعلى والآخرون في الأسفل الأمر الذي يجعلهم غير قادرين على تقبل الرأي من الطرف الآخر

واعتقد أن الحل السليم لهكذا مشكلة هو الابتعاد عن هؤلاء الأشخاص لأنهم لا يستحقون ان نكلمهم أو نحاورهم    على رأي أهل المثل  ((  الباب الي بيجيك منو ريح سدو وستريح  ))


(( ماأجمل أن تجد شخصا يستمع إلى آلامك وأوجاعك رغم الآهات التي يحملها داخل صدره ))    بعتقد هي العبارة بتعكس شو يعني الصداقة الحقيقية ....


والله ولي التوفيق.........

شكرا عالموضوع هبوش ..

مارح نظر اكيد بس  بالبداية لازم نوضح مين هدول الاشخاص يلي عقليتن صعبة وشو موضعن بحياتنا ....  اختي الكريمة  صعب كتير تغيري عقل  الناس واحيانا شي مستحيل
لهيك  لازم نعرف موضع هالاشخاص بحياتنا فينا نستغني عنهم  او بالاحرى نبتعد عنهم لأن مافي امل من النقاش معن ... اذا كان ممكن فابتعدي عنن احسن ...
اما اذا كانوا  اهللنا او والدنا ووالدتنا فبدنا نساير ... شو بدنا نعمل بضلو على راسنا ... بس لما يكون الموضوع ممكن يغير مجرى حياتنا ... ساعتها برأيي لازم نتفهمن بس بنفس الوقت مانعمل  شي مابدنا ياه ... المفتاح ممكن يكون احيانا الاستعطاف... نحاول نحسسن بشعورنا اذا ماعملنا يلي بدنا ومنحبو ... ممكن احيانا السبب انن ماعم يقتنعوا منا هوو انن مو مقتنعين بشخصيتنا وافكارنا ... او  انن مقتنعين انن بيعرفو يتصرفو اكتر منا ... يمكن هون لازم نثبت جدارتنا نورجين  ارائنا ماكانت غلط ليوثقوا فينا ....
بس بالنهاية اذا كانوا مصرين على رأين فساعتها ممم يمكن نعمل اشياء مايرضو عنها بس برأيي هنن المسؤولين وقتها  ... 

مسا الورد  

romantic girl
مشكورة على ردك الظريف

اقتباس

آسفة على الإطالة بس والله محروق قلبي من هالقصة .........

ولا يهميك بالعكس لازم نناقش لنوصل لنتيجة ..................... ونورتي

uranium.
وعليكم السلام ورحمة الله وبركاته

اقتباس

واعتقد أن الحل السليم لهكذا مشكلة هو الابتعاد عن هؤلاء الأشخاص لأنهم لا يستحقون ان نكلمهم أو نحاورهم على رأي أهل المثل (( الباب الي بيجيك منو ريح سدو وستريح ))

هاد حل أكيد مناسب بالنسبة لأشخاص بعاد بس المشكلة انو أشخاص مقربين وجدا كمان يعني أهلك مثلا كيف بدك تبعد عنون هات لشوف قلي
وعلى كل حال مشكور لمشاركتك ونورت
saly1
هلا سالي نورتي

اقتباس

شكرا عالموضوع هبوش ..

ولو على شو عم تشكريني هاد الموضوع لح يفيدني متل ما لح يفيدكم ان شاء الله

اقتباس

بس بالنهاية اذا كانوا مصرين على رأين فساعتها ممم يمكن نعمل اشياء مايرضو عنها بس برأيي هنن المسؤولين وقتها ...

هلأ الحقيقة هاد اللي عم يصير بالنهاية بس أنا طرحت المشكلة لأنو مابدي هيك يصير .......... كتير بدايقني اني ساوي شي ما يرضيهم بس مقتنعة في تماما انو صح ويمكن صرنا بمرحلة منميز فيها بين الصح والخطأ لكن للأسف أهلنا ماعندون استعداد يتقبلو هالشي
هي أكيد مشكلة بس بتختلف شوي عن اللي أصدتو بموضوعي أو يمكن حالة خاصة عن الحالة العامة اللي طرحتا واللي هي انو الشخص مايفهمك مو بس لأنو انت أصغر منو .............. لأ .......... بس لأنو هو مقتنع بشي ومالو مستعد يسمع الطرف التاني ليغيرو سواء كان الطرف التاني أكبر أو أصغر منو
يعني تمام متل وقت واحد بيحكي من الشرق بيجاوب التاني من الغرب حتى من دون ما يفكر التاني يناقش الأول بكلامو



آسفة يمكن طولت شوي بس عنجد بدي اوصل لسبب هي المشكلة وحلها لأنو عنجد مسببتلي مشاكل كتير وبس تنحل بتنحل كل المشاكل الناتجة عنها

بتمنى نستمر بالنقاش لنصل لهدفنا







                            مع حبي      

السلام عليكم

اوووووووووه

الهيئة انتي معصبة كتير
طولي بالك

آخ لا تشكيلي أبكيلك

انا أكتر حدى عم يعاني من هالقصة


يعني عنجد في ناس واقرب الناس
الواحد بحاكين من الشرق بجاوبو من الغرب

يا عمي يطولك يقصرك والله هيك ما بصير


لا تتعبي

وانا بئلك لا تتعبي

انا أصلا استسلمت
وشكرا الك بالفعل هالشغلة معاناة حقيقية

بس هية هيك  

وفي ناس ما بتقدري تبتعدي عنن لأنو ممكن تكون هاشخص امك
أو ممكن أختك أو أخوكي ((هدول ناس الواحد بدو يصبر ويتحملن))
وهون تكمن المشكلة    


(( ماأجمل أن تجد شخصا يستمع إلى آلامك وأوجاعك رغم الآهات التي يحملها داخل صدره ))    

حبيت هالجملة كتييييييييييير يلي قالها( يورانيوم) 
بس وينو هالشخص كأنو مفقود    

يا أما الأرض نشئت وبلعتو

هههههههههههههه

آسفة عالإطالة

رح احكي من دون تنظير متل ما طلبت
ورح اعطي حل مبدئي
اي كانت المشكلة حاول ان تثبت للشخص الذي تتحاور معه خطا نظريته
باي طريقة
مثلا
حاول ان تفعل كما قال لك تماما وارتكب الخطا الذي كنت تود ان تتحاشاه
وعند ارتكابك الخطا نبهه ان معتقده خاطئ

وممكن ان تفعل ذلك بالحوار وليس جديا ان كان الامر جوهري كثيرا ومهم ولا يحتمل الخطا

يعني تطبيقا للمثل (يلي ما بيجي معك تعا معو )

السلام عليكم ورحمة الله وبركاته

متابعة للموضوع الذي طرحتيه اعتقد أن المهمة ليست صعبة حتى ولو كان الأهل هم الطرف الثاني فعليك في هذه الحالة أن تجعلي الصبر حليفك والتسامح صديقك واستخدمي سلاح الدمار الشامل ألا وهو التجاهل فبإمكانك أن تكافحي في سبيل إقناعهم إلى اخر لحظة وعندما تشعرين بأن الطريق مسدود اذكري لهم هذه العبارة  ((  الله كريم ان شاء الله بيصير خير  ))  فهي تعكس عدم الإقتناع إضافة الى جعلهم عاجزين عن الرد امام ذكر الله عز وجل   

 

(( الأهل كالنار في الشتاء إذا ابتعدت عنها تجمدت وإذا اقتربت منها احرقتك ))   


والله ولي التوفيق.........

للأسف عزيزتي ayah

اقتباس

يعني تطبيقا للمثل (يلي ما بيجي معك تعا معو )

هاد حل صعب كتير لان في أشياء ما بتستناكي لتسايري الناس او خلينا نقول اهلك وكل لحظة بتمرق من حياتك محسوبة عليكي ولازم تلحقي تعملي الشي يلي بدك ياه قبل ما يفوت الأوان

القلب الطيب

اقتباس

انا أصلا استسلمت

انا بحسدك لاني بتقدري تستسلمي بس انا وبتمنى لو بقدر على الأقل بخفف وجع

اقتباس

تكافحي في سبيل إقناعهم إلى اخر لحظة

وانا هيك طبعي بس للأسف بدو الواحد يتحمل كتير وبالاخر في احتمال كتير كبير انو يضل مكانك راوح
وقتها كل ما فتح السيرة بينجرح اكتر من المرة يلي قبلها وهيك لوقت ما يمضى الوقت وما عاد تقدر تعمل هالشي لان ما في شي بيضل ناطرك



الله بيعين ........

تحيـــــــــــــ الرومانتيكيــــــــــــــــــــة ـــــــــــــــــاتي.................

مسا الورد
القلب الطيب

اقتباس

الهيئة انتي معصبة كتير
طولي بالك

لا طولي بالك مو معصبة بس مأهورة من هالقصة مو أكتر

اقتباس

انا أصلا استسلمت

والله وأنا شكلي رح استسلم لأنو الهيئة مافي حلة

اقتباس

بس وينو هالشخص كأنو مفقود

يا أما الأرض نشئت وبلعتو

هههههههههه عنجد هيك الهيئة

اقتباس

آسفة عالإطالة

لا ولو أهلا وسهلا فيكي ومنورة الصفحة بوجودك






                  مع حبي