هلا بالعكيد زمان والله وين هالغيبة    على كل أهلا لرجعتك



وبالنسبة للمذاكرة أنا مع الأخ كاناين انو تكون يوم السبت الصبح انشالله لأنو بنكون درسنا يوم الجمعة ومنجاوب يوم السبت بالنهار ومنتناقش فيها بالمسا انشالله



بتوقع هدا الرأي للكل أخ أحمد اتوكل على الله ......

اقتباس

السلام عليكم و رحمة الله و بركاته ...



لكل مين ما قدر يجي على الجامعة تأجلت مذاكرة النسج لـ 24 - 28 نيسان

.

, الله أنا ماني فهمان 
بس الظاهر عم تحكوا عن مزاكرة خاصة بالمنتدى 
عكل حال بحب حدى يوضحلي شو عم تحكوا

شوف أخي كلام الأخ العكيد هو عن المذاكرة تبع الجامعة الاساسية للنسج



أما بالنسبة لكلامي يلي فوق عن يوم السبت هي المذاكرة يلي بدها تصير بالمنتدى من قبل الأخ الكريم احمد



انشالله تكون وضحتلك الفكرة



تحياتي...........   

سؤال عالماشي ...

س : عدد أنواع خلايا النسيج الضام ؟

س : ما الفرق بين خلايا الغضروف الزجاجي و خلايا الغضروف المرن من حيث الشكل و التلوين ؟

و ماذا قدم دكتور النسج اليوم ؟ وهل كانت المحاضرة مهمة ؟

مرحبا
وشكرا أخ أحمد عالسؤال الصعب (عنجد ما عم أمزح)
الملامح النسيجية بالألياف العضلية الهيكلية: أنو الليف العضلي طويل و غير متفاغر و النوى عصوية محيطية و الليف العضلي مخطط
أما بالنسبة للعضلة القلبية فالألياف العضلية متفاغرة و تشكل شبكة و النوى ضخمة و مركزية وتظهر الخطوط السلمية بلون قاتم (الحد الفاصل بين الخلايا العضلية في القلب)
أما بالنسبة للعضلات الملساء فالألياف مغزلية و لكنها لا تبدو جيدا لأن الحدود بين الألياف غير واضحة و النواة بيضوية متطاولة مركزية و الألياف لا تحوي تخطيطات عرضية
وبصراحة ما بعرف السبب اللي خلاني قول عن الصورة الأولى أنو نسيج عضلي غير لأنو الصورة التانية اللي معها نسيج عضلي
و هلأ صرت متأكدة أنو جوابي تبع المجاهر خطأ
و بتمنى تكتبلنا الجواب الصح

بالنسبة لسؤال canine
أنواع الخلايا في النسيج الضام:
خلايا ثابتة: وهي الخلايا المصورة لليف-الناسجة-المصورية-الأسسة النسيجية-الشحمية
خلايا عابرة : وهي اللمفاويات والحمضات والأسسات والعدلات و وحيدات النوى
و الخلايا في الغضروفين الزجاجي والمرن متشابهة لكن في الغضروف الزجاجي تكون مضاعفة أو أكثر ضمن العش الخلوي والمادة الأساسية أغزر (لون أغمق) اما في الغضروف المرن فالخلايا مفردة و نادرا ما تكون مضاعفةو المادة الأساسية قليلة (إيوزيني فاتح).........

اقتباس

مرحبا وشكرا أخ أحمد عالسؤال الصعب (عنجد ما عم أمزح)

أهلا أختي ..

الله يعطيكي الف عافية يا رب .. و الله جواب و لا أروع من هيك ..  
جد جواب حلو .. و بخلي الواحد يركز على كل مجهر بيمرق معو .. طبعا و الجواب صح ..

هلأ برجع للمجاهر ..
فعلا الصورة الاولى ما كانت الياف عضلية و انا استقصدت حط صورتين من بحثين مختلفين .. .. مشان التركيز شوي .. ما رح احكي شي عن العظم .. بس هاي صورة العظم الكثيف ( الهفارسي ) ..

الصورة التانية ..
رح أخد من كلامك اقتباس و جاوب عليها .. 

اقتباس

أما بالنسبة للعضلة القلبية فالألياف العضلية متفاغرة و تشكل شبكة و النوى ضخمة و مركزية وتظهر الخطوط السلمية بلون قاتم

فعلا نحنا هاد اللي شفناه بالمحضر .. شفنا كيف الالياف اتفاغرت بكتير أماكن .. شفنا النوى الضخمة .. و اللي هية أحد أهم ملامح العضلة القلبية .. و جوابك صح أختي عليا ..

بس بدي منكم طلب .. كوني انسيتو من السنة الماضية 
هل الدكتورة موافقة انو انقول الياف عضلية مخططة بدون ذكر نوعها .. و لا لازم انقول .. الياف العضلة القلبية .. او الياف عضلية هيكيلية مخططة .. (( هل السؤال لازم تسألوه للدكتورة العملي )) و يا ريت حدا يردلي خبر على الجواب 

موفقين يا رب .. و مشكورة مرة تانية أختي عليا على الجواب ..

بالنسبة لمحضر bayano فهو غير واضح ... اعتقد أنه نسيج عضلة قلبية في أماكن غير واضحة بمحضر العضلة القلبية أو نسيج عظم زجاجي

أما بالنسبة لمحضرات الدكتور أحمد فأول محضر نسيج لعظم زجاجي

أما المحضر الثاني نسيج لعضلة قلبية

و أريد أن أنبه عن أن سؤالي الثاني فقط الفرق بالخلايا من حيث الشكل و اللون لا الفرق بالمادة الأساسية

يبدو لي بأن المحضر يوجد فيه عظمين ؟؟؟!!! انظرو إلى الإطار الأسود أليس عظم زجاجي

فما رأيك يا دكتور أحمد ... دلّنا على الجواب الصحيح

اقتباس

بالنسبة لمحضر bayano فهو غير واضح ...

بالله مو واضح معكم وانا هيك شفت كمان



بس هي اوضح صورة عندي لأنو فيها مقاطع طولية وعرضية بصورة وحدة




والجواب:

ألياف عضلية مخططة هيكلية إرادية  مو عضلة القلب

على كل حال رح حطلكن صورتين كل وحدة على حدة .....

مقطع طولي في العضلة الهيكلية المخططة الارادية





مقطع عرضي فيها

اقتباس

بس بدي منكم طلب .. كوني انسيتو من السنة الماضية 
هل الدكتورة موافقة انو انقول الياف عضلية مخططة بدون ذكر نوعها .. و لا لازم انقول .. الياف العضلة القلبية .. او الياف عضلية هيكيلية مخططة .. (( هل السؤال لازم تسألوه للدكتورة العملي )) و يا ريت حدا يردلي خبر على الجواب

ممممم والله ما بعرف يا أخ أحمد شو الجواب لازم نسأل الدكتورة تبعنا لكن

منيح يلي لفتت نظرنا لهالموضوع