السلام عليكم ورحمة الله وبركاته

اخوتي الاعزاء

لكل منا اسم مستعار في الشبكة العنكبوتية

خطرت ببالي باقة من الاسئلة

مالذي دفعك اخي  اختي لاتخاذ اسم مستعار

هل الأمر مختلف بين ( شب & بنت )

هل لمجتمعك " الشرقي" يد في هذا الاختيار ..

..................

شباب رح احكي عن رأي بداية ...

هلأ انا ضد ذكر الاسم الصريح عالنت ليش ؟

لحادثة زغيرة  قرأتها بوحدة من المنتديات

المسكينة كانت بداية دخولها عالم النت سجلت بمنتدى باسمها الصريح

الي صار انو احد " ولاد الحلال " شفط الاسم وسجل في بمنتدى

غيـــــــــــــــــــــــر لائق 

والكارثة الأكبر انو يوصل الكلام لأحد اخوانها .... 

مابدي كمل بتصور لهون وصلت الفكرة ...

شغلة تانية ....

اذا بتكون أو بتكوني " ملاك" منزل من السما وماعندك عداء مع حدا

لا تذكر الاسم الصريح او الاسم بالكنية لانو اذا انت آدمي مو كل زوار المنتدى

أوادم ...

شغلة تالتة ....

ذكر الاسم دون الكنية شي طبيعي وبيصير كتير ومافي منو اي خوف

ومع هالشي الي بيعرف اسم التاني بيحاول يتجنب ذكرو

.................................

نصيحة أخوية : أختي مرتادة الشبكة العنكبوتية .... كوني حذرة أشد الحذر

في التعامل مع هذه التقنية ... فهي " سلاح ذو حدين "

   

واخيراا ... نحنا ببداية عام دراسي جديد اكيد بتمنالكون التوفيق من كل قلبي

وآسف عن الايام الجاي يمكن ما تتوفرلي فرصة المشاركة متل بالصيف

بلشنا دراسة ومابدنا نحمل مواد عالتكميلي

ادرسو منيح بدنا نترفع كلنا 


     

الموضوع مو لطش .... حقوق جامعة دمشق " دموع القمر "

الي جاب الموضوع ع بالي هو نقاش مع شخص بتشكرو كتير بس لنوه عن اهمية وخصوصية هالموضوع كون نحنا اخوة وبنخاف ع مصلحة بعض 


         

مرحبا دموعة الحلوة أول شي شكرا كتير للنصائح الحلوة والمفيدة بالذات للصبايا
أما عن سؤالك فأنا اخترت اسمي لأني بحب اسم أميرة وجربت أميرة لحالها لقيته مأخود فقلت لحالي طيب أميرة شو؟وما خطر ببالي غير أميرة الدموع لأني ببكي بسرعة
سلامووو  

والله موضوعك كتير مهم يا أنسة دموعة   

وانا بأيدك بكل كلمة عم بتقوليها     

                                   

ومشان اسمي المستعار وكيف اخترتوا 

القصة كتير بسيطة 

بالعيلة عندي الكل بدلعني سوسو   

بس لما صرت بالجامعة فالكل شافني اني كبرت وصرت آنسة 

فصاروا ينادولي مس سوسو 

ومن وقتها هيك اسمي المستعار

                                 

بس انتي ما قلتيلنا شو قصة اسمك المستعار 

وعفكرة اسمك كتير كتير حلو وراقي  

مشكورة كتير عالنصائح يلي ذكرتيها

فادتني كتير والله ورحت عدلت معلوماتتي الشخصية

مشكورة مرة تانية 

والله يعطيك العافية

                             

أنا بحب كتير وردة اللوتس اللي بتطفو على سطح البحر واختر هاد الاسم
.
.
واسم لوتس مرتبط معي من عام 2003 ومن شان ميز الاسم ضفت كلمة only
.
.
وهو نفس الاسم اللي مشترك فيه بأكثر 50 منتدى يعني من شان ما انسى!!
.
.
شو قصة تسمية دموع القمر؟؟؟؟
.
.
شكرا كتير دمووووعة على كل المواضيع المميزة
.

.
               

شكراً دموع القمر .. موضوع جميل ..

اسمي المستعار من حادثة صارت معي ودبئني اسم بوشار من بعدها ..

بتمنالك كل التوفيق والنجاح ..

دمتِ بكل خير ..

يسلمو كتير ع الموضوع 000

لأنو مموضوع مهم جدا وخاص لكل شخص بيدخل بهل مجال

هلأ ليش اخترت لحالي هالاسم (الرحيل) لأنو لكل مرحلة بالحياة نهاية ووقت للرحيل

والوقت يلي سجلت فيه  بالمنتدى كنت ع أبواب الرحيل من الحياة الجامعية ومن أشياء تانية

لأني هلأ تخرجت وصارت معي أشياء وظروف كتيرة هي يلي سببت انشغالي عن المنتدى

هاد عدا أنو الاسم بيعنيلي كتير بحياتي

يا جمااااااعة انا هنا  اول مرة ادخل منتداكم


انامصرية  واخترت اسم السد العالي  لان موضوع حصة مصر ف مياه نهر النيل كان مثار ومالي الدنيا


اتمني تقبلوني صديقه لالكم 


انا بحب سوريا كتيييييييييييير جدا


واتمني ازورها ف يوم من الايام

بس كدة ويا رب لهجتي تكونو فهمتوها

                                                                 
                                                                 
                                                                 
مرحبا أخت دموعة


موضوع مهم جدا انا بتشكرك عالطرح


هلأ مشان اسمي المستعار farseer


هو يعني الحكيم  هلأ انا جبتو من القاموس


انا مخصص باليوم 30 دقيقة باي وقت  بتصفح القاموس


وبشوف معاني كلمات لاني بحب الانكليزي كتير


وعجبني هالاسم من ناحية اللفظ والكتابة فلطشتو


وحطيتو اسم مستعار بالمنتدى ولأيت كمان عدة اسماء


فالي بدو بئلو على اسم

مرحبا دموعة يسلمو عالشوكولا  كتيييييييير طيبة مع انو تبع غيث شكلها أطيب 
وبالنسبة لحكيك هو مظبوط ومو مظبوط يعني مشان أنو حدا ياخود اسمك ويفوت في بمنتى غير لائق فهي سهلة كتير مو بس من عالنت .............بس يعني يمكن اذا كان عالنت بيصير المجال أوسع بس عالحالتين الاحتمال موجود
وبالنسبة الي ما بلائي هالمشكلة الكبيرة بذكر الاسم وبالكامل مادامو  الشخص بيعرف حالو كتير منيح و اللي حولي كمان بيعرفو شو هو وأكيد وأت شي ابن حلال بيلطشلو اسمو وبيفوت في على منتدى غير لائق ويخبص على لسانو صدقيني رح يبين وبوضوح لأنو كل انسان ببين شو هو من خلال حديثو عالنت حتى ............ لأنو الشخص السيء الا ما يبين أد ما تصنع بحكيو والا ما يزلأ ولو بكلمة وحدةأما الشخص المنيح فلا يمكن أصلا مابيئدر يتصنع الكذب أو السوء .................... وان شاء الله بتكون وصلت فكرتي
ومشكورة دموعة على الطرح
تقبلي مروري 
وآسفة عالاطالة






                  مع حبي     

السلام عليكم:


شكرأ"كتير يا " دموعة "  على هالموضوع المهم هاد ....


أنا بالسبة إلي سجلت باسمي بس بدون الكنير مشان هالمشاكل يلي حكيتي عنها ......


والله يبعد عنا ولادين الحرام يا رب.....


بس أنا بدي أعرف قصة لقبك " دموع القمر " .....؟؟؟؟




سلامو