طيب مو مشكلة
كان سؤال بخصوص مشاركة إلك كنت عم تحكي فيها عن ماستر التخطيط الاقتصادي وماستر التدقيق
وكان سؤالي كيف الواحد بيقدر يعمل ماستر تخطيط اقتصادي
ويقدم كمان على ماستر التدقيق
مع إنو اختصاصك محاسبة ومالو علاقة بالتخطيط الاقتصادي
يعني إذا بتعطيني فكرة صغيرة عن الموضوع بكون ممنونتك
وشكراً سلف
تحياتي إلك................

ماستر التخطيط الاقتصادي هوي ماستر تنفيذي مو أكاديمي
بيتبع لهيئة تخطيط الدولة وما الها علاقة وزارة التعليم العالي فيه 
مدة الراسة فيه سنتان
4 فصول دراسية
أول 3 فصول عبارة عن مواد (23 مادة بتتعلق بالتخطيط الاقتصادي )
والفصل الرابع رسالة التخرج
فيكي تتقدمي لهاد الماستر كل سنة بشهر 9
للقبول فيه 3 امتحانات ومقابلة
امتحان رياضيات + امتحان اقتصاد سياسي + امتحان ثقافة اجتماعية
والمقابلة شفهية مع 3 دكاترة بهيئة تخطيط الدولة
وطبعا الماستر هاد بيعطي ميزات جيدة كتير وخصوصا للموظفين بالقطاع العام
   

مساالخير ياجماعة
شو شايفكون هون
شو عم تساوو ياحزركون
اكيد عم تتقاتلو كالعادة عالحلوان

أهلين باللورد 
لا والله ما عم نتخانق عالحلوان
عم نحاول نحكي موضوع 
بس باعتبار ما في دردشة هون بالمنتدى فصارلنا شي ساعة وما حكينا كلمتين على بعض
   
شكلنا رح يطلع الضو علينا ولسا واحد بيكتب والتاني بيستنى الرد   
أصلا انا ازا بدي الغي اشتراكي هون رح يكون السبب انو الدردشة متوقفة صارلها 3 شهور وما عم يصلحوها   

ايييييييييييييييييييييييه يازميل امبراطور ( لك صحي ليش ماتعلمنا شو اسمك خايف يعني انو نكبس عليك عالمحل وناخد لابتوب ضيافة المحل )
للصبر حدووووووووووووود للصبر حدوووووووووووووووود ياحبيبي
بس تطلع النتايج شايفلك مارح نشوف وش حدا من الشباب والصبايا هون خالص

أوك هلأ فهمتها يعني قدرت تجمع بيناتهون لأنو مو أكاديمي
ماشاء الله عنك..الله يحميك يارب
شكراً كتييير على الإجابة....
وتصبح على خير
سلامو.............

والله يلي بيسمعك يا لورد بيقول انو انتي حاطط اسمك  الحقيقي
   
هههههههه

أهلا فيك زميلنا اللورد
ولا تحاف بس تطلع النتائج إلا مانلاقي شي نحكي فيه
يعني رح نضل نفوت عالمنتدى منشان النق ههههه
تصبحوا على خير.......

ملاحظة للتوضيح 
ما بيقدر الواحد يجمع ماجستيرين سوا
بس أنا خلصت دراستي بهيئة تخطيط الدولة وتخرجت
وهلأ سجلت بماجستير الجامعة
   
وعلى فكرة كانت الشهادة يلي بيعطيها المعهد دبلوم دراسات عليا
بس بعد ما لغو الدبلوم تم تعديلها وصارت ماجستير

أنا اسمي رامي اليوسف واكتر الشباب هون بيعرفو اسمي لنو بحكي معهون عالموبايل
بس انت اللي متخبي وخايف عاللابتوب
ههههههههههههههههههههههههههههه
أهلين فيك اخي الامبراطور والله احلى امبراطور واحلى لابتوب
-------------------------------------------------------
اهلين فيكي اختي ضوء القمر وان شاء الله تبقى هالجمعات وماننحرمها طبعا بعد مايكون الكل مبسوط ومقبول بالماجستير
وتصبحي على الف خير يارب