بالشام آل الاختصاصات لآخر الأسبوع
يعني لازم يطلعوا بكرا أو بعد بكرا
ملينا حاجتنا حرء أعصاب وانتظاار

أهلا فيك زميلنا الامبراطور.......

والله يا مادلين يلي صار السنة الماضية انو وقعو بنفس المشكلة
التسجيل على السكن الجامعي بيخلص بنهاية شهر 9 ونتائج الماستر ما بتطلع لشهر 10
قامو سمحو للبنات فقط بالتسجيل على السكن
والشباب دبرو حالن برا 
بس بكل الاحوال حتى لو طلعلكن سكن جامعي أنا متاكد انو بعد فترة رح تتركوه لحالكن وتطلعو تستأجرو برا 
لأنو الوضع بالسكن ما بينطاق 
خدمات سيئة و شروط صعبة

انا يا زميل رح اسكن كنت بس اول فترة لبين ما اتعرف على بنات استاجر معهن متل ما بتعرف ما خرج استاجر لوحدي

بس يعني انت متاكد من هالشي ؟
فيك تجبلنا معلومة موثوقة ؟

أهلين فيكي ضوء القمر 
بالنسبة لتحديد الاختصاص والقوائم النهائية
هنن علقو النتائج الأحد وحطو اعلان انو يلي بيشوف في خطأ بحساب علامتو ومعدل تخرجو يراجع قسم الدراسات للتصحيح خلال مدة أقصاها 3 أيام 
يعني بناء على هالحكي : الإثنين والثلاثاء والأربعاء الوقت الممنوح قانونياً
والخميس لازم تصدر القوائم النهائية 
طبعاً إزا ما طلعو بشي فرمااان جديد

والله يا مادلين أنا عندي صديق عضو مكتب اداري بالاتحاد الوطني
رح إسألك ياه وجبلك التفاصيل كاملة
والأوراق المطلوبة للسكن
وبخبرك 

رد على سؤالك زميلة لولو
مع احترامي لحكي الدكتور تبعكن 
بس هاد الحكي مو مزبوط أبدأ
لأنو هنن رح ياخدو 20 طالب حسب تسلسل المعدل وبغض النظر عن المحافظة
يعني من وين ما كانو يكونو مو مهم
المهم أعلى 20 علامة 

وهي فات مجد 
وهيك صارو عدد الشباب مساوي لعدد البنات 
شبين وبنتين 
تجو نلعب شدة 

طب امبراطور (زميل)
انو يعني اذا عندك حدا بساعدني و يمشي الشغل خبرني ونحنا ما منساه

تكرم عينك مادلين ( زميلة )
   
   

صباح الظهر ياجماعة
كيفكون وشو اخباركون
وكيف الهمة ان شاء الله تمام
يوجد لدينا وحدات mtnوسيريتل