رداً على تعليقك بملاحظتك الرائعة يا زميلة مادلين :
أولاً : أنا لما عم قول شي هون بالمنتدى مو منشان وتركن متل ما قلتي حضرتك 
ثانياً : انا عم حاول الفت نظركم لشي انتو مو منبهينلو  منشان تشتغلو عليه وتنتهو منو قبل ما يوقع الفاس بالراس متل ما بيقولو 
ثالثاً : أنا متأكد من يلي عم احكيه بخصوص مشاكل السكن ووقت التسجيل 
رابعاً : بناء على قرار مجلس التعليم العالي رقم (474) بتاريخ 26/8/2010 ويلي بيحدد أخر موعد لإعلان نتائج الماجستير وموعد بدء العام الدراسي ب 7/10/2010
والاتحاد مو ملزم بعد هذا التاريخ بتسجيل اي طالب ؟؟؟؟؟؟
خامسأ: يلي بيقرأ شي من مشاركاتي وما بيعجبو بيقدر بكل بساطة ما يعلق عليه ويتجاهلو 

اي اوك
بس اول شي مرحبا زميلنا الامبراطور
انا بقدر لطفك وبعرف انو ما قصدك توترنا
بس
انت بتعرف انا مبارح كم تلفون عملت يعني بتعرف اديش صار ميزانية السيرياتيل مبارح من اتصالاتي؟
كل هاد
مشان دبرها 

واخر شي طلعت القصة فاضية والتسجيل بيبدا الاسبوع القادم

وانا ما فيي اتجاهل هالشي لانو يا زميل انا عم اتوتر وانو اتوتر ماشي سهل ابدا
انت يمكن ما بهمك اذا توترت او لاء بس انا بهمني

وشكرا لحرصك على زملاءك ونيتك الصافية

بما انك عملتي اتصالاتك وطلع معك انو اشغلة فاضية على حد تعبيرك والتسجيل بيبدأ الأسبوع القادم ؟؟؟
بحب خبرك انو التسجيل مبلش من الأسبوع الماضي
والوحدة 14 اكتملت عالأخر وما بقي غير الوحدة 15 بس
(الوحدة 14 و 15 ) مخصصات الدراسات العليا في المدينة !!!!
لأنو يا زميلة معظم كليات جامعة دمشق طلعت نتائج الماستر فيها واستلمو مصدقات ونزل برنامجن الدراسي
يعني التأخير يلي عم يصير بكلية الاقتصاد استثنائي ؟؟؟
والاتحاد الوطني لطلبة سوريا أكيد ما رح يستنى كليتنا العظيمة لتخلص منشان يفتح باب القبووول ؟؟؟
وفيكي تتأكدي من يلي عم إحكي لما تروحي على مبنى المكتب الاداري للاتحاد الكائن في كلية الحقوق بجانب المكتبة المركزية
لأنو استلام الاستمارات الخاصة من هنيك !!!!!!!!!!!!!!!!!!!!!!!!!!!!!!!!

ما انا سالتو لعمو رئيس السكن ما عم قلك
واذا مو مصدق معي رقم موبايلو والله هو قلي انو للاسبوع القادم بعدين يا زميل ليش زعلت انا ما قصدي زعلك

بس انا عم احكي بشكل عام ما خصيتك انت بالكلام

يعني خلاص ما تزعل من كلمة فاضية انا هيك بيطلع معي الحكي راسا بشكل عفوي يعني ما بعنيها متل ما انت فهمتها


وبالنسبة للوحدة 15 شبها من شو بتشكي والله حلوة ومطلة عالبحر
بتعرف نحنا جماعة اللادئية ما فينا بلا بحر

سمك نحنا سمك

مرحبا
إلى جميع الزملاء الاعزاء
طولو بالكون وما في داعي لأستخدام تعابير اسفزاز بالحكي
يا حماعة هدا منتدى وكل واحد بيحكي اللي بيعرفو بغض النظر اذا كان صحيح او لاء
منشان هيك شكراً إلك زميلنا الامبراطور لأنك حكيتلنا عن معهد التخطيط وحكيتلنا عن موضوع السكن الجامعي
وشكرأ إلك زميلة مادلين انك حكيتيلنا عن ماجستيرات الاقتصاد بكلية العلوم السياسية
وشكراً إلك زميل مراد لانك جبتلنا العلامات وصورتلنا اياهون
وشكراً إلك زميل مجد  وشكراً وشكراً
الشكر للكل يا جماعة ما في داعي حدا يوتر الجو
لأنو الكل متوتر من جماعة المحاسبة لجماعة الاقتصاد
منشان هيك تحياتي للجميع وكرمال قصي روقو لأنو  بدنا  العنب ما بدنا نقاتل الناطور

معك حق قصي

نحنا عم نتناقش وما في اي مشاكل
بس هو سوء فهم بسيط

وانشا الله الجو على طول رايق

بوجود كل هالعلماء الاقتصاديين

what I say recently , It Is what I have from informations !!
any way , It is up to you ?
And I am sorry If you get nervous because of  me 
best regards for you mary
Thank you my friend kousi
     

شفتو ما احلاكن هيك
ما بقى تتقاتلو انتو اخوة

وعنجد احرجتني بلطفك يا زميل الامبراطور

السلام عليكم ورحمة الله وبركاته
كيفكون ياجماعة
زميل قصي انا عتبان عليك كتير وزعلان منك ويجوز نتقاتل كمان
اي نتقاتل ليش شكرت كل الزملاء وتركتني شو بني انا مابعجب يعني

مرحبا زميل مجد كيفك وشو اخبارك
طبعا بالنسبة لسؤالك انو كل واحد يحكي شو بيشتغل
أنا بشتغل موظف بشركة نفط أو فينك تقول شركة تابعة لوزارة النفط (gas plant)
بحب اشتغل باي وظيفة مكتبية لأني قرفت شغلتي بصراحة وحلمي يكون الي شغلي الخاص أو بالاحرى شركتي الخاصة